ZAKHARIX 2:9 - Wa Common Language Translation

⁹ Jhak heue, Aux sang sau taix tix ka kix mai kix tak sang lih mawh kraung pa hoik tud rhim ti laux leeing son siliex kix heue. Khaix an, pex tak tawng ka hoik ploi Siyiex cao kru naing raoma Aux hoek heue.

ZAKHARIX 2:9 Iomraidhean Croise

ISAYAX 10:32

Ka daux singaix nawh kawn ot ka daux veng Nawbax, nawh tak sang lua taix tix tub ka kawn bun Zion pa mawh gawng veng Yerusaliem tan heue.

ISAYAX 11:15

Siyiex tak yuh rawm sigrit sigra meung Ejiptux hit kroh ka bhaung pa kied hax kied si aoh Nawh Cao, Nawh Cao tak yung yiang taix tix ka piang rawm klawng ting, mai sivied nawh koe rawm klawng iak aliah klawng mai kieh pui khankix ceep kiiep tiang hu ka piang heue.

ISAYAX 12:6

Can pui pa ot ka daux veng Zion khankix eue, gaux rhawm mai kok yo lox sinum ka, grawh grawng nawh, cao pa ting lhaong pa singax ceu pui Isarelax khankix pa ot ka daux sigreung pex heue.

ISAYAX 13:2

Yaog tix pak chix ka gawng pa lhaong, riak yo lox sinum ka kix, vuh vied taix pex, son tak sang pon kix ti laig ka daux siviex cao pa ting lhaong heue.

ISAYAX 14:2

Pui tang ceu tak teei kix mai tawx dee ot kix mai ceu pui Isarelax tak sang teei ti cau kix, sonsang mawh siliex simex siliex bun tix ka daux haktiex Siyiex heue. Kix tak deeh giex gang ka pui pa hoik gang ka kix mai pui pa tuktiak ka kix, kix deeh tuktiak ka kix mai kwang ka piang kix heue.

ISAYAX 19:16

Ka daux singaix an, pui Ejiptux khankix tak mawh pa awm bun mai tak koe krax lhat graung kheu jao chuh khawn taix Siyiex cao kru naing raoma ka piang kix heue.

ISAYAX 26:1

Ka daux singaix an, lai rhax in tak sang mawh pa rhax tix ka daux meung Yudax ah nin, ex hoik koe veng pa kaux cong, Siyiex tak sang yuh ti deuh bwanson krax taoh pa mawh guh veng khankix mai son pa tieb tie naing khankix heue.

ISAYAX 33:1

Kieh krax kha rhawm koe ka pui pa tud rhim, viang maix ang sax yuh pa tud rhim maix mawh pui pa tud rhim, viang ang pui yuh pa tud rhim ka maix kawx, yam naox maix krax pa tud rhim maix tak kham pa tud rhim, yam hoik sidah naox maix yuh tix pa tud rhim, kix tak yuh pa tud rhim ka maix.

ISAYAX 33:21

Min pakngai Siyiex tak ot ka daux veng an, pa mawh dee vieh haktiex mai rawm klawng ting an khawm ra plak, ka dee an koe reu mai reu ting lai ling baoh an.

ISAYAX 33:23

Maox phyawk man reu maix, hoik gah, kix ang lai pon jung ka rong khaox jung man reu mai ang lai pon nih ka man reu. Kix gwieh kraung pa tud rhim ka paox tix mai pui chawh kawx tak rhim ti cie ka an.

ISAYAX 4:5

Khaix an Siyiex tak phan ti deuh paiawm mai taox ngu ka plak ponngaix mai rao ngu pa jhan riang ka plak ponsawm, ka piang dee ot dee koe kudauh kudee piang gawng Zion mai ka piang dee khrawm pui tix kum heue. Ka piang an khawmuik min sibrawm Nawh tak kheem kah heue.

ISAYAX 48:16

Greed hoek dex Aux, nghiet ka in, tom yam jah Aux ang sax mox tix krai ka dee glip, jah khaing yam an, Aux hoik ot tan, yam in Siyiex mai khwan cao hoik ploi Aux hoek.

ISAYAX 60:18

Krax pa kin tak ang lai mhong tix ka daux haktiex maix khaix in, krax pa nai pa nawk mai krax pa laux leeing kawx, tak ang lai koe ka daux sinax mee haktiex maix khankix heue. Viang mawh nan maix tak kok guh veng maix mawh krax taoh mai siviex veng maix mawh krax yaog yaw heue.

ISAYAX 60:19

“Singaix tak ang lai mawh pa riang maix ka daux plak ponngaix khaix in, pa riang khix tak ang lai jhan pa riang ka maix heue. Viang mawh nan, Siyiex tak mawh pa riang leeing ju ka son maix mai Siyiex tak mawh min pakngai maix heue.

YERAMIX 27:7

Mawh kheu nan, ceu pui khawmuik tak sang yuh kaing jhaw nawh mai ka kawn simex nawh kawn saux nawh khankix, tom hoek bawg yam ang haktiex kwang nawh nyang bax sidah mai khaix an, ceu pui khawmuik mai simiang pa ting lhaong khankix tak kieh nawh deeh mawh pa yuh kaing jhaw ka son kix heue.

YERAMIX 28:9

Phan mawh cao jhai pa gruh krai lox jhai son pa nhim rhawm, yam hoik rug lox cao jhai an, tak sang tawng mawh nawh cao jhai pa hoik ploi Siyiex hoek tete heue.”

YERAMIX 8:19

Nghiet ka lox riag yo kawn bun pui aux khankix khaing haktiex pa singai heue. Mawh ang Siyiex koe ka daux veng Zion lie? Mawh ang simiang koe ka daux veng lie? Kheu kix lai so krax song rhawm Aux ka riang rao krub pa saik kix mai ka riang rao krub pui tang meung khankix lie?

YEZAKELAX 39:10

Kix tak ang yaox ti kraix khix mai sawg khix daux tiag, daux nong khankix, kheu hoik mawh kraung naing son khix pa sang taong kix mai kix tak tud rhim ka pui pa hoik tud rhim ka kix mai kix tak con ka pui pa hoik yuh con ka kix, Siyiex ah nan heue.

YOLAX 2:27

Pex tak tawng ka Aux ka daux sinax ceu pui Isarelax mai ka mawh Aux Siyiex, pa mawh Siyiex pex mai ka ang siyiex tang kaux ang lai koe heue. Pui Aux khankix tak ang lai koe krax kaig tua khaix in leeing ju heue.

HABAKUK 2:17

Krax kin pa hoik yuh maix ka gawng Lebanon tak sang kheem ti deuh maix mai krax laux ju totiag an khankix, pa hoik kieh kix koe krax lhat graung kheu jao nham pui mai krax kin pa yuh ka haktiex mai veng mai can pui pa ot ka daux an khankix heue.

HABAKUK 2:8

Mawh kheu hoik tud rhim maix ka ceu pui khankix tom nie, can pui pa kawn deuk an khawmuik, tak sang deeh tud rhim ka maix, kheu maix jah yuh nham pui khankix mai krax pa lang teung kin yuh maix ka haktiex mai veng mai can pui pa ot ka daux an khawmuik heue.

ZEPHANIX 2:9

Mawh kheu nan, Siyiex Cao kru naing raoma, Siyiex ceu pui Isarelax ah nin “Awm im ju Aux, haktiex Mawbax tak sang mawh pa awm veng Sawdom mai pui haktiex Amon khankix tak sang mawh pa awm veng Gawmawrax, pa hoik tieh ti mawh pang kat khankix mai daux kih, mawh dee pa laux leeing jheung jheung heue. Pui aux pa kawn deuk khankix tak sang hu tud rhim ti teei kix mai pui pa kawn deuk khankix ka daux meung, Aux tak sang pon ti cie sin kix heue.

ZEPHANIX 3:15

Siyiex hoik teei krax ciyang maix khankix luan mai Nawh Cao hoik teei ti tik pui koeng maix luan heue. simiang ceu pui Isarelax, pa mawh Siyiex, ot ka daux sigreung maix heue. Maix tak ang lai yaox krax pa laux leeing khaix in baox pie tix bawg kawx heue.

ZAKHARIX 2:11

“Yam an tak sang koe ceu pui tom nie pa deeh hoek ka Siyiex mai kix tak sang mawh pui Aux heue. Aux tak ot ka daux sinax pex heue. Khaix an, pex tak tawng ka hoik ploi Siyiex cao kru naing raoma Aux hoek ka pex heue.

ZAKHARIX 2:8

Siyiex cao kru naing raoma ah nin, khaix hoik sidawng min pakngai Nawh ploi aux hu ka ceu pui khankix pa tud rhim ti teei pex, pui pa hu teeh ka pex, mawh pui pa teeh ka daux kawn ngai Nawh Cao heue.

ZAKHARIX 4:9

“Taix Zerubabelax hoik sum ti deuh num riah nyiex bwan in, taix nawh tak sang yuh an heue. Khaix an maix tak tawng ka hoik ploi Siyiex cao kru naing raoma Aux hoek ka pex heue.

ZAKHARIX 6:15

“Pui pa ot dee pa kied singai, tak sang hoek ti sum nyiex bwan Siyiex, pex tak tawng ka hoik ploi Siyiex cao kru naing raoma Aux hoek ka pex. Phan pex koe krax cu nghiet ka lox Siyiex, pa mawh Siyiex pex, ceu in khankix tak sang lih ti mawh heue.

ZAKHARIX 9:15

Siyiex Cao kru naing raoma tak sang tieb tie ti priex kix, kix tak sang kiied ti ih pui koeng kix mai dig lon simaox pa hoik sivuat tix khankix heue. Kix tak sang nyaux mai lawh maw, awm hoik sak nyaux ka rawm plix siiet, kix tak sang naog ka nham awm tawg klong khankix, awm daog khu dee tan heue.

YOHAN 13:19

Jah tom yam in khaix in Aux sang grux krai ka pex grawh grawng ceu pa tak sang hoek ti mawh, ka ang nyang bax mawh, yuh ka mawx yam lih mawh ceu an, pex tak sang yum rhawm grawng mawh Aux Kaw an heue.

YOHAN 16:4

Aux hoik krai grawh grawng ceu in khankix ka pex, yuh ka mawx yam hoek bawg yam nari pa sang lih mawh khankix pex tak sang doh keud ka pa hoik krai Aux grawh grawng khankix. Aux krai ceu in khankix ka pex tom yam jah, kheu ot Aux tau mai pex heue.