ZAKHARIX 13:7 - Wa Common Language Translation

⁷ Siyiex cao kru naing raoma ah nin, “Vaid eue, siduad ti kaoh puing ka cao liang yung Aux mai ka paox pie Aux heue. Tawk cao liang yung yum mai yung khankix tak sang prung prang heue. Khaix an Aux tak sang baox deeh veeh taix tix ka piang kawn yung iak khankix heue.

ZAKHARIX 13:7 Iomraidhean Croise

YAOGYAW 2:2

Simiang haktiex khankix mai simiang khankix ah nin, “Ex briex kum kawng paox tix sonsang tieh feen ka Siyiex mai phyawk ka Simiang Cao Khrit pa hoik laug Nawh Cao heue.”

ISAYAX 1:25

Aux tak deeh veeh khawn taix tix ka maix mai sigrhah sivun maix khawmuik mai teei tawng pa lheung maix khankix hu heue.

ISAYAX 27:1

Ka daux singaix an Siyiex tak teei vaig lawm pa kaux cong Nawh Cao pa ting mai pa koe riang mai ciyang ka siuing Levitan (Goe rawm) pa phai hu mai siuing Levitan pa kawk vawk tix mai Nawh Cao tak sang pah siyawng pa ot ka daux rawm sigrit sigra heue.

ISAYAX 40:11

Nawh Cao tak liang phung yung Nawh, awm cao liang yung, Nawh Cao khrawm kawn yung ka plawng taix tix mai kliien ka piang naok tix mai koi thong miex yung pa kawn iak kawn.

ISAYAX 9:6

Grawh grawng nawh kawn ngie hoik keh son ex tix kaux, kawn simex tix kaux mawh pa hoik tawx tix ka ex, sibrawm krax kwang tak koe ka piang klip Nawh Cao heue. ceu kaux Nawh Cao tak kok mawh pa daox am, cao pa kwang, Siyiex pa ting riang ting rao, keeing leeing ju, Simiang cao pa nhim heue.

YERAMIX 47:6

Vaig lawm Siyiex eue, maix tak sang kawn rheung ang yawg tix miex grheung lie? Deeh laig ka daux phak vaig cao maix, laux lee tix mai ot yiien yawg heue.

YEZAKELAX 21:28

Maix pa mawh kawn pui eue, krai lox jhai ah nin, Siyiex ah nin son grawng pa dex dawd ka pui Amon mai grawng lox pa salao pa ah nin, vaig tix kre mai vaig tix kre pa hoik klaing tix plang hoik lawd sonsang pah mai vaig pa hoik awt plang awm pluk plak praix mawh sonsang yuh kawn pui laux leeing,

YEZAKELAX 21:3

mai ah nin ka haktiex Isarelax, Siyiex ah nin, jhak heue, Aux tak mawh pui koeng pex mai lawd vaig tix lih khaing daux gieang mai yuh pui rahsee mai pui ang rahsee khankix laux leeing heue.

YEZAKELAX 37:24

“Kawncau Aux Davit tak mawh simiang ka piang kix mai kix tak koe cao liang yung tix kaux khaing, kix tak sang hawt lox tat jhawm prawng Aux mai priex rien ka lox lai beenli Aux heue.”

YEZAKELAX 7:6

Dui sidah hoik hoek, dee sidah hoik hoek heue. An hoik hoek bleeh awm bah riang praix tix hoek ka son maix, jhak heue, an hoik hoek heue.

MIKHA 5:2

Veng Bieliehiem, Epharat eue, viang maix mawh veng pa iak ka daux sinax veng meung Yudax khankix kawx, kheu cao giex kaing tak sang lih khaing maix tix kaux ka son Aux, pa sang mawh cao pa kwang ka daux ceu pui Isarelax, pa hoik dawg koe tom yam jah yam kaw dix heue.

MIKHA 5:4

Nawh tak sang cung kaux cong mai liang ka cub phung yung nawh, ka daux riang rao Siyiex, ka daux min sibrawm kwang ceu kaux Siyiex, pa mawh Siyiex nawh mai kix tak sang ot kaux cong kah heue. Grawh grawng nawh, nawh tak sang mawh pa ting lhaong, tom hoek ka dee sidah sidu haktiex heue.

ZAKHARIX 11:11

Mawh kheu hoik laux sijax mukheu an ka daux singaix an heue. Mawh kheu nan cub phung yung pa hot shia khankix, pa kawn een rhawm tix ka Aux, hoik tawng ka hoik mawh an gumlox Siyiex heue.

ZAKHARIX 11:4

Siyiex, pa mawh Siyiex aux ah nin “Liang cub phung yung khankix, son pa sang pah tix yum,

ZAKHARIX 11:7

Mawh kheu nan, Aux hoik liang cub phung yung khankix, son pa sang pah tix yum, pa mawh cub phung yung pa blon kha rhawm tix heue. Aux hoik teei khaox grix tix ra gawng, tix gawng Aux hoik kok mawh bwanson pa mhawm grang mai an tix gawng Aux hoik kok mawh maox vien krax grum rhawm mai Aux hoik liang cub phung yung khankix heue.

MATHIEX 1:23

“Jhak heue, bunkrih tak koe kaux mai keh kawn Simex, mai kix tak kok ceu kaux Nawh mawh “Emanoelax.Phan toe dee bleeh Emanoelax, mawh Siyiex ot tau mai ex” heue.

MATHIEX 10:42

Pui mawx ang ah, tawx kaw pa iak khankix tix kaux nyaux rawm sikiied tix kawk ngie, ka daux ceu kaux kawncau tix kaux kaux, Aux krai lox tete ka pex, bwanson cie nawh tak ang som grai heue.”

MATHIEX 11:27

Keeing Aux hoik ap khawmuik ka Aux mai pui tix kaux kawx ang tawng ka Kawn Cao lheu khaing Keeing Cao mai pui tix kaux kawx ang tawng ka Keeing Cao lheu khaing Kawn Cao mai kaw pa laug kawn Cao ti plak jhi ka nawh heue.

MATHIEX 18:10

“Rien rhawm tix paw nieb pon yuh ka kawn nyawm iak khankix tix kaux kawx, grawh grawng nawh, Aux krai ka pex, daux raoma kawncau Siyiex cie kix tak yaox pakngai pak baoh Keeing Aux pa ot ka daux meung raoma jheung jheung heue.

MATHIEX 18:14

Awm an Keeing pex pa ot ka daux meung raoma, ang koe alo ti kieh kawn nyawm iak an khankix laux leeing tix kaux kawx heue.”

MATHIEX 26:31

Yam an Yesux ah nin ka kix, “Daux sawm in pex khawmuik tak prah ka Aux heue. Kheu hoik tiiem ah nin, Aux tak pah cao liang yung, mai cub yung an khankix, tak prung prang heue.

MATHIEX 26:56

Viang mawh nan, ceu in khawmuik hoik lih mawh, sonsang naog lox phuk lai sigang khri cao jhai khankix heue.” Yam an kawncau khankix khawmuik prah Nawh Cao mai to hu heue.

MAKUX 14:27

Yesux ah nin ka kix, “Pex khawmuik tak sang laux rhawm kah heue. Kheu hoik tiiem ah nin, Aux tak pah cao liang yung mai yung khankix tak prung prang heue.

MAKUX 14:50

Kawncau Nawh khawmuik prah Nawh Cao mai to hu heue.

LUKAX 12:32

Cub yung iak eue, paw lhat graung, mawh kheu Keeing pex koe rhawm ti tawx meung an ka pex heue.

LUKAX 17:2

Son kaw an, phan preue simaox mhaw ka ngawg nawh mai taing nawh ka daux rawm sigrit sigra lheu mhawm khaing kieh nawh kawn nyawm iak khankix tix kaux sideeing caong tix heue.

YOHAN 1:29

Singaix pasax Yohan yaox Yesux hoek ka nawh ah nin, “Jhak ka Kawn Yung Siyiex pa teei phimap haktiex hu heue.

YOHAN 10:30

Aux mai Keeing Aux mawh tix kaux khaing”

YOHAN 10:38

Viang mawh nan, phan Aux yuh, viang pex ang yum rhawm ka Aux kawx, yum rhawm ka kaing khankix, sonsang tawng pex mai yum rhawm grawng ot Keeing Aux ka daux Aux mai grawng ot Aux ka daux Keeing Cao”

YOHAN 14:1

“Paw kieh rhawm pex koe krax khi rhawm, yum rhawm ka Siyiex, ka Aux kawx yum rhawm heue.

YOHAN 14:23

Yesux pawk lox ah nin ka nawh, “Phan pui moh ka Aux nawh tak sang priex ti hawt gumlox Aux, Keeing Aux tak moh ka kaw an, Yiex tak hoek ka nawh mai ot tau mai nawh heue.

YOHAN 16:15

Can ceu pa koe Keeing Cao khawmuik mawh cie Aux, mawh kheu nan Aux tom hoik krai ka pex, Nawh tak sang teei cie Aux krai ka pex heue.

YOHAN 16:32

Jhak heue, bawg yam nari tak sang hoek, mawh heue, pie yam in kawx hoik hoek, yam pex tak sang prung prang hu dee ot pui mawx dee ot pui an sang prah Aux ot nong nong. Viang mawh nan Aux ot nong nong ang mawh, kheu Keeing Cao ot tau mai Aux heue.

YOHAN 5:23

Kheu son kawn pui khawmuik sang yungyi ka Kawn Cao, awm yungyi kix ka Keeing Cao. Kaw pa ang yungyi ka Kawn Cao, ang yungyi ka Keeing Cao pa ploi Nawh hoek heue.

YOHAN 8:58

Yesux baox ah nin ka kix, “Aux krai tete telai ka pex, ka ang Abraham nyang bax keh, Aux hoik dawg mawh heue.”

KAWNCAU 2:23

Kaw pa hoik dud keud Siyiex, grux tawng mai tawx, pex hoik teei ti tawk Nawh yum piang khaox lhak, ka tawm taix pui ceu pa ang koe lai beenli heue.

ROMAX 4:25

Hoik tawx Simiang Yesux an kheu phimap mai hoik kieh deeh kaoh im, sonsang kieh ex hoek krax rahsee heue.

ROMAX 8:32

Kaw pa ang deuh pie ka Kawn tix, viang mawh nan hoik tawx Nawh son ex khawmuik, Nawh tak ang yuh bwanson ti tawx giex ka ex, kuceu khawmuik tau mai Nawh lie?

2 KAWRINTHUX 5:21

Siyiex hoik kieh Kaw pa ang tawng phimap, mawh phimap ka son ex, son sang lih mawh ex pa rahsee Siyiex ka daux Nawh heue.

KALATIX 3:13

Cao Khrit hoik taoh ex khaing pa jhax lawg lox lai beenli, kheu hoik mawh Nawh pa jhax lawg son ex, grawh grawng nawh hoik tiiem ti deuh ah nin, “Pa preue ka piang khaox ku kaux daux pui, mawh pa jhax lawg heue.”

PHILIPPIX 2:6

Viang Nawh cao hoik mawh ka daux riang pakpeung Siyiex kawx, ang lai een lai sawn ceu pa mawh pa sidu mai Siyiex ti mawh pa jhawp ka,

HEBRIE 13:20

Yam in kieh Siyiex cao pa nhim, pa hoik deeh viex Simiang ex Yesux lih khaing krax yum, pa mawh cao liang Yung pa ting, pa liang yung khankix, ka daux nham sijax mukheu leeing ju,

1 PETRUX 3:18

Mawh kheu Khrit kawx hoik kham geu son phimap ex tix bawg, Kaw pa rahsee, kham geu son pui pa ang rahsee, sonsang pon Nawh ti viex ex hoek ka Siyiex, kheu hoik teei Nawh yum ka daux nex nham, viang mawh nan Nawh hoik im ka daux Khuan.

1 PETRUX 5:4

Yam lih bleeh Cao liang yung pa ting, pex tak sang pon mhok khri min pakngai pa ang chix bheet laux heue.

1 YOHAN 2:2

Tokaux Nawh mawh pa tan pa sang kieh ex luan khaing phimap tix mai ang joeng mawh ngie son phimap ex khaing, viang mawh nan mawh son phimap khawm beu haktiex khawmuik heue.

PLAK JHI 1:11

pa ah nin, “Tiiem ceu pa yaox maix ka daux phuk lai mai sipaox ka ceucao aliah mu, pa koe ka daux veng Efesux mai ka daux veng Sameunax mai ka daux veng Perakam mai ka daux veng Swatirax mai ka daux veng Sadix mai ka daux veng Filadelfia mai ka daux veng Lawdikix khankix awx.”

PLAK JHI 1:17

Yam yaox aux Nawh, aux goh liep caong Nawh, awm pa hoik yum heue. Nawh Cao deuh taix khawn dawm Nawh ka piang aux ah nin, “Paw vi lhat! Aux mawh pa jah mai pa ghoik khaix,

PLAK JHI 1:8

“Aux mawh Alaphax mai Omegax” Simiang Siyiex, kaw pa mawh yam in mai pa hoik mawh mai pa tak sang hoek tix mawh, pa mawh cao pa ting sibrawm piang khawmuik, ah nan heue.

PLAK JHI 13:8

Can pui pa ot ka piang haktiex khawmuik tak sang krub ka nawh, pa mawh can pa ang lai tiiem ti deuh ka ceu kaux kix tom yam jah ti kaw haktiex ka daux phuk lai pa im ju, cie kawn yung pa hoik pah yum heue.

PLAK JHI 2:23

Aux tak teei kawn praix kiex yum ka krax yum mai ceucao khawmuik tak tawng grawng mawh Aux kaw pa sawg liiem plak daux pui khawmuik mai daux rhawm rhi mai Aux tak sang tawx pex kaux pui mawx kaux pui an, awm pa khaw mai krax pa twah klaung tix heue.

PLAK JHI 21:6

Nawh Cao baox ah nin ka aux, “An khankix hoik lih mawh heue, Aux mawh Alaphax mai Omegax, pa mawh Pa Jah mai pa Sidah heue. Aux tak sang tawx giex rawm keut pa im ju ka kaw pa sang nyaux nie rawm heue.