ZAKHARIX 14:4 - Wa Common Language Translation

⁴ Ka daux singaix an, caong Nawh Cao tak sang cung ka piang gawng sanlun, pa koe ka plak sivoe veng Yerusaliem ka plak lih singaix heue. Gawng sanlun, tak sang bih ti koe ra plak, jah khaing plak lih singaix, tom hoek ka plak klip singaix mai lih mawh daux ngawd pa kied ting heue. Gawng tix plak, tak sang gah ti hu ka plak blaong mai an tix plak tak sang gah ti hu plak seh heue.

ZAKHARIX 14:4 Iomraidhean Croise

2 SAMOELAX 15:30

Khaix an Davit tawb kaing tix mai peeik kiep tix piang gawng Sanlon mai yiiem mai can pui pa ot tau mai nawh khankix kawx tawb kaing tix ku kaux mai haok piang gawng tau mai pa yiiem yo tix.

YEZAKELAX 11:23

Min plakngai Siyiex haok khaing ka daux sigreung veng mai hoik cung tix ot ka piang gawng, pa koe plak lih singaix veng heue.

YEZAKELAX 38:20

Kax ka daux rawm sigrit sigra mai sim sai daux raoma, totiag daux tiagtu mai ceu pa chix chuh chix mu ti hu ka piang tiex khankix mai can pui pa ot ka piang ca haktiex khawmuik, tak siyaung ka plak sivoe ngai Aux, gawng khankix tak sang grhup mai dee pa kied rieh rhauk tak grhup mai guh veng ku mu tak sang bhieh ka piang tiex heue.

YEZAKELAX 43:2

Jhak heue, min sibrawm Siyiex pui Isarelax hoek khaing plak lih singaix, mai lox pa hoek nawh awm lox sinum rawm, mai min sibrawm Nawh jhan riang ka piang haktiex heue.

HABAKUK 3:6

Nawh Cao cung mai kieh haktiex yung yiang, Nawh Cao jhak mai kieh ceu pui kuceu sikua heue. Gawng lua pa koe sijheung hoik bih hoik laux, ton pa kaux sijheung hoik grhup heue. Daux krax pa yuh Nawh mawh pa awm paox tix leeing ju heue.

ZAKHARIX 14:10

Haktiex khawmuik tak sang mawh pa hoik deeh tieh ti mawh awm daux lung Arabax, jah khaing veng Gebax tom hoek ka veng Rimmon, pa koe plak seh veng Yerusaliem heue. Veng Yerusaliem tak kawn mawh pa lhaong ot ka dah dee prim nawh, jah khaing ka siviex Benyamin tom hoek ka dee koe siviex phao ka mai hoek ka siviex daog veng mai jah khaing nyiex pau tab Hananelax, tom hoek ka dah dee biiet rawm plix siiet cie simiang heue.

ZAKHARIX 14:7

Ka daux singaix an, tak mawh pa tawng Siyiex kah heue. Ang mawh ponngaix mai ang mawh ponsawm mai ka daux plak ponbo tom tak koe pa riang heue.

ZAKHARIX 14:8

Ka daux singaix an, tak koe rawm im ju pa lih hoek khaing veng Yerusaliem, tix plak tak sang lih hu ka plak rawm sigrit sigra plak lih singaix mai an tix plak, tak sang lih hu ka plak rawm sigrit sigra plak klip singaix, ka daux bawg yam rung praix mai ka daux bawg yam kwat praix rawm an koe sijheung heue.

ZAKHARIX 4:7

“Gawng ting eue, mawh maix patix lie? Sivoe Zerubabelax maix tak sang lih ti mawh daux lung heue. Nawh tak viex lon simaox tix lon hoek mai deuh piang dee choek nyiex mai pui yo lox tix ting ah nin kieh bwanson koe ka an heue.

MAKUX 11:23

Aux krai lox tete ka pex, pui mawx ang ah pa ah ka gawng in, Gah dee ot maix mai rau ka daux rawm sigrit sigra heue, ang koe krax yum rhawm, viang mawh nan phan nawh yum rhawm grawng pa hoik ah nawh, tak mawh son nawh heue.