ZAKHARIX 13:9 - Wa Common Language Translation

⁹ Aux tak sang kieh loe son tix son in cheu ka daux ngu mai tak sang thi kix awm thi lon mau mai cheuk ti yaox kix awm hoik cheuk ka khri heue. Kix tak kok yo ka ceu kaux Aux, Aux tak sang deeh pawk lox kix heue. Aux tak sang ah nin, “In mawh pui Aux! “Mai kix tak sang ah nin, “Siyiex mawh Siyiex ex heue.

ZAKHARIX 13:9 Iomraidhean Croise

2 SAMOELAX 7:24

Mawh kheu Maix Cao hoik yuh pui Isarelax mawh pui tix, sonsang mawh kix pui Maix leeing ju, Maix Cao hoik mawh Simiang Siyiex kix.”

YAWBAX 23:10

Viang mawh nan Nawh Cao tawng ka krax hu aux, khaix hoik ciied Nawh Cao ka aux, aux tak lih mhawm awm khri heue.

YAWBAX 28:1

Mau koe hawt daux rhoi mau tete mai ka dah dee koe khri pui cied ti teei khri tan heue.

YAOGYAW 144:15

Pui pa yaox ti ot yuh nan koe bwanson heue. Pui pa kieh Siyiex mawh Siyiex kix koe bwanson heue.

YAOGYAW 43:4

Phan yuh nan, aux tak hoek ka khu dee tan Maix mai gaux rhawm ti hoek ka dee ot Maix mai tah ting ah lox rhax yaogyaw ka Siyiex aux heue.

YAOGYAW 50:15

Yam hoek krax khi rhawm kok yo ka Aux mai Aux tak taoh maix heue. Maix tak yaogyaw ka min plakngai Aux heue.

YAOGYAW 91:15

Yam kok nawh ka Aux, Aux deeh pawk ka lox nawh heue. Yam yaox nawh krax pa kha rhawm, Aux ot ka plak nawh heue. Aux tak taoh nawh lih mai yaog min plakngai nawh sidawng heue.

LOX KAB 17:3

Pa cheuk cheu ti yaox ka mau khri mawh ngu. Pa cheu ti yaox ka rhawm kawn pui mawh Siyiex heue.

SAWLAMUN 2:16

Paox moh dud aux, mawh cie aux mai aux mawh cie nawh heue. Nawh liang cub yung tix ka daux sinax pruh tai siyak heue.

ISAYAX 43:2

Yam tiang maix daux rawm, Aux tak ot tau mai maix mai yam tiang rawm klawng tak ang kheem maix, yam hu maix ka daux ngu maix tak ang gleeing mai rao ngu tak ang hax yuh maix.

ISAYAX 48:10

Jhak heue, Aux hoik thi ka maix mai ang awm thi ka mau, Aux hoik cheuk ti yaox maix ka daux glah ngu pa kha rhawm.

ISAYAX 58:9

Yam an maix kok yo mai Siyiex tak pawk ka. Maix riag yo mai Nawh tak ah nin, Aux koe tin. “Phan maix teei ti tik khaox glawm khaing ka daux sigreung maix mai gien taix pa ci tix mai ah lox caox lox caig,

YERAMIX 24:5

“Siyiex pa mawh Siyiex ceu pui Isarelax ah nin, pui pa hoik ploi Aux mawh pa giex laung, khaing meung Yudax, Aux tak sang deuh tix tawng, kix awm plix ruh pa mhawm mai kieh kix mhawm ka daux haktiex pui Khaladie heue.

YERAMIX 30:22

Pex tak sang mawh pui Aux mai Aux tak sang mawh Siyiex pex heue.”

YERAMIX 31:33

Viang mawh nan, in mawh sijax mukheu, pa sang yuh Aux tau mai nyiex ma ceu pui Isarelax khankix heue. Siyiex ah nin, khaix hoik luan singaix bawg yam khankix Aux tak sang sau lox tat jhawm prawng cie Aux ka daux dee keud kix mai tiem piang rhawm kix mai Aux tak mawh Siyiex kix mai kix tak mawh pui Aux heue.

YERAMIX 32:38

Kix tak sang mawh pui Aux mai Aux tak sang mawh Siyiex kix.

YERAMIX 9:6

Dee ot dee koe maix koe ka baoh dee pa pie lhen mai ka daux pie lhen ankix thiang tix ang tawng ka Aux, Siyiex ah nan heue.”

YEZAKELAX 11:20

sonsang pon hu kix ka daux lox lai beenli pa deuh Aux khankix mai priex tix hawt ka lox tat jhawm prawng Aux khankix mai hawt ti yuh mai kix tak sang mawh pui Aux mai Aux mawh Siyiex kix heue.

YEZAKELAX 14:11

Son ang nyiex ma ceu pui Isarelax lai tang tiah khaing Aux mai son ang lai baox yuh tokaux tix seeing khaix in tix bawg kawx tau mai krax lud tix, viang mawh nan, kix tak sang pon ti mawh pui Aux mai Aux tak mawh Siyiex kix, “Siyiex ah nan heue.”

YEZAKELAX 20:38

Aux tak tik pui pa tieh feen mai pa lud ka Aux ka daux sinax pex mai Aux tak viex kix lih khaing daux haktiex ka dee paung dee pan kix mai kix tak ang lai yaox ti laig ka daux haktiex Isarelax. Khaix pex tak tawng mawh Aux Siyiex.

YEZAKELAX 36:28

Pex tak yaox ti ot ka daux haktiex pa hoik tawx Aux ka keeing pex, mai pex tak mawh pui Aux mai Aux tak mawh Siyiex pex.

YEZAKELAX 37:27

Nyiex bwan Aux tak koe tau mai kix mai Aux tak mawh Siyiex kix mai kix tak mawh pui Aux heue.

DANYELAX 11:35

Pui pa koe pingnya cuyi tiblah tak sang goh sonsang deeh ciied ti yaox mai sonsang deeh kieh kix singax mai deeh paing tom hoek bawg yam sidah heue. Grawh grawng nawh, bawg yam pa hoik tat ti deuh hoik sidah heue.

DANYELAX 12:10

Pui khankix tak sang mawh pa kieh ti singax mai paing mai pa hoik ciied ti tom mawh meh heue. Viang mawh nan, pui caox tak grham kix yuh ceu pa caox mai pui pa caox khankix tix kaux kawx tak ang pon ti tawng, mawh ngie pui pa koe pingnya cuyi pa pon tawng heue.

YOLAX 2:32

Ka daux singaix an can pui pa kok ka ceu kaux Siyiex, tak sang hoek krax taoh heue. Grawh grawng nawh, piang gawng Zion mai ka daux veng Yerusaliem khankix, tak sang koe pui pa pon ti luad luan awm pa hoik ah Siyiex, ka daux sinax pui pa kawn deuk khankix, tak koe pa kok Siyiex ti teei heue.

KRUB 26:12

Aux tak lailing daux sinax pex mai mawh Siyiex pex mai pex tak mawh ceu pui Aux.

ZAKHARIX 10:6

“Aux tak sang kieh nyiex ma ceu pui Yudax kaux cong mai Aux tak sang taoh nyiex ma Yosiep khankix heue. Aux tak sang deeh viex kix ing, kheu hoik koe krax caux rhawm Aux ka kix heue. Kix tak sang mawh pa awm pui ankix, pa ang nyang sax grheu ti tik heue. Grawh grawng nawh, Aux mawh Siyiex kix, pa mawh Siyiex leeing ju mai Aux tak sang nghiet lox kix heue.

ZAKHARIX 12:10

“Aux tak sang see khuan pa yuh bwanson mai khuan pa yuh pa khyox khaw ka piang nyiex ma simiang Davit mai ka piang pui pa ot ka daux veng Yerusaliem. Khaix an, kix tak sang maong ti jhak ka Aux, pa mawh pui pa hoik blung kix heue. Kix tak koe krax khi rhawm ti yiiem son Nawh Cao, awm khi rhawm pui ti yiiem son kawn simex nawh pa koe tix kaux khaing mai koe krax laux rhawm son Nawh Cao, awm pui pa koe krax laux rhawm son kawn Ai nawh tix kaux heue.

ZAKHARIX 8:8

Aux tak sang deeh viex kix hoek mai kix tak sang yaox ti ot ka daux sigreung veng Yerusaliem heue. Kix tak sang mawh pui Aux mai Aux tak sang mawh Siyiex kix, ka daux krax pa kaux sijax mai ka daux krax pa rahsee heue.”

KAWNCAU 2:21

Pui mawx ang ah pa kok ka ceu kaux Siyiex, tak sang hoek krax taoh heue.

HEBRIE 8:10

In mawh sijax mukheu pa tak sang yuh Aux tau mai geh nyiex Isarelax, khaix singaix an khankix, Simiang ah, Aux tak sang sau lox lai beenli cie Aux ka daux dee chix keud kix mai Aux tak sang tiiem khankix khawm ka piang rhawm rhi kix heue. Aux tak mawh Siyiex kix mai kix tak sang mawh pui cie Aux heue.

YAKOP 1:12

Pui pa chix kham ka pa nyaw glaw ting bwanson heue. Grawh grawng nawh khaix hoik cheu ti yaox ka nawh, nawh tak sang pon mhok khri pa im ju, pa hoik deuh Siyiex lox sijax mukheu ti sang tawx ka pui pa moh ka Nawh khankix heue.

1 PETRUX 4:12

Pui pa moh aux khankix eue, yam yaox pex ti kham krax kham krax geu awm ngu, pa hoek piang pex sonsang cheu ti yaox pex, paw ce mawh pa khaw ti daox deng kah, awm pa hoik mawh ceu pa daox deng ka pex.

PLAK JHI 21:7

Kaw pa pex, tak sang pon tix cie sin ceu in khankix heue. Aux tak sang mawh Siyiex nawh mai nawh tak sang mawh kawn Aux heue.

PLAK JHI 8:10

Kawncau Siyiex loe kaux tix kaux phlu teettawng mai simuing pa kied ting tix mu rau khaing raoma, pa awm rup ngu mai nawh cod ka piang rawm klawng ting khankix loe son tix son mai ka piang rawm keut khankix heue.

PLAK JHI 8:11

Ceu kaux simuing an mawh lhax ghin mai rawm loe son tix son lih mawh rawm ghin mai pui yum tom nie kheu rawm khankix, mawh kheu hoik yuh ti kieh kix song heue.

PLAK JHI 8:12

Kawncau Siyiex pon kaux tix kaux phlu teettawng mai yuh laux ka singaix loe son tix son mai ka khix loe son tix son mai ka simuing khankix loe son tix son, yuh ka mawx sonsang kieh khankix loe son tix son faik hu, son ang singaix jhan riang been singaix loe son tix son mai khawm ponsawm kawx mawh nang nan heue.

PLAK JHI 8:7

Yam phlu teettawng phao ka tix kaux, lih mawh pre mai ngu, pa hoik klao tau mai nham mai taing khankix ka piang haktiex mai haktiex loe son tix son gleeing uik mai khaox loe son tix son gleeing uik mai can rib pa klai khawmuik gleeing uik heue.

PLAK JHI 8:8

Kawncau Siyiex ra kaux tix kaux phlu teettawng mai teei ceu pa awm gawng ting pa kawn gleeing ka ngu, taing sau daux rawm sigrit sigra mai rawm sigrit sigra loe son tix son lih mawh nham heue.

PLAK JHI 8:9

Can ceu pa koe ka daux rawm sigrit sigra loe son tix son yum heue. Reu khankix loe son tix son kawx laux leeing heue.