ZAKHARIX 14:6 - Wa Common Language Translation

⁶ Ka daux singaix an, tak ang lai koe pa riang mai pa riang khankix tak sang grai heue.

ZAKHARIX 14:6 Iomraidhean Croise

YAOGYAW 112:4

Son pui pa rahsee khankix, pa riang lih jhan ka daux pa faik, pui pa yuh nan, koe rhawm pa chix yuh bwanson mai koe rhawm pa chix caux rhawm mai koe rhawm pa rahsee heue.

ISAYAX 13:10

Simuing raoma khankix tak ang lai tawx pa riang tix, singaix kawx faik hu mai khix kawx ang lai jhan pa riang heue.

ISAYAX 24:23

Khaix an khix tak mawh pa laux pakngai mai singaix tak mawh pa koe krax kaig tua, mawh kheu Siyiex cao kru naing raoma tak kwang ka piang gawng Zion mai Nawh Cao tak koe min pakngai ka plak sivoe kuad song khankix ka daux veng Yerusaliem heue.

ISAYAX 50:10

Mawh pui mawx ka daux sinax pex pa koe krax lhat graung ka Siyiex lie? Mawh pui mawx pa nghiet lox krai siliex nawh lie? Mawh pui mawx pa lailing ti hu ka daux pa faik mai pa ang koe pa riang, kieh nawh een rhawm tix ka daux ceu kaux Siyiex mai deuh rhawm tix ka Siyiex nawh heue.

YERAMIX 4:23

Aux jhak ti yaox ka haktiex hoik yi mai ang lai koe tidtix heue. Aux deeh jhak ti yaox ka raoma khankix mai ang koe pa riang heue.

YEZAKELAX 32:7

Yam yuh Aux maix laux leeing, Aux tak pie lhien ka raoma mai kieh simuing khankix faik, Aux tak tawp kheem singaix ka paiawm mai khix tak ang lai tawx pa riang tix heue.

YEZAKELAX 32:8

Can pa jhan riang tix lih khaing raoma khawmuik Aux tak kieh faik ka piang maix mai kieh pa faik kheem ka piang haktiex maix, “Siyiex ah nan heue.

HOSE 6:3

Kieh ex tawng kieh ex hawt sawg ti tawng ka Siyiex heue. Yam lih bleeh Nawh, mawh pa hoik blang awm plak ponngawb, Nawh Cao tak sang bleeh ti hoek ka ex awm rawm lhiex cao mai awm rawm lhiex lha mai caux piang tiex heue.

YOLAX 2:2

Singaix pa faik uik mai singaix ceep paiawm mai singaix kied ceep pa faik, awm ceep simawg plak ponngawb piang gawng khankix heue. Ceu pui pa ting lhaong mai pa kied ting riang rao tak sang bleeh ti hoek, mawh cub pui pa ang sax koe glang ka in mai khaix in kawx ang lai koe tom sidah ku ju leeing ju heue.

YOLAX 2:30

Aux tak jhi yaox mhai rug pa daox deng ka raoma long mai mhai ka greem piang haktiex pa mawh nham mai ngu mai taox ngu heue.

YOLAX 2:31

Singaix tak tieh loh ti mawh pa faik mai khix tak deeh tieh ti mawh nham, sivoe sang hoek singaix pa ting lhaong Siyiex mai singaix pa koe krax lhat graung kah heue.

YOHAN 1:5

Pa riang an ca jhan riang ka daux pa faik, pa faik ang chix pex kieh pa riang an yeet heue.

YOHAN 12:46

Aux mawh pa riang pa hoek piang haktiex, pui pa yum rhawm ka Aux ku kaux daux pui tak ang lai sang ot ka daux pa faik heue.

KAWNCAU 2:16

Viang mawh nan in mawh grawng ceu pa hoik grux krai cao jhai Yoelax ah nin,

KAWNCAU 2:19

Aux tak jhi yaox mhai pa daox deng, ka raoma dee long mai mhai ka greem piang haktiex, pa mawh nham mai ngu mai taox ngu heue.

KAWLAWSIE 1:12

yaogyaw bwanson Keeing Cao, Kaw pa hoik yuh ex mawh pa keung ti rom ti pon sin pui pa singax singeh ka daux pa riang,

2 PETRUX 1:19

Ex hoik koe lox jhai pa hoik yuh nie blon kaux. Pex hoik yuh pa khaw ka pa nghiet pex ka in, awm ka kawk ngu pa jhan riang ka daux dee faik, tom hoek singaix bah riang praix mai simuing griang hoik lih ka daux rhawm pex heue.

PLAK JHI 11:15

Kawncau Siyiex aliah kaux tix kaux phlu teettawng mai lih koe lox pa ting pa sinum ka daux raoma, pa ah nin, “Meung haktiex in hoik lih mawh meung Simiang ex, mai meung Khrit cie Nawh Cao, mai Nawh Cao tak sang giex kaing ku ju leeing ju leeing phan heue.”

PLAK JHI 11:3

Aux tak tawx sibrawm ka cao pa kham sakse Aux ra kaux mai kiex tak ceep kraung man pa taing ka hauk mai krai lox jhai been tix rheng mai ra yieh mai tigliah ngaix heue.