ZAKHARIX 3:1 - Wa Common Language Translation

¹ Nawh Cao baox jhi aux yaox Yawsux pa mawh cao giex kaing li pa ting cung ka plak sivoe kawncau Siyiex mai satan cung ka plak taix khawn dawm Yawsux sonsang tieh feen Nawh Cao heue.

ZAKHARIX 3:1 Iomraidhean Croise

YAM JAH 3:15

Aux tak kieh pa koeng koe sinax maix mai pui sibun, doeh ru maix mai doeh ru sibun, nawh tak dig kaing maix khlaix mai maix tak mat yuh loek caong nawh heue.”

YAM JAH 48:16

kawncau Siyiex pa taoh aux khaing pa caox caig, nawb bwan ka kawn nyawm in kiex mai kieh ceu kaux aux, ceu kaux keeing aux, Abraham mai Icak koe piang kiex mai kieh kiex ting lhaong, haok hwan tom nie piang haktiex in heue.”

1 GRAWNG BEEN 21:1

Yam an, satan hoik yaog ti kaoh sonsang kieh ceu pui Isarelax khankix laux leeing mai hoik so rhawm Davit kieh nawh simin ka ceu pui Isarelax heue.

2 GRAWNG BEEN 29:11

“Kawn simex aux khankix eue, paw kieh pex koe rhawm nieh rhawm ciien yam in liak, mawh kheu Siyiex hoik laug ti teei pex, sonsang pon cung pex ti yuh kaing jhaw ka plak sivoe Nawh Cao mai sonsang yuh kaing jhaw pa tok nyawng bhawng ka son Nawh Cao heue.

EZARAX 10:18

Ka daux sinax cub kawn praix cao giex kaing li khankix pa hoik teei ti moeng bun pui tang ceu khankix hoik yaox awm in plak greem, khaing daux cub kawn praix Yawsux kawn simex Yozadak mai pux nawh pa mawh Maseyax, Eliaza, Yarip mai Gedaliyax khankix heue.

EZARAX 2:2

Can pui pa hoek tau mai Terubagelax khankix mawh Yawsux Nehamix, Serayax, Relayax, Modekhie, Bilashan, Misapa, Bizava, Rehum mai Banax heue. Carang ceu pui Isarelax khankix mawh awm in,

EZARAX 5:2

Mawh kheu nan Zerubabelax kawn simex Shalatilax mai Yawsux kawn simex Yozadak kaoh mai jah tix sum nyiex bwan Siyiex pa koe ka daux veng Yerusaliem, mai cao jhai Siyiex khankix, hoik ot tau mai kix mai teem ka kix heue.

YAOGYAW 106:23

Mawh kheu in, Siyiex tom keud ti yuh laux ka pui Nawh khankix, viang mawh nan, Mose siliex pa hoik laug Nawh ti teei tom cung sivoe Nawh mai khyox khaw son ang Nawh sang yuh kix laux leeing heue.

YAOGYAW 109:6

Teei pui pa ang rahsee mai deuh ka piang pui pa yuh nan mai kieh pui pa koeng ot dex plak taix khawn dawm nawh liak.

YERAMIX 15:19

Mawh kheu nan, Siyiex ah nin, “Phan maix deeh ing, khaix an, Aux tak sang deeh viex maix hoek maix tak yaox tix cung ka plak sivoe aux, phan maix gwieh ceu pa mhawm lih khaing ceu pa caox maix tak sang mawh pa awm jheeh Aux heue. Kieh kix deeh ing hoek ka maix, viang mawh nan maix tak ang lai ing hoek ka kix heue.

YEZAKELAX 44:11

Kix tak mawh pa yuh kaing jhaw ka dee pa singax singeh Aux mai pau diang siviex nyiex bwan mai yuh kaing jhaw daux nyiex bwan, kix tak mawh cao pa pah krax tan pa gleeing mai krax tan pa appong tix son pui mai kix tak yaox ti cung ka plak sivoe pui, sonsang yuh kaing son kix heue.

YEZAKELAX 44:15

Yam hoik lud hu ceu pui Isarelax mai lih khaing Aux, cao giex kaing li ceu pui Lewix kawn simex Zadok khankix pa kawn priex rien mai yuh kaing dee pa singax singeh Aux, kix tak pon ti yuh kaing Aux mai greed tix hoek dex Aux, sonsang tan krax tan krax lu pa gleeing klon bee mai nham ka Aux, Siyiex ah nan heue.

HAGIE 1:1

Ka daux baux num kwang simiang Darix, ra num tix num daux khix liah, tix ngaix, gumlox Siyiex hoek ka cao jhai Hagie, krai ka Zerubabelax kawn simex Shelatilax, cao kwang veng Yudax mai ka Yawsux kawn simex Yehawzadax, cao kaing ting cub cao giex kaing li khankix mai ah nin heue.

HAGIE 1:12

Yam an Zerubabelax kawn simex Shelatilax mai Yawsux kawn simex Yehawzadax cao kaing ting cao giex kaing li mai pui pa kawn deuk khankix, hoik cu hoik nghiet ka lox Siyiex kix, pa mawh Siyiex leeing ju mai ka gumlox cao jhai Hagie, awm hoik ploi Siyiex kix, pa mawh Siyiex leeing ju nawh hoek mai pui khankix hoik koe krax lhat graung ka plak sivoe ngai Siyiex leeing ju heue.

HAGIE 2:4

Viang yuh nan kawx Zerubabelax eue, Teei ti koe riang koe rao awx, Siyiex ah nin. Yawsux kawn simex Yehawzadax cao kaing ting, cao giex kaing li eue, teei ti koe riang rao awx, pex pa mawh pui haktiex khankix eue, teei ti koe riang rao mai yuh kaing heue. “Siyiex ah nin. “Grawh grawng nawh, Aux ot tau mai pex heue, “Siyiex cao kru naing raoma ah nan heue.

ZAKHARIX 1:13

Siyiex hoik deeh pawk lox ka kawncau Siyiex an, pa hoik sikah tau mai aux, ka gumlox pa mhawm mai pa koe krax pa nyhawm rhawm heue.

ZAKHARIX 1:19

Aux chawk ka kawncau Siyiex pa hoik sikah tau mai aux “Mawh inkix patix lie? “Nawh deeh pawk ka aux ah nin “Inkix mawh rung pa hoik prung prang ti tik haktiex Yudax, haktiex Isarelax mai veng Yerusaliem khankix heue.

ZAKHARIX 1:9

Yam an aux chawk ah nin “Siyiex aux eue, inkix mawh patix lie? “Mawh kheu nan, kawncau Siyiex, pa hoik sikah tau mai aux, krai ah nin ka aux, “Aux tak sang jhi maix yaox ka mawh ceu inkix patix heue.

ZAKHARIX 2:3

Yam lih hu kawncau Siyiex pa hoik sikah tau mai aux an mai kawncau Siyiex tang kaux hoik lih hoek ti rieb ka nawh,

ZAKHARIX 3:8

Yawsux pa mawh cao giex kaing li pa ting eue maix khawm paox pa ngawm ka plak sivoe maix khankix, nghiet heue. Kix mawh mhai rug pa daox deng heue. Aux tak sang kieh kawncau Aux, pa mawh nyoeg kak Davit hoek heue.

ZAKHARIX 4:14

Nawh deeh ah nin, kak khaox an ra kak, mawh pui pa hoik groi rawm bee ka piang pa cung hawt praok Siyiex, pa kwang ka haktiex khawmuik khawm leeing heue.”

ZAKHARIX 6:11

“Teei mau mai khri mai yuh mhok khri, ceep ka kaing Yawsux, pa mawh kawn simex Yehawzadax, cub cao giex kaing li pa ting khankix heue.

MALAKHIX 3:1

Jhak heue, Aux ploi cao cau tix hoek mai nawh tak sang cox khre daux krax sivoe aux heue. Siyiex pa sawg pex ti yaox, tak sang hoek sijaox ka nyiex bwan Nawh, cao cau gumlox sijax mukheu an, mawh pui pa sang khaw rhawm pex kah heue. Jhak heue, Nawh Cao tak sang phai hoek. Siyiex Cao kru naing raoma ah nan heue.

LUKAX 21:36

Viang mawh nan, pex pau ti jhak ku bawg yam, rawg bwan, sonsang pon pex ti luan khaing ceu in khankix khawmuik, pa tak sang hoek ti mawh, sonsang pon ti cung sivoe Kawn kawn pui heue.”

LUKAX 22:31

“Simon eue, Simon, jhak heue, satan hoik mhaing maix, sonsang pon nawh ti grheung maix, awm grheung nghox ca heue.

PINGNYAP 10:8

Yam an Simiang Siyiex tang gwieh pui Lewix, tawx beeh glawm kieh klawm teug bwan sijax mukheu Simiang Siyiex, sonsang cung kix ka plak sivoe Simiang Siyiex mai yuh kaing jhaw son Nawh Cao mai sonsang nawb kix bwan ka daux min ceu kaux Nawh Cao tom hoek in singaix.

PINGNYAP 18:15

Simiang Siyiex maix tak sang kieh cao jhai lih tix kaux khaing daux puxaik pex pa awm aux. Pex tak nghiet ka lox nawh.

1 PETRUX 5:8

Rien rhawm tix mai pau tix jhak, mawh kheu pa koeng pex phicaox awm sivai sangsi pa graox mai hu lailing ti sawg kug pa sang kiied nawh ti ih heue.

1 SAMOELAX 6:20

Pui veng Bietshemiet chawk paox tix ah nin, “Mawh pui mawx pa pon cung plak sivoe Simiang Siyiex pa singax singeh in lie? Sonsang lih hu khaing yix mai pui mawx caw ti hu?”