ZAKHARIX 14:9 - Wa Common Language Translation

⁹ Siyiex, tak sang mawh simiang ka piang ca haktiex khawmuik heue. Ka daux singaix an, “Siyiex mawh tix kaux khaing mai ceu kaux Nawh Cao mawh tix ceu khaing heue.”

ZAKHARIX 14:9 Iomraidhean Croise

YAM JAH 49:10

Pliah tak ang lai tang tiah khaing Yudax, khaox gix pa kwang ang gah ti khaing sinax caong nawh, tom sidah sang hoek Shilaw mai kawn pui khawmuik tak cu nghiet ka nawh heue.

YAOGYAW 67:4

Kieh ceu pui kuceu gaux rhawm mai rhax lai gaux rhawm liak, grawh grawng nawh, Maix prawng ca kawn pui ka daux beenli pa rahsee mai Maix tawx krax nyawm rhawm ka ceu kawn pui piang haktiex khawmuik heue.

YAOGYAW 72:17

Ceu kaux Nawh tak kaux cong mai ting lhaong haok hwan jheung jheung tom ang singaix grai hu heue. Kawn pui khankix tak pon bwanson Nawh, pui tang ceu tak yaogyaw bwanson khawmuik heue.

YAOGYAW 86:9

Siyiex eue, can ceu pui pa phan pa deuh Maix khankix, greed tix hoek grux ngawng sivoe ngai Maix mai yaogyaw min plakngai ceu kaux Maix heue.

YAOGYAW 97:1

Siyiex mawh cao pa giex kaing mai kieh haktiex gaux rhawm. Klawn tiex pa koe ka daux rawm khankix gaux rhawm liak.

ISAYAX 45:21

Krai mai viex grawng see maix hoek, kieh kix ra lai teei krax keud ka paox tix, mawh pui mawx pa hoik krai grawng in khaing tom yam jah, Ang hoik mawh Aux pa mawh Siyiex lie? Lheu khaing Aux ang lai koe siyiex tang kaux tang hak, Siyiex pa rahsee mai cao taoh, lheu khaing Aux ang lai koe pui tang kaux tang hak.

ISAYAX 54:5

Grawh grawng nawh, cao pa phan pa deuh maix mawh mex maix heue. Ceu kaux Nawh mawh Siyiex cao kru naing raoma mai cao pa taoh maix mawh Siyiex pa singax singeh ceu pui Isarelax heue. Nawh tak kok tix mawh Siyiex piang haktiex khawmuik khawm leeing heue.

YERAMIX 23:6

Singaix bawg yam nawh khankix, meung Yudax tak pon krax taoh mai ceu pui Isarelax khankix tak yaox ti ot yiien yawg, yam in ceu kaux Nawh Cao tak kok mawh “Siyiex mawh pa rahsee ex heue.”

DANYELAX 7:27

Khaix an meung haktiex mai sibrawm mai krax kwang meung haktiex pa ting lhaong an khankix pa koe greem raoma khawmuik tak sang mawh pa tawx ka pui khankix, pa mawh pui pa singax singeh cie Siyiex pa kied ting kieg lhaong heue. Meung haktiex Nawh mawh meung haktiex pa kaux cong leeing ju mai pa koe sibrawm khankix khawmuik, tak yuh tix tawx kaing jhaw Nawh mai koe krax cu nghiet ka Nawh heue.

AMOT 9:12

Pa kieh ceu pui Isarelax pon ti cie ceu pui Edom, pa kawn deuk khankix mai ceu pui tang ceu khawmuik, pa hoik kok ka ceu kaux Aux heue. Siyiex pa yuh ceu inkix pa ah yuh nin heue.

AWBADIX 1:21

Khaix an cao pa taoh tak sang hoek ka gawng Zion, sonsang prawng ca ka gawng Esaw mai meung haktiex tak sang mawh cie Siyiex heue.

MIKHA 5:4

Nawh tak sang cung kaux cong mai liang ka cub phung yung nawh, ka daux riang rao Siyiex, ka daux min sibrawm kwang ceu kaux Siyiex, pa mawh Siyiex nawh mai kix tak sang ot kaux cong kah heue. Grawh grawng nawh, nawh tak sang mawh pa ting lhaong, tom hoek ka dee sidah sidu haktiex heue.

HABAKUK 2:14

Grawh grawng nawh, haktiex tak sang mawh pa naog ka pingnya cuyi min plakngai Siyiex, awm naog rawm ka rawm sigrit sigra heue.

ZEPHANIX 3:9

Yam an Aux tak sang deeh kieh ceu pui khawmuik sikah lox pa singax, sonsang pon kix ti kok ceu kaux Siyiex mai sonsang yuh kaing jhaw Nawh Cao tau mai krax grum rhawm heue.

ZAKHARIX 9:9

Kawn bun Zion eue, Koe krax gaux rhawm ka daux pa kied ting kied lhaong heue. Kawn bun veng Yerusaliem eue, Kok yox lox tix lih heue. Jhak heue, Simiang maix hoik bleeh ti hoek ka maix heue. Nawh Cao mawh pa rahsee mai pa tawx krax taoh, pa viex rhawm awn rhawm tiem mai brug ka piang la, pa mawh pa brug ka kawn la awn ju heue.

MALAKHIX 1:14

“Kieh krax jhax lawg koe ka piang pui pie lhen an, pa koe yung mhaing ka daux cub phung yung nawh, pa hoik yuh lox mukheu mai tieh ti tan pa laux maung ka Siyiex grawh grawng nawh, Aux mawh simiang pa ting lhaong, “Ceu kaux Aux mawh pa sang koe krax pa lhat graung, ka daux sinax ceu pui khankix heue. “Siyiex cao kru naing raoma ah nan heue.

MATHIEX 1:23

“Jhak heue, bunkrih tak koe kaux mai keh kawn Simex, mai kix tak kok ceu kaux Nawh mawh “Emanoelax.Phan toe dee bleeh Emanoelax, mawh Siyiex ot tau mai ex” heue.

MATHIEX 28:19

Mawh kheu nan pex hu mai yuh ceu pui khawmuik mawh kawncau mau soi mai cubcom kix ka daux ceu kaux Keeing Cao, Kawn Cao mai Khuan Singax Singeh Cao heue.

PINGNYAP 6:4

O pui Isarelax khankix nghiet heue, Simiang Siyiex, Siyiex ex mawh Siyiex tix kaux khaing,

PLAK JHI 11:15

Kawncau Siyiex aliah kaux tix kaux phlu teettawng mai lih koe lox pa ting pa sinum ka daux raoma, pa ah nin, “Meung haktiex in hoik lih mawh meung Simiang ex, mai meung Khrit cie Nawh Cao, mai Nawh Cao tak sang giex kaing ku ju leeing ju leeing phan heue.”

1 SAMOELAX 2:10

Pui pa koeng Simiang Siyiex ka khankix tak laux phawng vid, Nawh Cao kieh sinum praix khaing raoma tuh ka kix, Simiang Siyiex ciyang tom sidah haktiex, Nawh tak mawh riang rao ka simiang Nawh Cao mai yaog siawp sibrawm pui pa hoik groi Nawh Cao bee ka.”