ZAKHARIX 14:21 - Wa Common Language Translation

²¹ Can aw tawng pa koe ka daux veng Yerusaliem mai haktiex Yudax, tak sang mawh pa singax singeh ka son Siyiex cao kru naing raoma heue. Can pui pa hoek ti tan krax pa appong tix, tak sang hoek teei ankix mai ngaik nex ka daux ankix heue. Ka daux singaix an, pui Khananix, tak ang lai koe tix kaux kawx ka daux nyiex bwan Siyiex cao kru naing raoma heue.

ZAKHARIX 14:21 Iomraidhean Croise

YEZAKELAX 44:9

“Siyiex ah nin, pui tang praix klawng pa ang nyang pat hak rhawm tix ang ah, pa ang nyang pat hak tokaux tix mai pa ot sinax ceu pui Isarelax khankix tak ang pon ti laig ka daux dee pa singax singeh Aux.

1 KAWRINTHUX 10:31

Mawh kheu nan pex ih ang ah, nyaux ang ah, pex yuh ceu patix ang ah, yuh sonsang koe min pakngai Siyiex kah heue.

YOLAX 3:17

Pex tak tawng ka mawh Aux Siyiex, pa mawh Siyiex pex, pa ot piang gawng Zion pa mawh gawng pa singax singeh Aux heue. Yam an veng Yerusaliem tak sang mawh pa singax singeh mai pui tang ceu khankix tak ang lai yaox ti tiang ka daux nawh khaix in heue.

PLAK JHI 22:15

Ka plak praix koe sox khankix mai pui pa mawh cao yuh simeed yuh sat khankix mai pui pa lud vao khankix mai pui pa pah pui yum khankix mai pui pa krub riang grang khankix mai can pui ku kaux pa moh ka ceu pie lhen mai pa yuh ceu pie lhen heue.

PLAK JHI 21:27

Ceu pa seeing brai, phan ang mawh nan kaw pa yuh ceu pa greeing mai pa pie lhen ang pon ti laig tan, viang mawh nan mawh ngie kix pa hoik tiiem ka daux phuk lai pa im ju kawn Yung khaing pa pon ti laig kah heue.

NEHAMIX 8:10

Khaix an nawh ah nin ka kix, “Hu krax hu pex ih pa kluing pa bee mai nyaux ceu pa tie mai gwieh tix tawx nyum ka pui pa ang koe tidtix, mawh kheu in singaix mawh ngaix pa singax singeh ka son Siyiex ex, paw koe krax laux rhawm, mawh kheu krax gaux rhawm pa tawx Simiang Siyiex mawh riang rao pex heue.”

1 PETRUX 4:17

Bawg yam pa sang jah ti prawng ca, ka pui geh nyiex Siyiex hoik hoek mai phan krax prawng ca an jah ka ex phao ka, dee sidah kix pa ang koe krax cu nghiet ka lox bwan gaux rhawm Siyiex, tak sang mawh pa yuh ka mawx?

HEBRIE 3:6

Cao Khrit kia ka piang nyiex Siyiex, awm kawn simex, phan ex ca giex tom kaux ka pa kwa ex mai ka ceu pa yaw rangdi ex pa dex mai krax keud pot jun pot ex, tom sidah, ex tom mawh nyiex Nawh heue.

1 TIMOSE 3:15

yuh ka mawx phan aux ang khran hoek maix tak lai tawng grawng pui khaw ti yuh ka mawx ka daux nyiex Siyiex, pa mawh ceu cao Siyiex pa im ju mai rong mai jaong cie pa mawh meh heue.

ZAKHARIX 14:20

Ka daux singaix an, ngai lai Son Pa Singax Singeh Siyiex tak sang mawh pa hoik tiiem ka piang hing tauk brung khankix heue. Aw tawng pa koe ka daux nyiex bwan Siyiex khankix, tak sang mawh pa awm tawg klong pa koe plak sivoe khu dee tan heue.

ZAKHARIX 7:6

Pex ih mai nyaux mawh ang pex ih mai nyaux son tokaux pex lie?

HOSE 12:7

Epharem mawh pui pa yuh lai geu mai jiang pie kheem koe ka daux taix nawh, nawh moh ti yuh krax gut kheem heue.

ISAYAX 35:8

Krax ting tak koe tan, kix tak kok krax ting an mawh pa singax, pui pa ang singax, tak ang pon tiang ka piang krax an, pie pui daox kawx ang lud krax an.

ISAYAX 4:3

Khaix hoik luan ceu an pui pa kawn prah tix ka daux veng Zion mai pui pa kawn deuk ka daux veng Yerusaliem khankix, tak kok kix ku kaux mawh pa singax ka daux sinax pui pa kawn im ju pa hoik mhai ti deuh carang ka daux veng Yerusaliem heue.

PINGNYAP 12:12

Pex tak gaux rhawm ka plak sivoe Simiang Siyiex, pex mai kawn simex kawn bun pex khankix mai kawn ceu simex kawncau bun pex mai ceu pui Lewix khankix pa paung ka pex, pa ang koe nyum cie mai pa ang koe sinngao.

PINGNYAP 12:7

Pex tak ih ka plak sivoe Simiang Siyiex pex tan, pex mai kawn nyiex ma pex khankix tak koe krax gaux rhawm ka daux pa hoik yuh pex ka taix ti khawmuik, pa hoik nawb Simiang Siyiex bwanson ka pex.

ISAYAX 52:1

Veng Zion eue, siduad heue, siduad kaoh mai teei riang rao maix heue. Veng Yerusaliem, pa mawh veng pa singax singeh eue, ceep kraung pa mhawm grang maix khankix heue. Grawh grawng nawh, pui pa ang nyang pat hak tix mai pui pa ang nyang singax singeh khankix, tak ang lai hoek ka maix khaix in heue.

YEZAKELAX 45:1

Yam gwieh pex haktiex ka pa caw nieb sonsang mawh sinngao, pex tak tang deuh haktiex tix gwang son Siyiex mai tan haktiex mawh pa singax singeh son Siyiex, krax lang caw tix koe ra mheen phwan rheng sawk mai krax vieh caw tix koe tix mheen sawk, mee haktiex an khawmuik tak mawh dee pa singax singeh.

ZEPHANIX 1:11

Pex pa ot ka baoh haktiex Matesha khankix eue, koe krax pa riag yo kah heue. Grawh grawng nawh, cao lai geu meung Khanan khankix khawmuik hoik grai, pui ankix khawmuik pa viex mau kawx, hoik mawh pa tat ti tik heue.