ZAKHARIX 14:5 - Wa Common Language Translation

⁵ Pex tak sang to ti luan khaing daux ngawd gawng Aux heue. Grawh grawng nawh, daux ngawd gawng an, tak sang lang tom hoek ka veng Azalax heue. Pex tak sang to awm to pex khaing tuk kla reem ka daux baux singaix Uziyax, pa mawh simiang haktiex Yudax heue. Siyiex aux pa mawh Siyiex leeing ju tak sang hoek mai khawm pui pa singax khankix hoek tau mai Nawh Cao heue.

ZAKHARIX 14:5 Iomraidhean Croise

YAOGYAW 96:13

Grawh grawng nawh, Nawh Cao lih hoek ti prawng ca ka kawn pui haktiex heue. Nawh Cao tak prawng ca ka haktiex hawt beenli pa rahsee mai ka kawn pui hawt awm sijax mukheu Nawh heue.

YAOGYAW 98:9

Grawh grawng nawh, Nawh Cao hoik hoek ti prawng ca ka pui haktiex, Nawh Cao teei beenli pa rahsee mai prawng ca ka haktiex mai teei sijax mukheu Nawh prawng ca ka kawn pui khankix heue.

ISAYAX 29:6

Siyiex cao kru naing raoma, tak hoek fi ka maix khaing, sinum praix, khaing tuk kla reem, khaing bhaung ting lhiex ting mai bhaung keu kang lux mai khaing rao ngu pa koe krax laux leeing.

YOLAX 3:11

Pex pa mawh pui tang ceu pa ot hawt vung viang khankix eue, khrawm paox tix tau heue. Siyiex eue, kieh pui pa kied ting riang rao Maix khankix lih hoek heue.

AMOT 1:1

Gumlox plak jhi pa hoik pon Amot cao liang yung yaong Tekua ka son grawng haktiex Isarelax ka baux singaix kwang Uziyax, simiang haktiex Yudax mai ka baux singaix Yerobom, kawn simex Yawsha, simiang haktiex Isarelax sivoe yam tok kla reem ra num heue.

MIKHA 1:11

Pa ot ka daux veng Shaphire khankix eue, pex sang hu ka daux krax kaig tua mai ka kaong tix heue. Pui pa ot ka daux veng Zanan khankix ang lai pon lih hu ka plak praix heue. Veng Bietezalax hoik yiiem ti teei dee pa sang cung pex ti ot hu khaing pex heue.

ZAKHARIX 4:7

“Gawng ting eue, mawh maix patix lie? Sivoe Zerubabelax maix tak sang lih ti mawh daux lung heue. Nawh tak viex lon simaox tix lon hoek mai deuh piang dee choek nyiex mai pui yo lox tix ting ah nin kieh bwanson koe ka an heue.

SIMIN 16:34

Pui Isarelax pa ot hawt vung viang kix, to tau mai yiiem tix, mai kix hoik ah nin, “Phan ang mawh nan, tiex tak sang bleet ex khawmuik!”

MATHIEX 16:27

Kawn kawn pui tak sang hoek ka daux min plakngai Keeing tix, tau mai kawncau Siyiex khankix, yam an Nawh tak tawx ka pui ku kaux awm pa hoik yuh nawh heue.

MATHIEX 24:3

Yam ngawm Nawh Cao piang gawng Sanlun, kawncau khankix hoek ka Nawh Cao dee ang pui ot ah nin, “Ceu in khankix tak sang mawh yam mawx? Mhai rug grawng sang deeh hoek Maix mai grawng sang sidah haktiex in, tak sang mawh pa yuh ka mawx? krai ex mhong liak.”

MATHIEX 25:31

“Yam tak sang hoek Kawn kawn pui ka daux min pakngai Nawh, tau mai kawncau Siyiex khawmuik, yam an Nawh tak sang ngawm piang dang ngeung min pakngai Nawh.

LUKAX 21:27

Yam an kix tak sang yaox Kawn kawn pui, viex sibrawm mai min plakngai pa ting, hoek ka daux paiawm heue.

PINGNYAP 33:2

Nawh ah nin, “Simiang Siyiex lih hoek khaing gawng Sina mai kieh singaix lih piang kix khaing gawng Sirax, Nawh Cao jhan riang tix khaing choek gawng Paran mai Nawh Cao lih hoek tau mai pui pa singax singeh tix mheen, khaing ka plak taix khawn dawm Nawh Cao, ngu gumlox beenli hoik lih ka son pui Isarelax.

1 THESALONIX 3:13

sonsang sidah kieh Nawh Cao rhawm rhi pex kaux cong mai ang koe dee deuh phimap ka daux pa singax singeh sivoe Keeing ex Siyiex, yam sang hoek Simiang ex Yesux, tau mai pui pa singax singeh Nawh khawmuik liak.

2 THESALONIX 2:8

Yam an kaw pa ang hawt been sang lih bleeh, Simiang Yesux tak sang pah Nawh yum ka bhawm jheeh Nawh Cao, mai yuh kaw an laux ka ceu pa toh riang yam hoek Nawh heue.

YAKOP 5:8

Pex kawx kieh koe krax gun yeung mai kieh rhawm pex kaux cong heue. Mawh kheu bawg yam sang hoek Simiang dex hoek heue.

PLAK JHI 11:13

Ka daux bawg yam nari an tok kla reem ting mai veng kao son tix son grhup ka heue. Mai pa tok kla reem an pui yum aliah rheng mai pui pa deuk khankix kied lhat ka sigrien sigre mai yaogyaw ka Siyiex meung raoma heue.

PLAK JHI 20:11

Aux yaox dang ngeung pa ting pa paing tix mu mai ka Kaw pa ngawm ka piang dang ngeung an. Haktiex mai raoma to hu khaing pakngai Nawh mai pon ang yaox dee ot son kix heue.

PLAK JHI 20:4

Aux yaox dang ngeung khankix mai ka kix pa ngawm ka piang dang ngeung an khankix mai hoik tawx akhwang tix prawng ca ka kix heue. Aux yaox ka ju kix pa hoik yaox ti kham pa kid kaing kix, son mhai ruk Yesux mai son gumlox Siyiex, pa mawh kix pa ang krub ka totiag an mai ka riang grang nawh mai pa ang rieb ti kieh sau mhai ka dong re kix mai ka taix kix heue. Kix im mai giex kaing tau mai Cao Khrit been tix rheng num heue.