ZAKHARIX 2:2 - Wa Common Language Translation

² Aux ah nin “Mawh sang hu maix dee mawx lie? “Nawh krai ka aux ah nin “Sang hu tiag ka veng Yerusaliem, jhak ka pa koe krax vieh miex ding mai koe krax lang miex ding heue.”

ZAKHARIX 2:2 Iomraidhean Croise

YERAMIX 31:39

Maox tiag mee haktiex tak sang phlat hoek see gawng Gariep, khaix an mee haktiex sang deeh veeh tix hoek see gawng Gawtax heue.

YEZAKELAX 40:3

Nawh Cao viex aux hu tan, jhak heue, pui tix kaux hoek awm grang pakpeung tawng lheung hoek bleeh tan, tau mai pa giex gawng priem mai maox diag tiag tix nyaing ka daux taix tix mai cung ka diang siviex veng heue.

YEZAKELAX 45:6

Pex tak tat ti deuh haktiex tixdah sonsang mawh haktiex veng mai pa koe krax vieh phwan rheng sawk, plak krax lang ra mheen phwan rheng sawk, pa koe plak toi haktiex pa singax singeh an, an tak mawh cie nyiex ma ceu pui Isarelax khawmuik heue.

ZAKHARIX 1:16

Mawh kheu nan, Siyiex ah nin “Aux sang deeh ing hoek ka veng Yerusaliem tau mai krax pa caux rhawm, nyiex bwan Aux tak sang mawh pa deeh sum tix ka daux veng an mai tak sang bluh maox tiag lih ka piang veng Yerusaliem heue. “Siyiex cao kru naing raoma ah nan heue.

ZAKHARIX 5:10

Aux chawk ka kawncau Siyiex pa hoik sikah tau mai aux ah nin, “Kiex sang thaih ti viex phliex an hu dee mawx lie?”

YOHAN 16:5

Viang mawh nan yam in Aux sang hu ka Kaw pa hoik ploi Aux hoek, pex tix kaux kawx ang chawk Aux, Maix sang hu dee mawx?

PLAK JHI 11:1

Teei ti tawx gawng priem tix gawng, pa awm khaox grix ka aux mai ah lox yuh nin, “Kaoh mai tiag ti yaox ka nyiex bwan Siyiex mai ka khu dee tan mai ka kix pa krub ka daux dee an.