ZAKHARIX 14:12 - Wa Common Language Translation

¹² Siyiex tak sang tawx krax kham geu ka pui khankix, pa hoek puing ka veng Yerusaliem yuh nin, nex kix tak sang rawm, yam kawn cung kix ka caong tix, ngai kix tak sang klawk mai dak kix tak sang si-um ka daux jheeh kix heue.

ZAKHARIX 14:12 Iomraidhean Croise

2 GRAWNG BEEN 21:15

maix tak pon pa kied nie saux ka jhawm saux daux vaig maix, tom hoik lih kraung vaig kraung tu maix tix ngaix hoik tix ngaix heue.

YAWBAX 18:13

Pa laux leeing an hoik kraing kaux hak nawh mai kawn Ai meung yum hoik bleet riang rao nawh heue.

YAOGYAW 90:11

Pui mawx pa tawng ka jhawm krax pa songrhwm Maix mai krax pa song rhawm Maix mawh pa khaw ti lhat graung kah heue.

KRUB 26:16

Aux tak deeh yuh in khankix ka pex, Aux tak kieh krax lhat graung koe piang pex mai kieh jhawm saux, jhawm saux krawx, jhawm saux pa laux ngai mai kieh rhawm pex hoek ka daux pa laux rhawm pex tak yaox ti ruat simie ka daux pa giex going, mawh kheu pui koeng pex khankix tak ih an,

KRUB 26:18

Pex hoik yaox ti kham geu ding dod kawx, phan pex ang cu nghiet ka lox Aux, Aux tak tawx krax ciyang pa nie lheu kheu jao phimap pex aliah son.

KRUB 26:21

Phan pex ang nghiet lox Aux, Aux tak viex krax kham geu hoek piang pex aliah son, kheu jao phimap pex.

KRUB 26:24

Aux kawx tak tieh feen ka pex mai Aux tak tawx krax pa ciyang ka pex aliah son kheu jao phimap pex.

KRUB 26:28

Aux tak tieh feen ka pex ka daux pa kied song rhawm tix, Aux tak deeh tawx krax ciyang ka pex aliah son kheu jao phimap pex.

ZAKHARIX 1:15

Aux kied song rhawm songrhi ka ceu pui tang ceu pa ot yiien yawg tix khankix, grawh grawng nawh, Aux song rhawm ceeix ngie ka veng Yerusaliem mai kix hoik chax nie luan yuh ceu pa kha rhawm ka veng an heue.

ZAKHARIX 12:9

“Ka daux singaix an, Aux tak sang sawg ti yuh krax laux leeing ceu pui khankix khawmuik, pa sang hoek ti puing ka veng Yerusaliem heue.

ZAKHARIX 14:15

Awm ceu ankix, krax kham geu tak sang hoek ka piang brung law, ka piang kala-uk mai la mai ka piang to brie khankix khawmuik, pa koe ka daux tab heue. Mawh kheu nan, krax kham geu in tak sang mawh pa lih ti koe heue.

ZAKHARIX 14:18

Phan pui meung Ejiptux khankix ang lai haok hoek ti krub, rawm lhiex tak ang lai lih ka piang kix heue. Kix tak pon ti rieb krax kha rhawm, pa tawx Siyiex ka ceu pui khankix, pa ang cu ti haok sonsang yuh tix ka pawie nyiex gox bang heue.

ZAKHARIX 14:3

Yam an, Siyiex tak sang lih hu mai puing ka ceu pui khankix, awm puing Nawh Cao naing ka daux singaix koe naing heue.

ZAKHARIX 2:4

mai ah nin “Maix to hu krai ka pui awn ju in ka daux krax pa ah nin, veng Yerusaliem, tak mawh dee pa kawn ot pui khankix, awm veng khankix pa ang koe guh veng, mawh kheu kied hun pui mai tobrie khankix ka daux veng an heue.

KAWNCAU 12:23

Dom mawx dom an kawncau raoma cie Siyiex tix kaux dieh nawh kah, kheu ang nawh tawx min pakngai ka Siyiex, viag ih kaux nawh mai yum kheu heue.

PINGNYAP 28:21

Simiang Siyiex tak kieh jhawm saux preng hoek piang maix, tom sidah yuh Nawh Cao maix but khaing haktiex pa sang hu teei maix ti cie.

PINGNYAP 28:22

Simiang Siyiex tak sivied maix mai tawx krax kham geu jhawm saux nhao, jhawm saux hoek, jhawm saux uah mai jhawm saux ngu, pa kied lang teung khaing lawm vaig mai bhaung si oh, pa yum yuh pang khaox, jhawm saux lih rawm im, an kix tak hawt khaix maix tom sidah grai grup maix.

PINGNYAP 28:59

Simiang Siyiex tak viex jhawm saux preng pa lang teung, pa daox deng, jhawm saux preng pa kied rheung, jhawm saux pa nie lheu kin mai pa kied rheung bawg yam hoek piang maix mai piang doeh ru maix khankix.

PLAK JHI 17:16

Rung kao mu pa hoik yaox maix an mai totiag an, khankix tak koeng ka bun coh kaux an mai yuh nawh yi pak lawg mai kakaong mai tak sang ih ka nex nawh mai gleeing nawh ka ngu, tom ngua heue.