ZAKHARIX 14:16 - Wa Common Language Translation

¹⁶ Pui pa kawn deuk khaing ceu pui khankix pa hoik hoek ti puing ka veng Yerusaliem, tak ang haok hu ku num sonsang krub tix ka Siyiex pa mawh Siyiex cao kru naing raoma mai sonsang yuh tix ka pawie nyiex gox bang heue.

ZAKHARIX 14:16 Iomraidhean Croise

2 GRAWNG BEEN 8:13

awm koe been krax ku singaix mai tan awm koe lox tawm pingnyap Mose, son singaix twah, yam haok khix khraox mai son pawie pa hoik tat kix ti yuh loe bawg ku num, pawie ih blah pa ang viex susaix, pawie Azumax ka daux aliah vang twah tix bawg, pawie nghox khraox mai pawie nyiex gox bwan, pawie Takene khankix heue.

EZARAX 3:4

Kix deeh yuh pawie nyiex gox bang awm krax pa hoik tiem an ti deuh ka daux phuk lai beenli mai kix tan krax tan pa gleeing ku singaix, ka daux carang been awm pa keung pa khaw tix tan son ku ngaix;

YAOGYAW 66:4

Kawn pui piang haktiex khawmuik tak krub ka Maix mai rhax lai yaogyaw ka Maix heue, Kix rhax lai yaogyaw ka ceu kaux Maix heue.

ISAYAX 18:7

Ka daux bawg yam an ceu pui pa lhaong kaux pa mhawm plang kaux hak khankix pa mawh ceu pui pa koe krax lhat graung ka, tom yam jah tom hu sivoe ngai mai ceu pui pa kied ting sibrawm khankix mai pa gwieh ti dig haktiex, ka pa gwieh rawm khankix ka mee haktiex cie kix, tak viex totaix hoek ka Siyiex cao kru naing raoma ka piang gawng Zion ka dee koe ceu kaux Nawh Cao heue.

ISAYAX 19:21

Khaix an pui meung Ejiptux tak mawh pa tawng ka Siyiex mai pui Ejiptux khankix kheu tawng ka Siyiex daux singaix an kix tak yuh krax tan pa appong mai krax pa krub heue. Kix tak yuh sijax mukheu ka Siyiex mai hawt ti yuh an heue.

ISAYAX 27:13

Ka daux singaix an tak phlu lox teettawng pa ting sinum mai kix pa tak sang grai grup ka daux haktiex Asurix khankix mai kix pa hoik tik vud tix ka daux meung Ejiptux, tak bleeh tix hoek mai kix tak krup Siyiex ka piang gawng singax singeh pa koe ka daux veng Yerusaliem heue.

ISAYAX 6:5

Khaix an aux ah nin “Krax kha rhawm koe ka piang aux, krax keud pot ang lai koe son aux, grawh grawng nawh, aux mawh pui pa ang singax siyieb jheeh tix kaux, mai aux ot sinax pui tix cub pa ang koe krax pa singax siyieb jheeh, mawh kheu ngai aux hoik yaox ka Simiang, pa mawh Siyiex cao kru naing raoma heue.”

ISAYAX 66:23

“Ngaix haok khix khraox ku ngaix mai ngaix twah ku twah, can pui khawmuik tak hoek ti krub ka sivoe ngai Aux.” Siyiex ah nin heue.

YERAMIX 46:18

Simiang pa koe min ceu kaux Siyiex Cao kru naing raoma, ah nin, “Awm im ju Aux, mai awm kriem koe gawng Tabaw ka sinax gawng lua khankix mai awm koe gawng Kharamelax hawt rawm sigrit sigra, awm an pui tix kaux tak sang hoek heue.

YERAMIX 48:15

Haktiex Mawbax hoik laux leeing mai veng nawh khankix kawx hoik gleeing, pui awn ju pa hoik laug nawh khankix lih hu sonsang ap tokaux tix yum pa koe min ceu kaux simiang Siyiex Cao kru naing raoma ah nan heue.

YERAMIX 51:57

“Aux tak sang kieh cao kaing cao mai pui koe pingnya cuyi mai cao pa kwang haktiex, khawm simiang ot greem nawh mai pui pa kied ting riang rao nawh khankix yoek heue. Kieh kix nyawm it nyawm tum ang jud ang jai mai ang lai haing, “Simiang pa koe min ceu kaux Siyiex Cao kru naing raoma ah nan heue.

HOSE 12:9

Mawh kheu Aux mawh Siyiex, pa mawh Siyiex maix, tom yam kawn ot maix ka daux meung Ejiptux, Aux tak sang baox deeh kieh maix ot ka daux nyiex gox khankix, awm ka daux singaix pawie khan kheu pa hoik tat tix khankix heue.

YOLAX 2:32

Ka daux singaix an can pui pa kok ka ceu kaux Siyiex, tak sang hoek krax taoh heue. Grawh grawng nawh, piang gawng Zion mai ka daux veng Yerusaliem khankix, tak sang koe pui pa pon ti luad luan awm pa hoik ah Siyiex, ka daux sinax pui pa kawn deuk khankix, tak koe pa kok Siyiex ti teei heue.

MIKHA 4:2

Ceu pui tom nie tak sang hoek ah nin, “Hoek mai kieh ex haok ka piang gawng Siyiex, ka nyiex bwan Siyiex ceu pui Yakop heue. Nawh Cao tak sang gau ex ka daux krax Nawh mai ex tak sang hawt ti hu ka daux krax Nawh Cao heue. Grawh grawng nawh, gumlox beenli tak sang lih khaing gawng Zion mai gumlox Siyiex tak sang lih khaing daux veng Yerusaliem heue.”

ZAKHARIX 14:9

Siyiex, tak sang mawh simiang ka piang ca haktiex khawmuik heue. Ka daux singaix an, “Siyiex mawh tix kaux khaing mai ceu kaux Nawh Cao mawh tix ceu khaing heue.”

ZAKHARIX 9:7

Aux tak sang teei ti tik nham khaing jheeh nawh mai khawm ceu pa seeing brai khankix khaing daux sinax rhang nawh heue. Nawh tak sang mawh son pui pa kawn deuk son Siyiex ex mai tak sang mawh pa awm cao kaing ka daux haktiex Yudax mai pui veng Ekaron, tak sang mawh pa awm pui Yebusix heue.

MALAKHIX 1:14

“Kieh krax jhax lawg koe ka piang pui pie lhen an, pa koe yung mhaing ka daux cub phung yung nawh, pa hoik yuh lox mukheu mai tieh ti tan pa laux maung ka Siyiex grawh grawng nawh, Aux mawh simiang pa ting lhaong, “Ceu kaux Aux mawh pa sang koe krax pa lhat graung, ka daux sinax ceu pui khankix heue. “Siyiex cao kru naing raoma ah nan heue.

LUKAX 19:38

ah nin, “Simiang pa hoek ka daux ceu kaux Siyiex leeing ju, ting bwanson heue. Kieh nhim ka daux meung raoma, kieh koe min plakngai dee lhaong khaing paox tix heue.”

YOHAN 1:49

Nasanilax baox pawk lox ah nin ka Nawh, “Rabi eue, Maix mawh Kawn Siyiex, Simiang pui Isarelax heue.”

YOHAN 7:2

Yam an dex hoek pawie nyiex bang pui Yudax.

KAWNCAU 15:17

Kheu son kawn pui pa deuk khankix, tak sang sawg Simiang Yesux mai pui tang ceu khawmuik, pa hoik kok ceu kaux Aux piang kix heue.

ROMAX 11:16

Phan blah pa hoik kleeig nhia pa ran ti teei tix bin mawh pa singax singeh khawm pum kawx singax heue. Phan riah mawh pa singax singeh, khawm kak kawx mawh pa singax singeh heue.

ROMAX 11:26

Mawh kheu nan pui Isarelax khawmuik tak sang hoek krax taoh, awm pa hoik tiiem ti deuh ah nin, “Cao pa pluat ploi tak sang lih hoek khaing Zion. Nawh tak sang kieh veeh hu khaing pa ang nab yam ka Siyiex ka daux ceu Yakop heue.”

ROMAX 11:5

Awm an daux bawg yam in kawx, kawn koe pui pa deuk, awm pa khaw mai pa laug ti teei pa dex mai bwanson heue.

PLAK JHI 11:13

Ka daux bawg yam nari an tok kla reem ting mai veng kao son tix son grhup ka heue. Mai pa tok kla reem an pui yum aliah rheng mai pui pa deuk khankix kied lhat ka sigrien sigre mai yaogyaw ka Siyiex meung raoma heue.

PLAK JHI 19:16

Nawh koe ceu kaux pa hoik tiiem ka Piang kraung ceep Nawh mai ka piang ba Nawh yuh nin, Simiang piang simang, mai Cao piang cao.