ZAKHARIX 14:7 - Wa Common Language Translation

⁷ Ka daux singaix an, tak mawh pa tawng Siyiex kah heue. Ang mawh ponngaix mai ang mawh ponsawm mai ka daux plak ponbo tom tak koe pa riang heue.

ZAKHARIX 14:7 Iomraidhean Croise

YAOGYAW 37:18

Siyiex hoik tawng bawg yam singaix mai kieh sin ngao kix grum kaux jheung jheung heue.

ISAYAX 11:9

Kix tak ang pon tix koe krax pa tuktiak tukte ka paox tix mai ang pon ti yuh laux leeing ka paox tix khawmuik ka piang gawng singax Aux heue.Mawh kheu haktiex tak sang mawh pa grum naog ka krax pa tawng pa yung ka Siyiex, awm kheem rawm ka rawm sigrit sigra heue.

ISAYAX 24:23

Khaix an khix tak mawh pa laux pakngai mai singaix tak mawh pa koe krax kaig tua, mawh kheu Siyiex cao kru naing raoma tak kwang ka piang gawng Zion mai Nawh Cao tak koe min pakngai ka plak sivoe kuad song khankix ka daux veng Yerusaliem heue.

ISAYAX 30:26

Lheu khaing an, pa riang khix tak awm pa riang singaix mai pa riang singaix tak lheu riang aliah son, awm riang, pa riang daux aliah singaix, singaix an, Siyiex tak cox dee mat pui Nawh Cao mai pai dee saux kix, pa sivied Nawh Cao kah kix.

ISAYAX 45:21

Krai mai viex grawng see maix hoek, kieh kix ra lai teei krax keud ka paox tix, mawh pui mawx pa hoik krai grawng in khaing tom yam jah, Ang hoik mawh Aux pa mawh Siyiex lie? Lheu khaing Aux ang lai koe siyiex tang kaux tang hak, Siyiex pa rahsee mai cao taoh, lheu khaing Aux ang lai koe pui tang kaux tang hak.

ISAYAX 58:10

phan rhawm maix koe krax caux rhawm ka pui pa cai rhawm mai kieh pui pa kha rhawm khankix, koe krax fah rhawm, pa riang maix tak lih riang ka daux pa faik mai pa faik maix tak lih mawh awm yam jung singaix heue.

ISAYAX 9:7

Krax pa haok hwan ting lhaong sibrawm Nawh mai krax pa nhim Nawh, tak ang koe dee sidah, ka piang dang ngeung simiang Davit mai ka piang meung haktiex Nawh, sonsang khre ti deuh mai pang ti deuh an kaux cong mai prawng ca ka daux krax pa rahsee, jah yam in hu sivoe ngai, tom hoek leeing ju heue. Krax pa kied koe rhawm koe rhi Siyiex Cao kru naing raoma tak yuh tix tawx in heue.

YERAMIX 30:7

Alo! singaix an phex mawh singaix pa ting lhaong ang lai koe singaix pa awm an mai mawh bawg yam laux rhawm ceu pui Yakop, viang mawh nan, nawh tak sang mawh pa taoh tix lih khaing an heue.

DANYELAX 12:4

“Danyelax eue, nyeep ti priex gumlox an khankix mai tawk ti priex cum ka phuk lai an tom hoek bawg yam sidah heue. Pui tom nie tak to jee to blaong mai sawg ti yaox mai krax pa tawng tak sang baox naok ti koe kah heue.”

HOSE 3:5

Khaix an ceu pui Isarelax khankix, tak deeh ing sawg ti yaox Siyiex, pa mawh Siyiex kix mai khawm ka Davit pa mawh simiang kix mai koe krax lhat graung ka Siyiex mai rieb ti teei bwanson Nawh ka daux baux singaix pa sang hoek khaix in heue.

AMOT 8:9

Siyiex ah nin, “ka daux singaix an Aux tak sang kieh singaix klip ka daux bawg yam jung singaix mai kieh haktiex faik yam plak pon singaix heue.

MATHIEX 24:36

Singaix mai bawg yam an ang pon tawng tix kaux kawx, pie kawncau Siyiex meung raoma khankix kawx ang tawng. Kawn Cao kawx ang tawng, mawh Keeing Cao tix kaux khaing pa tawng heue.

MAKUX 13:32

“Ang tawng singaix bawg yam nari an tix kaux kawx, viang mawh kawncau Siyiex ka daux meung raoma khankix kawx ang tawng, Kawn Cao kawx ang tawng, mawh ngie Keeing Cao pa tawng heue.

KAWNCAU 1:7

Nawh Cao deeh ah nin ka kix, “Bawg yam khankix pa hoik ciak Keeing Cao ti deuh, daux sibrawm tokaux tix, ang mawh pa sang tawx pex tawng.

KAWNCAU 15:18

Siyiex pa hoik kieh tawng ceu in khankix tom didix, ah nin heue.

KAWNCAU 17:26

Nawh hoik yuh kawn pui kuceu ka nham tix mu khaing, sonsang ot piang haktiex khawmuik mai hoik ciak ti deuh bawg yam kix mai mee dee sang ot kix,

KAWNCAU 17:31

Mawh kheu hoik ciak Nawh ti deuh tix ngaix, yam tak sang prawng ca Nawh haktiex in ka daux pa rahsee, ka Pui pa hoik laug Nawh tix kaux, Nawh hoik plak pui khawmuik yaox mhai rug pa kaux, ka daux ceu pa hoik kieh Nawh Cao deeh kaoh khaing krax yum heue.”

1 THESALONIX 5:2

Mawh kheu tokaux pex hoik tawng mhawm mhawm grawng singaix sang hoek Simiang Siyiex awm hoek pui briex yam pon sawm heue.

PLAK JHI 11:15

Kawncau Siyiex aliah kaux tix kaux phlu teettawng mai lih koe lox pa ting pa sinum ka daux raoma, pa ah nin, “Meung haktiex in hoik lih mawh meung Simiang ex, mai meung Khrit cie Nawh Cao, mai Nawh Cao tak sang giex kaing ku ju leeing ju leeing phan heue.”

PLAK JHI 14:6

Aux yaox kawncau Siyiex tang kaux tix kaux, pa pu ka sigreung raoma mai pa koe lox bwan gaux rhawm leeing ju, sonsang sidiex gau ka kix pa ot ka piang haktiex mai ka pui meung ku meung mai ka ceu pui kuceu mai ka pui pa tang lox sikah kuceu mai ka pui kuceu heue.

PLAK JHI 21:23

Veng an ang lai lo pa jhan riang singaix mai riang khix, grawh grawng nawh mawh min pakngai Siyiex pa kieh nawh riang mai kawn Yung mawh kawk ngu veng an heue.

PLAK JHI 21:25

Siviex veng an khankix tak ang lai nyeep ti yam ponngaix, ponsawm kienie ang lai koe,

PLAK JHI 21:3

Aux mhong lox pa ting pa sinum pa lih khaing daux dang ngeung ah nin, “Jhak heue, nyiex gox bwan man Siyiex koe tau mai kawn pui mai Nawh Cao tak sang ot tau mai kix mai kix tak sang mawh pui cie Nawh khankix mai tokaux Siyiex tak sang ot tau mai kix mai mawh Siyiex kix heue.

PLAK JHI 22:5

Tak ang lai baox koe pon sawm tan khaix. Kix tak ang lo pa riang kawk ngu, viang pa riang singaix kawx ang lo, grawh grawng nawh Siyiex tak tawx pa riang ka kixmai kix tak sang giex kaing ku ju leeing ju heue.