ZAKHARIX 2:7 - Wa Common Language Translation

⁷ Pui veng Zion pa ot tau mai kawn bun veng Babulon khankix eue, to ti glawd heue.”

ZAKHARIX 2:7 Iomraidhean Croise

YAM JAH 19:17

Mawh kheu nan, khaix hoik viex kix hoek ka praix ah nin, “To tom klawd ju maix, paw doh gi plak khaix mai paw ot daux lung tix dah kawx to tom klawd tix piang gawng khankix heue. Phan ang mawh nan maix tak yaox krax laux leeing heue.”

ISAYAX 47:1

Kawn bun krih veng Babulon eue, lih hoek mai ngawm daux phawng tiex, kawn bun krih ceu pui Khaladie eue, ngawm ka piang tiex ang lai koe dang ngeung, mawh kheu Aux ang lai baox kok maix mawh pa awn nex pa mhawm kaux tix bawg kawx.

ISAYAX 48:20

Lih hu khaing veng Babulon mai to khaing pui Khaladie mai ah lox lai rhax gaux rhawm, krai pao kix mhong ceu in mai krai tom sidah sidu haktiex, “Siyiex taoh lawd siliex tix Yakop.”

ISAYAX 52:11

Lih hu heue, lih hu heue, lih hu khaing tan, paw hu krox hu teeh ka ceu pa ang singax, lih hu khaing daux sigreung an heue. Pex pa klawm kraung pa shiao Siyiex khankix eue mai kieh tix mawh pa singaix heue.

ISAYAX 52:2

Veng Yerusaliem eue, khruah ti tik phawng tiex khaing maix, yaog ti kaoh mai ngawm ka dee lhaong heue. Kawn bun veng Zion, pa mawh pui pa giex laung eue, yah maox ceng khaing ngawg maix heue.

YERAMIX 50:8

Gah khaing Babulon mai lih hu khaing haktiex pui Khaladie khankix mai yuh tix awm yung mhaing plak sivoe phung yung khankix heue.

YERAMIX 51:45

“Pui Aux eue, lih hu khaing veng Babulon mai kieh pui ku kaux, deeh taoh ka tokaux tix, khaing krax pa kied kin song rhawm Siyiex heue.

YERAMIX 51:6

To ti lih khaing daux veng Babulon mai tang deeh taoh ka tokaux tix ku kaux, paw lai rom ti ot tau mai pui lud veng an sonsang som nai tau mai kix, grawh grawng nawh, in mawh bawg yam pawk Siyiex bix tix, Nawh Cao tak deeh tawx ka kix awm pa yuh pui mawx pui an heue.

MIKHA 4:10

Kawn bun Zion eue, kham krax saux ngia mai sau riang tix awm bun pa koe krax saux krax ngia in maix tak sang yaox ti lih hu khaing ka daux veng mai ot ka daux tong kaung mai hu tom hoek ka veng Babulon heue. Maix tak sang pon krax pa luad luan tan, Siyiex tak sang deeh taoh ti teei maix, khaing daux tawm taix pui koeng maix khankix heue.

SIMIN 16:26

Mose krai ah nin ka pui hun, “Lih hu khaing nyiex gox pui pa caox caig inkix, paw doh hu krox hu teeh ka kraung khrai kix tix ceu kawx, ha pex kox laux leeing tau mai phimap kix.”

SIMIN 16:34

Pui Isarelax pa ot hawt vung viang kix, to tau mai yiiem tix, mai kix hoik ah nin, “Phan ang mawh nan, tiex tak sang bleet ex khawmuik!”

KAWNCAU 2:40

Nawh teei lox tang ceu tom nie mai kham mhai rug, sidiex gau ka kix ah nin, “Taoh tokaux pex khaing ju pa kawk vawk in heue.”

PLAK JHI 18:4

Aux mhong lox khaing raoma pa ah nin, “Pui Aux khankix eue, lih hu khaing daux nawh, yuh ka mawx son ang pex yuh paox pie tau mai phimap nawh khankix, son ang pex pon ka preng nawh khankix heue.