ZAKHARIX 2:4 - Wa Common Language Translation

⁴ mai ah nin “Maix to hu krai ka pui awn ju in ka daux krax pa ah nin, veng Yerusaliem, tak mawh dee pa kawn ot pui khankix, awm veng khankix pa ang koe guh veng, mawh kheu kied hun pui mai tobrie khankix ka daux veng an heue.

ZAKHARIX 2:4 Iomraidhean Croise

ISATA 9:19

Pui Yudax daux nyiex daux yaong pa ang nyang bax lai lawm tix ka guh veng khankix, hoik khan kheu ti yuh pawie ka daux singaix kao pon, daux khix Adax an, mawh singaix pa gaux rhawm mai khawm singaix khan kheu, pawie singaix laux lee mai deuh singaix an mawh singaix tawx totaix ka paox tix, tix kaux lai tix kaux.

ISAYAX 33:20

Jhak ka veng Zion veng dee yuh ex pawie, ngai pex tak yaox ka veng Yerusaliem, pa mawh dee yiien yawg, mawh dee koe nyiex gox bwan, pa ang lai dux, rong lhak kawx ang lai toek kah mai maox vien kawx tak ang lai chix dud.

ISAYAX 44:26

Pui kham ka gumlox siliex Nawh Cao mai yuh awm pa gau awm kawncau Nawh Cao, cao pa ah nin ka Yerusaliem maix tak mawh dee pa ot pui kah, pa ah nin ka veng meung Yudax, pex tak sum kah, Aux tak deeh yaog ka can pa hoik laux leeing.

ISAYAX 49:20

Khaix yum kawn praix, pa keh yam yaox maix krax tuk tak ah nin ka daux yhaok maix, dee in sikhawp son aux, sawg ka dee sang tawx tix aux ot.

ISAYAX 54:16

Jhak heue, Aux hoik phan ti deuh cao pa yuh kraung naing cao chix kaing rhiiem pa phlu suah ka daux ngu mai pa viex kraung shiao tix hoek son kaing yuh nawh heue. Aux hoik phan ti deuh cao pa yuh krax laux leeing son pa laux leeing heue.

YERAMIX 1:6

Khaix an aux ah nin, “Siyiex eue, jhak heue, Aux ang chix sidiex chix krai lox kheu mawh aux kawn nyawm heue.”

YERAMIX 31:24

Pui Yudax tak sang ot tau ka daux haktiex an mai ka daux veng khankix tau, pa mawh pui yuh kaing ma mai pui liang yung khankix lih hu tau mai cub phung yung khankix heue.

YERAMIX 31:27

Siyiex ah nin, “Baux singaix tak sang rhuat Aux simie ceu pui mai simie totiag ka daux haktiex ceu pui Isarelax mai ka daux haktiex ceu pui Yudax tak sang hoek heue.

YERAMIX 33:22

Awm ang pon simin ka kraung can pa koe daux raoma mai awm ang pon tiag tong ti yaox ka mhaik rawm sigrit sigra khankix, mawh kheu nan, Aux tak sang baox nie kieh doeh ru kawncau Aux Davit mai pui Lewix pa yuh kaing jhaw Aux khankix haoh hun heue.”

YEZAKELAX 38:11

maix tak ah nin, Aux tak hu puing ka haktiex nyiex yaong pa ang koe guh veng, Aux tak yuh laux ka pui pa koe krax yiien yawg mai pa ang koe krax khi glawh khawmuik, dee pa ang guh veng koe mai dee pa ang jhong siviex koe mai siviex veng khankix,

DANYELAX 1:17

Ka pui awn ju inkix pon kaux, Siyiex hoik tawx kix koe krax tawng kra yung mai krax lhak lhiem ka ngai lai mai pingnya cuyi khawmuik mai Danyelax hoik koe krax chix tawng pa plak jhi mai grawng dee bleeh camaox khankix khawmuik heue.

DANYELAX 1:4

Pui awn ju pa ang koe dee ne raw mai pa mhawm grang khankix, pa hoik grum naog ka pingnya cuyi mai pa koe krax tawng yung mai pa lhak lhiem tiem phai sonsang pon yuh kaing jhaw ka daux nyiex haw mai pa mawh pui pa tak sang pon gau tix chix lox mai lai ceu pui Khaladie khankix heue.

MIKHA 7:11

Singaix sang deeh cox sum maix ka guh veng tix hoik hoek, ka daux singaix an, gumlox pa tawx tak sang tah hu tom dee singai hawt mee haktiex khankix heue.

ZAKHARIX 1:16

Mawh kheu nan, Siyiex ah nin “Aux sang deeh ing hoek ka veng Yerusaliem tau mai krax pa caux rhawm, nyiex bwan Aux tak sang mawh pa deeh sum tix ka daux veng an mai tak sang bluh maox tiag lih ka piang veng Yerusaliem heue. “Siyiex cao kru naing raoma ah nan heue.

ZAKHARIX 1:17

Siyiex cao kru naing raoma ah nin “Veng Aux khankix, tak sang baox grum naog ka daux krax pa haok hwan heue. Siyiex tak sang baox tawm krax nyawm rhawm ka grawng Zion mai tak sang baox laug ti teei veng Yerusaliem heue.”

ZAKHARIX 12:6

“Ka daux singaix an, Aux tak sang kieh cao kwang veng Yudax khankix, awm glah ngu ka daux grux khix mai awm ngu proh ka daux pum nghox heue. Kix tak sang gleeing pui hawt vung viang baoh an khawmuik, pa ot ka plak khawn dawm mai pa ot ka plak khawn gwiex heue. Veng Yerusaliem tak sang mawh pa ot dee ot tix ka dah dee prim pa mawh veng Yerusaliem heue.

ZAKHARIX 14:12

Siyiex tak sang tawx krax kham geu ka pui khankix, pa hoek puing ka veng Yerusaliem yuh nin, nex kix tak sang rawm, yam kawn cung kix ka caong tix, ngai kix tak sang klawk mai dak kix tak sang si-um ka daux jheeh kix heue.

1 TIMOSE 4:12

Paw kieh pui tix kaux kawx nunai maix kheu awn ju maix, kieh maix mawh ceu pa hawt jawh pui pa yum rhawm khankix ti yuh, ka daux pa sikah, ka daux pa yuh maix, ka daux pa moh, ka daux pa yum rhawm, ka daux pa singax singeh heue.