ZAKHARIX 2:12 - Wa Common Language Translation

¹² “Siyiex tak sang teei kraung cie haktiex Yudax mawh sinngao ka daux haktiex pa singax Nawh Cao mai tak sang baox deeh laug ti teei veng Yerusaliem heue.

ZAKHARIX 2:12 Iomraidhean Croise

2 GRAWNG BEEN 6:6

Viang mawh kawx nan, Aux hoik laug veng Yerusaliem sonsang pon hu ceu kaux Aux tix ot tan mai Aux hoik laug Davit mawh cao pa kwang piang ceu pui Aux Isarelax heue.

ISATA 6:13

Yam hoik krai Haman grawng ankix ka moeng tix Zariet khawm ka paox grawm tix khankix, ka ceu ankix kuceu, pa hoik lih ti mawh piang nawh khankix, pui pa koe pingnya cuyi khankix mai khawm moeng nawh Zariet deeh ah nin ka nawh, “Maix hoik jah ti som ka sivoe Mawdakie, phan nawh ruk mawh pui pa kaoh khaing daux doeh ru pui Yudax maix tak ang pex ka nawh maix tak mawh pa som nai ka plak sivoe nawh tete.

YAOGYAW 105:15

Paw lai chuh ka can pui pa hoik kraix Aux rawm bee mai paw lai deuh phimap ka cao jhai Aux khankix.

YAOGYAW 132:13

Siyiex laug ti teei ka veng Zion mai khaw ka rhawm Nawh mai yuh mawh dee ot Nawh jheung jheung heue.

YAOGYAW 132:14

Veng in mawh, veng dee ot Aux jheung jheung, mawh kheu simie Aux ti ot ka daux veng in heue.

YAOGYAW 135:4

Grawh grawng nawh, Simiang hoik laug ti teei ka ceu Yakop son Nawh mai ceu pui Isarelax mawh kraung cie Nawh heue.

YAOGYAW 33:12

Pui pa hoik laug Siyiex ti teei khankix, mawh sin Nawh Cao mai kix koe bwanson heue.

YAOGYAW 82:8

Siyiex eue, kaoh mai prawng ca ka haktiex liak, grawh grawng nawh, kawn pui khawmuik mawh cie Maix heue.

ISAYAX 14:1

Siyiex koe krax caux rhawm ka ceu pui Yakop mai tak sang laug ti teei ceu pui Isarelax khankix mai deuh kix ot ka daux haktiex cao kix, mai pui tang meung tak hoek ti yuh paox pie mai kix, kix tak kap ti ot tau mai ceu pui Yakop heue.

ISAYAX 17:14

Ka daux bawg yam plak bo krax lhat tak koe mai sivoe ang praix nyang riang plak ponngawb, nawh hoik grai heue. In mawh son pui an kix pa tud rhim ka ex mai mawh krax pa deeh pawk bix ka pui an kix pa con ka ex heue.

ISAYAX 41:9

Maix mawh pui pa hoik teei Aux khaing dee sidah haktiex mai pa hoik kok khaing daog haktiex, ah nin ka maix, “Maix mawh siliex Aux, Aux hoik laug maix mai ang tik vud maix.”

YERAMIX 10:16

Nyum son cie ceu pui Yakop ang mawh pa awm ceu ankix, mawh kheu Nawh Cao mawh pa phan ka kuceu khawmuik mai ceu pui Isarelax khankix mawh doeh ru sinngao Nawh Cao, Siyiex Cao kru naing raoma mawh ceu kaux Nawh heue.

YERAMIX 30:16

Mawh kheu nan, can pui pa sang kiied tix ih ka maix, tak sang deeh kiied tix ih ka nawh mai can pui koeng maix khankix tak sang hoek ka daux pa giex laung, can pui pa yuh con ka maix tak sang deeh hoek ka daux krax pa deeh con mai can pui pa tud rhim ka maix Aux tak sang deeh kieh nawh hoek ka daux pa tud rhim heue.

YERAMIX 51:19

Nyum cie ceu pui Yakop ang lai awm cie kix, grawh grawng nawh, Nawh Cao mawh cao pa phan pa deuh kuceu khawmuik mai ceu pui Isarelax khankix mawh doeh ru sinngao Nawh Cao heue. Min ceu kaux Nawh Cao mawh Siyiex Cao kru naing raoma heue.

ZAKHARIX 1:17

Siyiex cao kru naing raoma ah nin “Veng Aux khankix, tak sang baox grum naog ka daux krax pa haok hwan heue. Siyiex tak sang baox tawm krax nyawm rhawm ka grawng Zion mai tak sang baox laug ti teei veng Yerusaliem heue.”

ZAKHARIX 3:2

Siyiex ah nin ka satan an, “Satan eue, Siyiex sidiex ka maix! pa mawh Siyiex pa hoik laug ti teei veng Yerusaliem sidiex ka maix heue. Ang in mawh nge khix pa hoik yoi khaing daux ngu tix nge lie?”

PINGNYAP 32:10

Nawh Cao hoik yaox nawh daux haktiex dee yiien, dee riag yo totiag khankix, Nawh Cao hoik vie hoik lawm nawh mai priex rien ka nawh mai kia ngiien ka nawh awm kawn ngai tix.

PINGNYAP 32:9

Grawh grawng nawh son nyum cie Simiang Siyiex mawh ceu pui Nawh Cao khankix mai Yakop hoik mawh sinngao Nawh Cao.