ZAKHARIX 2:8 - Wa Common Language Translation

⁸ Siyiex cao kru naing raoma ah nin, khaix hoik sidawng min pakngai Nawh ploi aux hu ka ceu pui khankix pa tud rhim ti teei pex, pui pa hu teeh ka pex, mawh pui pa teeh ka daux kawn ngai Nawh Cao heue.

ZAKHARIX 2:8 Iomraidhean Croise

YAM JAH 20:6

Siyiex ah ka nawh daux camaox, “Mawh heue, Aux tawng hoik yuh maix ceu in ka daux krax pa rahsee rhawm maix, mawh kheu nan, sonsang ang maix koe krax lud ka Aux, Aux hoik tiebtie maix, son ang maix pon ti teei ka nawh heue.”

2 SIMIANG 24:2

Siyiex ploi cub kru naing ceu pui Khaladie, cub kru naing ceu pui Surix, cub kru naing ceu pui Mawbax mai cub kru naing ceu pui Amon khankix, hoek ti puing ka nawh, Nawh Cao hoik ploi kix hu puing ka haktiex Yudax sonsang yuh haktiex an laux leeing awm gumlox Siyiex pa hoik krai ka cao jhai kawncau Nawh Cao khankix heue.

YAOGYAW 17:8

Kia ngien aux, awm jhak Maix ka sok ngai tix mai tawb aux ka greem veei pruik Maix liak.

LOX KAB 7:2

Priex lox tawm beenli aux khankix mai im ju awx, priex lox tawm aux khankix, awm sok ngai maix awx.

ISAYAX 49:19

Dah dee tik maix mai dee ang pui ot mai haktiex pa laux leeing maix, tak sikhawp ka pui pa ot kah mai pui pa sang bleet ka maix tak ot singai.

YERAMIX 12:14

Siyiex ah nin, “Ka piang pui caox caig paox plawg Aux khankix pa krox teeh ka sinngao, pa hoik tawx Aux ka pui Aux ceu pui Isarelax khankix pon tix cie, jhak heue, Aux tak sang reeig kix lih khaing daux tiex cie kix mai reeig nyiex ma pui Yudax lih khaing daux sinax kix heue.

YERAMIX 27:7

Mawh kheu nan, ceu pui khawmuik tak sang yuh kaing jhaw nawh mai ka kawn simex nawh kawn saux nawh khankix, tom hoek bawg yam ang haktiex kwang nawh nyang bax sidah mai khaix an, ceu pui khawmuik mai simiang pa ting lhaong khankix tak kieh nawh deeh mawh pa yuh kaing jhaw ka son kix heue.

YEZAKELAX 25:12

Siyiex ah nin, “Mawh kheu haktiex Edom dee pawk bix tix ka nyiex ma ceu pui Yudax, ka daux pa kin lang teung yuh tix mai krax pawk bix ka pa lud kix deeh hoek ka piang pui Edom,

YEZAKELAX 25:15

Siyiex ah nin, “Mawh kheu pui Philitix koe rhawm ti deeh pawk bix ka pui pa koeng nawh ka, ka daux pa kin lang teung yuh tix krax pa laux leeing,

YEZAKELAX 26:2

“Kawn pui eue, mawh kheu veng Turux hoik ah, ha ha ka pa dex dawd mai Yerusaliem, nawh pa mawh siviex veng pui ku meung hoik laux leeing, nawh hoik veeh tix hoek ka aux, veng an hoik mawh dee yiien mai aux tak mawh pa haok hwan,”

YEZAKELAX 26:20

Aux tak sang viex maix lih hu daux meung yum tau mai pui dawg yum didix mai Aux tak kieh maix ot ka daux meung yum greem haktiex, ka dee pa yiien pui ka dee ot pui dawg yum di dix, pui son ang maix lai yaox ti im ju tau mai pui pa ot ka piang haktiex, mawh kheu nan, Aux tak kieh min sibrawm ot ka haktiex pui im ju heue.

YEZAKELAX 35:5

“Mawh kheu jao hoik dawg koe rhawm pa koeng maix sijheeng mai hoik kieh nham kawn praix ceu pui Isarelax jauh ka lawm vaig yam koe krax kha rhawm kix, yam hoek dee sidah phimap yuh kix,

YEZAKELAX 36:11

“Aux tak kieh pui mai to brie haoh hun ka piang pex mai kieh kix pre haoh hun mai keh kawn praix tom nie, Aux tak kieh pex ot ka dee ot pex glang ka in mai yuh ceu pa lheu mhawm ka pex lheu khaing yam jah, khaix an pex tak tawng ka mawh Aux Siyiex heue.

YEZAKELAX 38:11

maix tak ah nin, Aux tak hu puing ka haktiex nyiex yaong pa ang koe guh veng, Aux tak yuh laux ka pui pa koe krax yiien yawg mai pa ang koe krax khi glawh khawmuik, dee pa ang guh veng koe mai dee pa ang jhong siviex koe mai siviex veng khankix,

YEZAKELAX 38:14

“Mawh kheu nan, kawn pui eue, krai lox jhai mai ah nin ka Gawgax, Siyiex ah nin, daux singaix yam yaox pui Aux Isarelax tix ot yiien yawg, ang maix tawng ka lie?

AMOT 1:11

Siyiex ah nin “Mawh kheu lud haktiex Edom, ang joeng mawh loe ceu mawh pon ceu, aux tak ang lai yoi krax song rhawm aux ka piang kix heue. Grawh grawng nawh, nawh hoik hawt ti pheet puxaik tix ka vaig mai ang koe krax pa caux rhawm, krax pa song rhawm nawh mai pa riah nawh ti tik koe sijheung mai nawh hoik deuh krax pa saux rhawm koe leeing ju heue.

AMOT 1:13

Siyiex ah nin “Mawh kheu lud pui haktiex Amon khankix, ang joeng mawh loe ceu mawh pon ceu, aux tak ang lai yoi krax song rhawm aux ka piang kix heue. Grawh grawng nawh, kix hoik pih daux vaig bun pa koe kaux khankix ka daux haktiex Gilat, sonsang yuh kix dee kwang tix vieh va heue.

AMOT 1:9

Siyiex ah nin, “Mawh kheu lud veng Turux, ang joeng mawh loe ceu mawh pon ceu, Aux tak ang lai yoi krax song rhawm aux ka piang kix heue. Grawh grawng nawh, kix hoik ap ti tawx pui khawmuik ka haktiex Edom mai ang koe krax doh keud ka sijax mukheu pa yuh paox pie puxaik tix heue.

MIKHA 4:11

Yam in ceu pui tom nie hoik deeh khrawm ti hoek ka maix, pa mawh pui pa ah nin, kieh veng Zion mawh pa seeing brai mai kieh ngai ex yaox ka ceu pa yaox nawh ti kham heue.

MIKHA 5:6

Kix tak sang laux yuh haktiex Asurix ka vaig mai khawm ka daux diang laig ka haktiex Nimrot heue. Nawh tak sang deeh taoh ex khaing daux tawm taix pui Asurix yam hoek kix ka daux haktiex ex mai yam dig kix ka plak daux mee haktiex ex khankix heue.

MIKHA 7:10

Yam an pui pa koeng ka aux, pa hoik sax ah nin ka aux, Siyiex maix pa mawh Siyiex leeing ju koe dee mawx lie? Yam yaox nawh ka ceu inkix krax kaig tua tak sang kheem ka piang nawh, ngai aux tak sang yaox ka nawh, nawh tak sang mawh pa dig tix greem caong, awm glaox pa koe ka piang krax khankix heue.

HABAKUK 2:17

Krax kin pa hoik yuh maix ka gawng Lebanon tak sang kheem ti deuh maix mai krax laux ju totiag an khankix, pa hoik kieh kix koe krax lhat graung kheu jao nham pui mai krax kin pa yuh ka haktiex mai veng mai can pui pa ot ka daux an khankix heue.

HABAKUK 2:8

Mawh kheu hoik tud rhim maix ka ceu pui khankix tom nie, can pui pa kawn deuk an khawmuik, tak sang deeh tud rhim ka maix, kheu maix jah yuh nham pui khankix mai krax pa lang teung kin yuh maix ka haktiex mai veng mai can pui pa ot ka daux an khawmuik heue.

ZEPHANIX 2:8

Aux hoik mhong lox salao ceu pui Yudax mai grawng pa tang ceu pui Amon phimap, ka pa hoik salao kix ka pui Aux khankix mai ah lox ting ca nyhau mai laig baox ka mee haktiex kix heue.

ZAKHARIX 2:11

“Yam an tak sang koe ceu pui tom nie pa deeh hoek ka Siyiex mai kix tak sang mawh pui Aux heue. Aux tak ot ka daux sinax pex heue. Khaix an, pex tak tawng ka hoik ploi Siyiex cao kru naing raoma Aux hoek ka pex heue.

ZAKHARIX 2:9

Jhak heue, Aux sang sau taix tix ka kix mai kix tak sang lih mawh kraung pa hoik tud rhim ti laux leeing son siliex kix heue. Khaix an, pex tak tawng ka hoik ploi Siyiex cao kru naing raoma Aux hoek heue.

ZAKHARIX 8:5

Krax daux veng khankix, tak sang naog ka kawn nyawm simex mai kawn nyawm bun, pa klieh ka daux krax khankix heue.”

MALAKHIX 3:1

Jhak heue, Aux ploi cao cau tix hoek mai nawh tak sang cox khre daux krax sivoe aux heue. Siyiex pa sawg pex ti yaox, tak sang hoek sijaox ka nyiex bwan Nawh, cao cau gumlox sijax mukheu an, mawh pui pa sang khaw rhawm pex kah heue. Jhak heue, Nawh Cao tak sang phai hoek. Siyiex Cao kru naing raoma ah nan heue.

MATHIEX 25:40

Simiang tak sang pawk lox ah nin ka kix, Aux krai lox tete ka pex, pa yuh pex ka pui pa iak ka daux puxaik Aux khankix tix kaux, pex hoik yuh ka Aux heue.

MATHIEX 25:45

Yam an Nawh tak sang pawk lox ah nin ka kix, Aux krai lox tete ka pex, pa ang pex yuh ka kaw pa iak khaing paox tix khankix in tix kaux, pex ang yuh ka Aux heue.

YOHAN 14:26

Viang mawh kawx nan, Cao Teem pex, pa mawh Khuan Singax Singeh, pa tak sang ploi Keeing Cao hoek ka daux ceu kaux Aux, Nawh tak sang gau pex kuceu khawmuik kieh pex doh keud ka lox pa hoik krai Aux ka pex khawmuik heue.

YOHAN 17:18

Awm hoik ploi Maix Aux hoek ka piang haktiex in, viang Aux kawx hoik ploi kix hu ka piang haktiex heue.

KAWNCAU 9:4

Nawh goh gup piang tiex mai mhong lox pa ah nin ka nawh, “Sawlux eue, Sawlux eue, maix lai tuktiak Aux yuh ka mawx?”

PINGNYAP 32:10

Nawh Cao hoik yaox nawh daux haktiex dee yiien, dee riag yo totiag khankix, Nawh Cao hoik vie hoik lawm nawh mai priex rien ka nawh mai kia ngiien ka nawh awm kawn ngai tix.

2 THESALONIX 1:6

Phan mawh pa khaw mai pa rahsee Siyiex tak deeh tawx pa tug pa kha ka kix, pa hoik yuh pa tug pa kha ka pex,

1 YOHAN 4:14

Ex hoik yaox mhai pa kham mhai rug grawh grawng hoik ploi Keeing Cao ka Kawn Cao, sonsang mawh Cao Taoh haktiex heue.