ZAKHARIX 2:6 - Wa Common Language Translation

⁶ “Kaoh heue, Kaoh heue, to ti lih hoek khaing haktiex plak blaong heue. “Siyiex ah nin heue. “Grawh grawng nawh, Aux hoik kieh pex prung prang awm bhaung pon plak daux raoma khankix heue. “Siyiex ah nan heue.

ZAKHARIX 2:6 Iomraidhean Croise

YAM JAH 19:17

Mawh kheu nan, khaix hoik viex kix hoek ka praix ah nin, “To tom klawd ju maix, paw doh gi plak khaix mai paw ot daux lung tix dah kawx to tom klawd tix piang gawng khankix heue. Phan ang mawh nan maix tak yaox krax laux leeing heue.”

YAOGYAW 44:2

Maix hoik teei taix tix mai sigrheu ka pui tang ceu khankix mai tawx dee ot ka tax du ex khankix heue, Maix tuktiaktukte ka pui tang ceu khankix mai kieh pui tax du ex khankix pre haoh hun heue.

ISAYAX 48:20

Lih hu khaing veng Babulon mai to khaing pui Khaladie mai ah lox lai rhax gaux rhawm, krai pao kix mhong ceu in mai krai tom sidah sidu haktiex, “Siyiex taoh lawd siliex tix Yakop.”

ISAYAX 55:1

Can pui pa sang nyaux nie rawm khankix eue, Hoek ka dee koe rawm. Pex pa ang koe mau khankix eue, hoek liag maix ih nyaux heue. Mawh heue, hoek liag rawm plix siiet mai rawm teeih ka daux pa ang tix viex mau mai ka pa ang tix tawx ngawh heue.

YERAMIX 1:14

Khaix an Siyiex ah nin, “Ka aux ceu pa lang teung kied kha rhawm tak preung ti hoek khaing plak laong piang pui ot ka daux haktiex in khawmuik heue.”

YERAMIX 15:4

Aux tak sang baox kieh kix yaox krax kha rhawm ku meung piang haktiex khawmuik, kheu jao grawng pa yuh Manashe, kawn simex Hezakiyax simiang meung Yudax ka daux veng Yerusaliem heue.

YERAMIX 3:18

“Ka daux singaix an, nyiex ma ceu pui Yudax tak yuh paox pie tau mai nyiex ma ceu pui Isarelax khankix mai kix tak hoek tau mai paox khaing haktiex plak laong mai hu ka haktiex pa hoik tawx Aux, mawh sinngao ka keeing kix heue.”

YERAMIX 31:10

“Ceu pui khankix eue, nghiet ka gumlox Siyiex mai krai pao grawh grawng an ka daux klawn tiex piang rawm sigrit sigra, pa koe ka dee pa kied singai ah nin, Nawh Cao pa hoik prung prangti tik ceu pui Isarelax khankix tak sang deeh kraix khrawm ka nawh mai priex rien nawh, awm pa yuh cao liang ka cub phung yung tix heue

YERAMIX 31:38

Siyiex ah nin, Jhak heue, singaix bawg yam khankix tak sang hoek, mai tak sang sum veng an son Siyiex, jah khaing nyiex pau tab lhaong Hananelax tom hoek ka daog siviex veng heue.

YERAMIX 31:8

Jhak heue, Aux tak sang viex kix hoek khaing haktiex plak laong mai deeh khrawm kix hoek khaing dee sidah sidu haktiex, ka daux sinax kix koe pui pa dug ngai mai pui laux caong, bun koe kaux mai bun pa kham jhawm saux yha, khawm pui pa kied haoh hun tak sang deeh hoek tan heue.

YERAMIX 50:8

Gah khaing Babulon mai lih hu khaing haktiex pui Khaladie khankix mai yuh tix awm yung mhaing plak sivoe phung yung khankix heue.

YERAMIX 51:45

“Pui Aux eue, lih hu khaing veng Babulon mai kieh pui ku kaux, deeh taoh ka tokaux tix, khaing krax pa kied kin song rhawm Siyiex heue.

YERAMIX 51:50

Can pex pa hoik glawd khaing vaig khankix eue, “Hu dee singai paw lai kaog lai cung, doh keud ka Siyiex khaing ka dee singai mai kieh veng Yerusaliem hoek ka daux rhawm pex heue.

YERAMIX 51:6

To ti lih khaing daux veng Babulon mai tang deeh taoh ka tokaux tix ku kaux, paw lai rom ti ot tau mai pui lud veng an sonsang som nai tau mai kix, grawh grawng nawh, in mawh bawg yam pawk Siyiex bix tix, Nawh Cao tak deeh tawx ka kix awm pa yuh pui mawx pui an heue.

YEZAKELAX 11:16

“Mawh kheu nan krai ah nin Simiang Siyiex, ah nin, “Viang aux hoik tik kix luan dee singai ka daux sinax pui tang ceu khankix mai hoik prung prang kix ot ku sidah haktiex kawx, viang mawh nan, Aux tak sang mawh dee pa singax singeh tivud ticu ka son kix, ka daux haktiex ka dee hu ot kix heue.

YEZAKELAX 17:21

Pui naing pa vao nawh khawmuik, tak goh ti yum ka lawm vaig mai pa kawn deuk tak prung prang ti rairuat kudah mai pex tak tawng mawh lox sikah Aux, pa mawh Siyiex heue.”

YEZAKELAX 5:10

Mawh kheu nan, keeing khankix tak ih kawn simex tix ka sigreung pex mai kawn simex khankix tak ih ka keeing tix heue. Can pex pa kawn deuk khankix, Aux tak prung prangti tik pex ka bhaung pa hoek khaing ku plak heue.

YEZAKELAX 5:12

Khaing daux pex loe nyum tix nyum tak yum ka jhawm saux preng mai laux leeing ka krax hot sibhawm ka daux sinax pex, daux loe nyum an tix nyum, tak goh tix yum ka lawm vaig hawt vung viang maix khankix khawmuik mai Aux tak prung prang ti tik an tix nyum ka bhaung pa hoek khaing ku plak mai Aux tak ploi vaig hawt khaix kix heue.

DANYELAX 11:4

Yam yaog nawh ti kaoh, meung nawh tak sang jieh mai gwieh ti hu ka plak raoma pon daog mai ang lai mawh cie doeh ru nawh mai ang lai mawh awm sibrawm ka pa hoik kwang nawh, mawh kheu meung nawh tak sang mawh pa reeig tix lih mawh son pui tang kaux khaing doeh ru nawh heue.

AMOT 9:9

“Grawh grawng nawh Aux tak sang tawx gumlox tix lih mai tak sang grheeng cub nyiex ma ceu pui Isarelax khankix khaing daux sinax ceu pui khankix khawmuik, awm grheeng nghox pa hoik grheeng tix ka daux grheeng mai ang tie cod ka piang tiex tix sok kawx heue.

ZAKHARIX 1:16

Mawh kheu nan, Siyiex ah nin “Aux sang deeh ing hoek ka veng Yerusaliem tau mai krax pa caux rhawm, nyiex bwan Aux tak sang mawh pa deeh sum tix ka daux veng an mai tak sang bluh maox tiag lih ka piang veng Yerusaliem heue. “Siyiex cao kru naing raoma ah nan heue.

ZAKHARIX 2:7

Pui veng Zion pa ot tau mai kawn bun veng Babulon khankix eue, to ti glawd heue.”

MATHIEX 24:31

Nawh tak sang ploi kawncau raoma cie tix hu mai lox teet tawng pa kied ting kied luah mai kix tak sang khrawm pui pa hoik laug mawh cie Nawh, khaing pon plak, jah dee sidah daog raoma tix plak, tom sidah hoek daog raoma plak an heue.

MAKUX 13:27

Yam an Nawh tak sang ploi kawncau Siyiex khankix hu khrawm pui pa hoik laug cie Nawh, khaing bhaung pon plak, jah dee sidah haktiex, tom hoek dee sidah raoma kudah dee heue.

PINGNYAP 28:64

Simiang Siyiex tak kieh pex prung prang rairuat sinax ceu pui khankix, jah ka haktiex plak in tom sidah hoek ka haktiex plak an mai maix tak yuh kaing jhaw siyiex tang kaux pa ang tokaux maix mai keeing maix sax tawng, pa mawh siyiex khaox mai siyiex simaox tan.

PLAK JHI 18:4

Aux mhong lox khaing raoma pa ah nin, “Pui Aux khankix eue, lih hu khaing daux nawh, yuh ka mawx son ang pex yuh paox pie tau mai phimap nawh khankix, son ang pex pon ka preng nawh khankix heue.

RUTHAX 4:1

Bawzax hu ka plak diang siviex veng mai ngawm tan, yam an paox nyiex pa dex pa krai Bawzax kawx hoik hoek, mawh kheu nan Bawzax ah nin ka nawh, “Paox grawm eue, hoek veh ngawm tin ha, ” mai nawh veh ngawm tan heue.