ZAKHARIX 2:5 - Wa Common Language Translation

⁵ Siyiex ah nin “Aux tak sang mawh guh veng ngu ka hawt vung viang nawh mai mawh min pakngai ka daux sigreung nawh heue.

ZAKHARIX 2:5 Iomraidhean Croise

YAOGYAW 125:2

Awm rob gawng hawt vung viang veng Yerusaliem, Siyiex rob hawt pui Nawh khankix, jah tom yam in mai hu sivoe ngai leeing ju heue.

YAOGYAW 3:3

viang mawh nan, Siyiex eue, Maix mawh Cao pa tiebtie aux mai min plakngai aux mai Cao pa vaoh kaing aux heue.

YAOGYAW 46:5

Siyiex ot ka daux veng an mai veng an ang lai yung yiang mai Siyiex teem ka nawh, tom yam jah praix tix riang heue.

YAOGYAW 48:12

Hawt rob vung viang veng Zion mai simin ti deuh ka nyiex pa ting lhaong khankix,

YAOGYAW 48:3

Siyiex kieh tawng, Nawh mawh dee deuh rhawm ka daux nyiex an heue.

YAOGYAW 85:9

Bwanson krax taoh Nawh Cao, hoik hoek dex kix ka pui pa lhat graung ka Nawh Cao mai min plakngai Nawh Cao, hoik ot ka daux meung ex tete heue.

ISAYAX 12:6

Can pui pa ot ka daux veng Zion khankix eue, gaux rhawm mai kok yo lox sinum ka, grawh grawng nawh, cao pa ting lhaong pa singax ceu pui Isarelax khankix pa ot ka daux sigreung pex heue.

ISAYAX 31:9

Rang ting nawh tak to mai lhat graung mai cub simiang greem nawh tak lhat graung ka pak tix chix tix, Siyiex pa koe rao ngu ka Zion mai pa koe glah ngu ka Yerusaliem ah nan heue.

ISAYAX 32:18

Pui Aux khankix tak yaox ti ot ka dah dee pa nhim mai ka dah dee lawd luan mai ka dee laux lee pa yiien yawg.

ISAYAX 33:21

Min pakngai Siyiex tak ot ka daux veng an, pa mawh dee vieh haktiex mai rawm klawng ting an khawm ra plak, ka dee an koe reu mai reu ting lai ling baoh an.

ISAYAX 4:5

Khaix an Siyiex tak phan ti deuh paiawm mai taox ngu ka plak ponngaix mai rao ngu pa jhan riang ka plak ponsawm, ka piang dee ot dee koe kudauh kudee piang gawng Zion mai ka piang dee khrawm pui tix kum heue. Ka piang an khawmuik min sibrawm Nawh tak kheem kah heue.

YERAMIX 31:39

Maox tiag mee haktiex tak sang phlat hoek see gawng Gariep, khaix an mee haktiex sang deeh veeh tix hoek see gawng Gawtax heue.

YEZAKELAX 38:14

“Mawh kheu nan, kawn pui eue, krai lox jhai mai ah nin ka Gawgax, Siyiex ah nin, daux singaix yam yaox pui Aux Isarelax tix ot yiien yawg, ang maix tawng ka lie?

YEZAKELAX 42:20

Nawh tiag an khawm pon praok, hawt vung viang ding an, krax lang phwan yieh sawk mai krax vieh phwan yieh sawk, sonsang tang gwieh dee pa singax mai dee pa ang singax heue.

YEZAKELAX 47:3

Pui an lih hu ka plak lih singaix tau mai maox diag tiag tix nyaing ka daux taix tix, nawh tiag diag koe tix rheng sawk mai nawh kieh aux tiang rawm mai rawm an raux tom hoek pie mee ngai liag aux.

ZAKHARIX 1:16

Mawh kheu nan, Siyiex ah nin “Aux sang deeh ing hoek ka veng Yerusaliem tau mai krax pa caux rhawm, nyiex bwan Aux tak sang mawh pa deeh sum tix ka daux veng an mai tak sang bluh maox tiag lih ka piang veng Yerusaliem heue. “Siyiex cao kru naing raoma ah nan heue.

ZAKHARIX 2:10

Kawn bun Zion eue, ah lai rhax mai koe krax gaux rhawm kah heue. Grawh grawng nawh, jhak heue, Aux hoik hoek ot ka daux sinax pex heue. “Siyiex ah nan heue.

ZAKHARIX 2:11

“Yam an tak sang koe ceu pui tom nie pa deeh hoek ka Siyiex mai kix tak sang mawh pui Aux heue. Aux tak ot ka daux sinax pex heue. Khaix an, pex tak tawng ka hoik ploi Siyiex cao kru naing raoma Aux hoek ka pex heue.

ZAKHARIX 9:14

Siyiex tak sang plak jhi tix ka piang kix mai te Nawh tak sang lih hu awm pluk plak praix heue. Siyiex tak sang phlu teettawng mai hu tau mai bhaung kang lux khaing plak seh heue.

ZAKHARIX 9:8

Aux tak sang pang ti deuh tab hawt vung viang nyiex Aux, son ang kru naing pui koeng pon tiang ti hu hawt baoh an, pui pa nieb yuh krax kha rhawm ang lai yaox ti tiang ka daux hawt baoh an khaix in pie tix bawg kawx heue. Grawh grawng nawh, Aux hoik jhak inkix ka ngai aux daux yam in heue.

LUKAX 2:32

Pa mawh pa riang pa sang kieh doh ka pui tang ceu khankix mai pa tak sang yaog min plakngai pui Maix Isarelax heue.”

PLAK JHI 21:23

Veng an ang lai lo pa jhan riang singaix mai riang khix, grawh grawng nawh mawh min pakngai Siyiex pa kieh nawh riang mai kawn Yung mawh kawk ngu veng an heue.