ZAKHARIX 2:10 - Wa Common Language Translation

¹⁰ Kawn bun Zion eue, ah lai rhax mai koe krax gaux rhawm kah heue. Grawh grawng nawh, jhak heue, Aux hoik hoek ot ka daux sinax pex heue. “Siyiex ah nan heue.

ZAKHARIX 2:10 Iomraidhean Croise

YAOGYAW 40:7

Aux tak sang hu heue, awm pa hoik tiem aux ti deuh grawng aux, daux bua Phuk Lai heue.

YAOGYAW 68:18

Yam deeh haok Nawh Cao ka dee lhaong, Nawh giex ti viex pui hu tom nie mai Siyiex ot ka daux sinax kawn pui mai pon rieb totaix khaing pui Nawh khankix mai khawm pui pa tieh feen heue.

LIH HU 29:45

Aux tak ot sinax kawn praix Isarelax khankix mai mawh Siyiex kix.

ISAYAX 12:6

Can pui pa ot ka daux veng Zion khankix eue, gaux rhawm mai kok yo lox sinum ka, grawh grawng nawh, cao pa ting lhaong pa singax ceu pui Isarelax khankix pa ot ka daux sigreung pex heue.

ISAYAX 35:10

Pui pa hoik taoh Siyiex kah, tak deeh hoek mai hoek ka veng Zion mai pa rhax lai mai pa gaux rhawm koe ka piang kaing kix leeing ju, kix tak pon krax gaux rhawm mai pa nyawm rhawm mai krax khi rhawm krax ngia krax ngheeik tak luan singai heue.

ISAYAX 37:22

in mawh gumlox pa krai Siyiex grawng pa dex dawd nawh mai bunk rih Zion hoik nu nai ka maix, hoik nyiah sibriem ka maix. Kawn bun veng Yerusaliem hoik vud vied kaing tix ka plak khaix maix.

ISAYAX 42:10

Pui pa tiang ka rawm sigrit sigra mai can pa ot ka daux an, pa ot ka klawn tiex rawm sigrit sigra mai pa ot ka daux an khankix eue, rhax lai pa khraox ka Siyiex mai yaogyaw Nawh Cao tom deeh sidah sidu haktiex.

ISAYAX 48:20

Lih hu khaing veng Babulon mai to khaing pui Khaladie mai ah lox lai rhax gaux rhawm, krai pao kix mhong ceu in mai krai tom sidah sidu haktiex, “Siyiex taoh lawd siliex tix Yakop.”

ISAYAX 51:11

Mawh kheu nan pui pa hoik deeh taoh Siyiex tak deeh ing mai hoek ka veng Zion tau mai ah lai rhax, tau mai krax gaux rhawm, leeing ju tak hoek piang kaing kix heue. Kix tak pon krax pa gaux rhawm mai krax pa nyawm rhawm, krax khi rhawm mai krax ngia krax ngheeik tak to ti luan heue.

ISAYAX 52:11

Lih hu heue, lih hu heue, lih hu khaing tan, paw hu krox hu teeh ka ceu pa ang singax, lih hu khaing daux sigreung an heue. Pex pa klawm kraung pa shiao Siyiex khankix eue mai kieh tix mawh pa singaix heue.

ISAYAX 54:1

Bun pa neh eue, ah lai rhax heue maix pa ang nyang sax keh kawn mai maix pa ang nyang sax yaox ti kham krax saux mai keh kawn eue, yo ti ah lai rhax mai kok yo lox tix lhaong heue. Grawh grawng nawh, bun pa ang koe mex nie lheu koe kawn praix khaing bun pa hoik koe mex. Siyiex ah nin heue.

ISAYAX 61:10

Aux kied gaux rhawm ting lhaong ka daux Siyiex, khwan ju aux kied koe krax gaux rhawm ka daux Siyiex aux heue. Nawh Cao hoik tawx aux ceep kraung krax taoh, Nawh Cao hoik fua aux ka sibex dhah pa rahsee, awm ceep simex pa sang yuh ka paox ka mhok khri pa mhawm grang, awm jawg bun pa sang yuh ka paox ka khaox kraung siang simaox, khri khankix heue.

ISAYAX 66:14

Yam yaox pex ka in, rhawm pex tak koe krax gaux rhawm mai si ang pex tak hwan awm rib pa klai, taix Siyiex tak mawh pa sidawng tawng tix ka siliex Nawh mai khawm krax pa song rhawm Nawh ka pui koeng nawh khankix heue.

YERAMIX 30:19

Khaix an kix tak ting bwanson yaogyaw Siyiex ka lai rhax mai lox pui pa yuh pa nyawm rhawm, Aux tak sang kieh kix pre haoh hun mai kix tak ang lai dieh hu heue. Aux tak sang yaog min plakngai kix mai kix tak ang lai mawh pa iak heue.

YERAMIX 31:12

Mawh kheu nan, kix tak sang hoek mai pa rhax lai rhax piang gawng lhaong Zion mai lih hu tau mai pon bwanson pa mhawm khaing pa mawh Siyiex, nghox ca, rawm plix siiet pa khraox mai rawm bee, cub kawn yung mai tobrie, khwan ju kix tak awm sipeem pa see ka rawm mai kix tak ang lai koe krax laux rhawm khaix in tix bawg kawx heue.

YERAMIX 33:11

Khaix an tak mhong lox gaux rhawm mai lox nyawm rhawm, lox simex sang yuh ka paox mai lox bun sang yuh ka paox mai lox pui pa sang ah nin, “Yaogyaw ka Siyiex Cao kru naing raoma, grawh grawng nawh, Siyiex mawh pa mhawm mai krax caux rhawm Nawh Cao kaux cong leeing ju, mai lox pui pa sang viex krax tan pa appong krax pa yaogyaw ka daux nyiex bwan Siyiex heue. Grawh grawng nawh, Aux tak sang kieh pui pa giex laung daux haktiex an khankix deeh hoek mai ot awm phao voe Siyiex ah nin heue.

YEZAKELAX 37:27

Nyiex bwan Aux tak koe tau mai kix mai Aux tak mawh Siyiex kix mai kix tak mawh pui Aux heue.

YEZAKELAX 48:35

Tiag ti yaox hawt vung viang an khawmuik, koe tix mheen daix rheng sawk mai jah daux singaix an ceu kaux veng tak mawh Yehowa Shama, pa koe dee bleeh Siyiex ot tan heue.

KRUB 26:12

Aux tak lailing daux sinax pex mai mawh Siyiex pex mai pex tak mawh ceu pui Aux.

ZEPHANIX 3:17

Siyiex pa mawh Siyiex maix ot ka daux sinax maix, Siyiex pa kied ting sibrawm, tak sang taoh ka maix, Nawh Cao tak koe krax pa gaux rhawm kheu maix mai krax pa nyawm rhawm heue. Nawh Cao tak kieh maix ot yiien yawg tix ka daux krax moh krax rhawm Nawh mai Nawh Cao tak koe krax pa gaux rhawm kheu maix mai krax pa ah lai rhax heue.”

ZAKHARIX 1:16

Mawh kheu nan, Siyiex ah nin “Aux sang deeh ing hoek ka veng Yerusaliem tau mai krax pa caux rhawm, nyiex bwan Aux tak sang mawh pa deeh sum tix ka daux veng an mai tak sang bluh maox tiag lih ka piang veng Yerusaliem heue. “Siyiex cao kru naing raoma ah nan heue.

ZAKHARIX 14:5

Pex tak sang to ti luan khaing daux ngawd gawng Aux heue. Grawh grawng nawh, daux ngawd gawng an, tak sang lang tom hoek ka veng Azalax heue. Pex tak sang to awm to pex khaing tuk kla reem ka daux baux singaix Uziyax, pa mawh simiang haktiex Yudax heue. Siyiex aux pa mawh Siyiex leeing ju tak sang hoek mai khawm pui pa singax khankix hoek tau mai Nawh Cao heue.

ZAKHARIX 2:11

“Yam an tak sang koe ceu pui tom nie pa deeh hoek ka Siyiex mai kix tak sang mawh pui Aux heue. Aux tak ot ka daux sinax pex heue. Khaix an, pex tak tawng ka hoik ploi Siyiex cao kru naing raoma Aux hoek ka pex heue.

ZAKHARIX 2:5

Siyiex ah nin “Aux tak sang mawh guh veng ngu ka hawt vung viang nawh mai mawh min pakngai ka daux sigreung nawh heue.

ZAKHARIX 8:3

“Siyiex ah nin, Aux deeh ing ka gawng Zion mai ot ka daux sigreung veng Yerusaliem heue. Veng Yerusaliem tak sang kok mawh veng pa kaux sijax, gawng Siyiex cao kru naing raoma tak kok mawh gawng pa singax heue.”

ZAKHARIX 9:9

Kawn bun Zion eue, Koe krax gaux rhawm ka daux pa kied ting kied lhaong heue. Kawn bun veng Yerusaliem eue, Kok yox lox tix lih heue. Jhak heue, Simiang maix hoik bleeh ti hoek ka maix heue. Nawh Cao mawh pa rahsee mai pa tawx krax taoh, pa viex rhawm awn rhawm tiem mai brug ka piang la, pa mawh pa brug ka kawn la awn ju heue.

MALAKHIX 3:1

Jhak heue, Aux ploi cao cau tix hoek mai nawh tak sang cox khre daux krax sivoe aux heue. Siyiex pa sawg pex ti yaox, tak sang hoek sijaox ka nyiex bwan Nawh, cao cau gumlox sijax mukheu an, mawh pui pa sang khaw rhawm pex kah heue. Jhak heue, Nawh Cao tak sang phai hoek. Siyiex Cao kru naing raoma ah nan heue.

MATHIEX 28:20

Gau kix kieh kix hawt yuh ceu pa hoik nhie Aux ka pex khawmuik, Aux tak ot tau mai pex jheung jheung, tom hoek bawg yam sidah haktiex heue.”

YOHAN 1:14

Gumlox an hoik lih mawh Nex mai ot sinax ex, ex pon yaox min pakngai Nawh, pa awm min pakngai kawn Keeing Cao tix kaux khaing, pa naog bwanson pa mawh meh heue.

YOHAN 14:23

Yesux pawk lox ah nin ka nawh, “Phan pui moh ka Aux nawh tak sang priex ti hawt gumlox Aux, Keeing Aux tak moh ka kaw an, Yiex tak hoek ka nawh mai ot tau mai nawh heue.

PINGNYAP 28:64

Simiang Siyiex tak kieh pex prung prang rairuat sinax ceu pui khankix, jah ka haktiex plak in tom sidah hoek ka haktiex plak an mai maix tak yuh kaing jhaw siyiex tang kaux pa ang tokaux maix mai keeing maix sax tawng, pa mawh siyiex khaox mai siyiex simaox tan.

PHILIPPIX 4:4

Gaux rhawm ka daux Simiang Siyiex jheung jheung, aux baox deeh ah gaux rhawm heue.

PLAK JHI 2:1

“Tiiem ka kawncau Siyiex ceucao pa koe ka daux veng Efesux yuh nin, ceu in khankix mawh pa ah kaw pa giex simuing aliah mu ka daux taix khawn dawm Nawh mai pa hu lailing ka sigreung jawk ten khri aliah mu.

PLAK JHI 21:3

Aux mhong lox pa ting pa sinum pa lih khaing daux dang ngeung ah nin, “Jhak heue, nyiex gox bwan man Siyiex koe tau mai kawn pui mai Nawh Cao tak sang ot tau mai kix mai kix tak sang mawh pui cie Nawh khankix mai tokaux Siyiex tak sang ot tau mai kix mai mawh Siyiex kix heue.