ZAKHARIX 14:11 - Wa Common Language Translation

¹¹ Pui khankix tak sang ot ka daux an mai krax pa jhax lawg tak ang lai koe khaix in heue. veng Yerusaliem tak sang mawh dee pa yiien yawg ot pui kah heue.

ZAKHARIX 14:11 Iomraidhean Croise

ISAYAX 26:1

Ka daux singaix an, lai rhax in tak sang mawh pa rhax tix ka daux meung Yudax ah nin, ex hoik koe veng pa kaux cong, Siyiex tak sang yuh ti deuh bwanson krax taoh pa mawh guh veng khankix mai son pa tieb tie naing khankix heue.

ISAYAX 60:18

Krax pa kin tak ang lai mhong tix ka daux haktiex maix khaix in, krax pa nai pa nawk mai krax pa laux leeing kawx, tak ang lai koe ka daux sinax mee haktiex maix khankix heue. Viang mawh nan maix tak kok guh veng maix mawh krax taoh mai siviex veng maix mawh krax yaog yaw heue.

ISAYAX 66:22

“Awm hoik yuh Aux ti deuh raoma pa khraox mai haktiex pa khraox koe ka plak sivoe ngai Aux, awm an doeh ru pex khankix mai ceu kaux pex tak mawh pa kawn deuk.” Siyiex ah nin,

YERAMIX 31:40

Hoek ka daux lung dee koe to yum khankix mai dee tik pui nyaox, tom singai hoek ka rawm klawng iak Kidaron, tom hoek ka daog siviex brung, ka plak lih singaix, tak sang kieh mawh pa singax singeh son Siyiex heue. An tak ang lai reeig ti tik mai yuh laux khaix in tix bawg kawx leeing ju heue.”

YERAMIX 32:37

Jhak heue, Aux tak deeh khrawm kix lih khaing daux haktiex an khawmuik, ka daux pa song rhawm Aux mai ka daux krax pa meet rhawm Aux mai ka daux pa kied ting saux rhawm tix, Aux tak sang deeh viex kix hoek ka baoh dee in mai Aux kieh kix ot yiien yawg heue.

YEZAKELAX 37:26

Aux tak yuh sijax mukheu pa nhim tau mai kix, mai sijax mukheu an tak koe mai kix leeing ju, Aux tak nawb bwan ka kix mai kieh kix pre haoh hun mai Aux tak deuh dee pa singax singeh Aux ka daux sinax kix leeing ju heue.

YOLAX 3:17

Pex tak tawng ka mawh Aux Siyiex, pa mawh Siyiex pex, pa ot piang gawng Zion pa mawh gawng pa singax singeh Aux heue. Yam an veng Yerusaliem tak sang mawh pa singax singeh mai pui tang ceu khankix tak ang lai yaox ti tiang ka daux nawh khaix in heue.

YOLAX 3:20

Viang mawh nan haktiex Yudax, tak sang mawh pa koe leeing ju mai veng Yerusaliem tak sang mawh pa koe ku ju leeing ju heue.

AMOT 9:15

Aux tak sum ti deuh kix ka daux haktiex cao kix mai kix tak ang lai mawh pa deeh reeig tix baox tix bawg khaix in, khaing daux haktiex pa hoik tawx Aux ka kix heue. “Siyiex pa mawh Siyiex maix ah nan heue.

ZAKHARIX 12:6

“Ka daux singaix an, Aux tak sang kieh cao kwang veng Yudax khankix, awm glah ngu ka daux grux khix mai awm ngu proh ka daux pum nghox heue. Kix tak sang gleeing pui hawt vung viang baoh an khawmuik, pa ot ka plak khawn dawm mai pa ot ka plak khawn gwiex heue. Veng Yerusaliem tak sang mawh pa ot dee ot tix ka dah dee prim pa mawh veng Yerusaliem heue.

ZAKHARIX 2:4

mai ah nin “Maix to hu krai ka pui awn ju in ka daux krax pa ah nin, veng Yerusaliem, tak mawh dee pa kawn ot pui khankix, awm veng khankix pa ang koe guh veng, mawh kheu kied hun pui mai tobrie khankix ka daux veng an heue.

ZAKHARIX 8:13

Nyiex ma ceu pui Yudax mai nyiex ma ceu pui Isarelax khankix eue, Awm hoik pon pex krax pa jhax lawg khaing ka daux sinax ceu pui khankix, mawh kheu nan, Aux tak sang taoh pex mai pex tak sang mawh pa koe bwanson heue. Paw kieh koe krax khi rhawm, kieh taix pex koe riang rao heue.

ZAKHARIX 8:4

“Siyiex cao kru naing raoma ah nin “Simex mai bun pa riex ju khankix, khaix in tak sang ngawm ka daux krax veng Yerusaliem, mawh kheu hoik kuad kix daux taix kix ku kaux tom giex khaox gix tix heue.

ZAKHARIX 8:8

Aux tak sang deeh viex kix hoek mai kix tak sang yaox ti ot ka daux sigreung veng Yerusaliem heue. Kix tak sang mawh pui Aux mai Aux tak sang mawh Siyiex kix, ka daux krax pa kaux sijax mai ka daux krax pa rahsee heue.”

SIMIN 21:3

Simiang Siyiex nghiet ka lox pui Isarelax mai ap pui Khanan ka kix mai yuh kix mai veng laux lak pak leeing, mawh kheu nan tom kok ceu kaux dee an mawh Hawma heue.

PINGNYAP 33:28

Pui Isarelax khankix tak yaox ti ot daux pa yiien yawg, ka dee lih rawm keut pui Yakop nong nong mai daux haktiex pa koe nghox koi, khawm dee koe plix siiet pa khraox khankix, raoma tak kieh rawm ciex lih piang nawh.

PLAK JHI 21:4

Nawh Cao tak sang awt ti tik rawm ngai can pa koe khaing ngai kix heue. Krax yum tak ang lai baox koe khaix heue. Viang pa khi rhawm mai pa yiiem mai pa saux kawx tak ang baox lai koe khaix, mawh kheu ceu pa hoik sax mawh phao ka khankix hoik grai hu heue.”

PLAK JHI 22:3

Ceu pa jhax lawg tak ang lai baox koe khaix, mai dang ngeung Siyiex mai kawn Yung tak koe ka daux veng an mai siliex Nawh khankix tak sang yuh kaing krub ka Nawh Cao heue.