ZAKHARIX 14:3 - Wa Common Language Translation

³ Yam an, Siyiex tak sang lih hu mai puing ka ceu pui khankix, awm puing Nawh Cao naing ka daux singaix koe naing heue.

ZAKHARIX 14:3 Iomraidhean Croise

2 GRAWNG BEEN 20:15

Nawh ah nin “Can pex pui Yudax khankix, can pui pa ot ka daux veng Yerusaliem mai simiang Yehoshaphat eue. Nghiet heue, Siyiex ah nin ka pex; paw koe krax lhat graung mai paw koe pa khi rhawm kheu jao grawng pui pa kied haok hun in khankix; mawh kheu naing ang tie mawh son cie pex, mawh ngie son cie Siyiex heue.

NEHAMIX 4:14

Aux jhak ti yaox mai yaog ti kaoh krai ka cub simiang mai ka cub cao kaing mai cub pui pa kawn deuk khankix ah nin, “Paw lhat graung ka kix awx. Doh keud doh ka Siyiex, pa kied ting lhaong mai koe sibrawm pa kied lhat graung ka mai puing naing son puxaik pex, son kawn simex kawn bun pex mai son moeng pex mai son nyiex ma pex khankix heue.”

ISAYAX 29:7

Pui hun meung haktiex tak puing ka veng Arelax, pui khawmuik pa puing ka nawh mai ka nyiex tap nawh, kieh nawh laux rhawm, an tak awm ca maox ka daux riang susai ponsawm;

YOLAX 3:2

Aux tak sang deeh baox kraix khrawm ceu pui khawmuik mai viex kix hoek ka daux lung Yehoshaphat mai Aux tak sang ciyang ka kix tan, mawh kheu kieh kix pui Aux mai sinngao Aux Isarelax khankix hoik prung prang ti ot ka daux sinax haktiex khankix mai kix hoik baox deeh gwieh ti teei haktiex Aux heue.

ZEPHANIX 3:19

Jhak heue, ka daux bawg yam an, Aux tak ciyang ka pui ankix khawmuik pa yuh krax kha rhawm maix heue. Aux tak sang taoh pui pa chawh caong mai khrawm pui ankix pa hoik grheu lih, Aux tak sang kieh kix pa hoik yaox ti kham krax pa kaig tua ka daux haktiex ku dah khankix pon krax yaog yaw mai krax pa ao min heue.

ZAKHARIX 12:9

“Ka daux singaix an, Aux tak sang sawg ti yuh krax laux leeing ceu pui khankix khawmuik, pa sang hoek ti puing ka veng Yerusaliem heue.

YAWSUX 10:10

Siyiex leeing ju kieh kix som tom nie ka plak sivoe ceu pui Isarelax khankix mai pah kix yum tom nie hawt veng Gibun heue. Kix pheet kix hawt krax hu plak veng Bet Hawron mai pah kix yum tan tom hoek dee singai ka veng Azeka mai veng Makeda heue.

YAWSUX 10:14

Daux singaix pa awm an ang lai koe pie tix ngaix kawx, sivoe in mai khaix in sax, ka pa hoik nghiet Siyiex leeing ju ka lox sikah pui tix kaux heue. Grawh grawng nawh, Siyiex leeing ju hoik puing naing ka son ceu pui Isarelax khankix heue.

YAWSUX 10:42

Yawsux hoik pon teei hatiex khawmuik mai simiang kix tidom neh heue. Grawh grawng nawh, Siyiex leeing ju ceu pui Isarelax hoik puing naing son pui Isarelax khankix heue.