ZAKHARIX 13:2 - Wa Common Language Translation

² Siyiex Cao kru naing raoma ah nin ka daux singaix an, Aux tak sang tat ti tik ceu kaux riang grang khankix khaing daux haktiex mai khaix in tak ang lai mawh pa deeh doh keud kah heue. Aux tak sang deeh baox kieh cao jhai khankix mai khuan pa seeing brai ankix lih hu khaing daux haktiex heue.

ZAKHARIX 13:2 Iomraidhean Croise

1 SIMIANG 22:22

Simiang Siyiex ah nin ka nawh, maix sang yuh ka mawx? mai nawh ah nin, aux tak lih hu mai deeh yuh tix mawh khwan tawb kheem ka daux jheeh cao jhai khawmuik heue Mai Nawh Cao ah nin, “Maix tak pon ti jheeh nyaw nawh mai pex ka nawh, lih hu mai yuh awm an heue

YAOGYAW 16:4

Can pui pa hawt khaix siyiex tang kaux, tak pon krax pa kha rhawm tom nie heue. Aux ang rhawm kieh nham ti lih, sonsang tan ka son kix pie ceu kaux kix kawx, aux ang rhawm kieh simawd.

LIH HU 22:13

Phan mawh totiag pa kiied kah, nawh tak yaox ti jhi to yum mawh mhai rug, nawh ang lai yaox ti plud kah.

LIH HU 23:13

Rien rhawm ka can ceu pa hoik krai Aux ka maix, paw krai min ceu kaux siyiex tang kaux mai paw kieh pui mhong grawng in khankix khaing jheeh maix heue.

ISAYAX 2:18

Mai riang grang khankix grai grup pak lawg heue.

ISAYAX 2:20

Ka daux singaix an pui tak tik vud ka riang rao mau mai khri pa hoik yuh kix ti krub son tokaux cao tix, ka beei mai blak khankix.

YERAMIX 29:23

Grawh grawng nawh, kix hoik yuh ceu pa laux min plakngai ka daux ceu pui Isarelax khankix mai hoik lud vao tau mai moeng paox plawg tix khankix mai hoik krai lox pie lox lhen ka daux ceu kaux Aux, ka pa ang Aux sax tawm ka kix heue. Aux tawng tete mai mawh cao pa kham sakse, Siyiex ah nin heue.

YEZAKELAX 12:24

“Mawh kheu ceu pa plak jhi pa giex going ang ah mai krai lox jhai pie lhen tak ang lai koe tix bawg kawx ka daux sinax nyiex ma ceu pui Isarelax heue.”

YEZAKELAX 13:23

“Mawh kheu nan pex tak ang lai yaox ka riang susai pa giex going mai ang yaox tix krai lox jhai. Mawh kheu sang deeh taoh Aux pui Aux khankix khaing daux tawm taix pex mai pex tak tawng mawh Aux Siyiex heue.”

YEZAKELAX 14:9

“Phan cao jhai an krai lox pie lhien, Aux, Siyiex tak pie lhen ka cao jhai an mai Aux tak nyeu taix tix ciyang ka nawh mai yuh nawh laux leeing khaing sinax ceu pui Aux Isarelax heue.

YEZAKELAX 30:13

Siyiex ah nin, “Aux tak sang yuh riang grang krub laux leeing mai tat ti tik riang grang raug grai ka daux haktiex Nawphax, ang lai koe cao kaing cao kap ka daux haktiex Ejiptux khaix in tix bawg kawx, Aux tak kieh krax lhat graung koe ka daux haktiex Ejiptux heue.

YEZAKELAX 36:25

Khaix an Aux tak sang phreeh rawm pa singax ka piang pex mai pex tak singax khaing pa seeing brai tix, Aux tak kieh pex singax khaing riang grang pa krub tix.

YEZAKELAX 36:29

Aux tak taoh pex khaing pa seeing brai, Aux tak kok nghox koi hoek mai kieh grum naog mai ang lai kieh sibhawm praix hoek ka piang pex heue.

YEZAKELAX 37:23

Kix tak ang lai seeing yuh tokaux tix, ka riang grang krub mai ka ceu pa seeing brai, tau mai ka ceu pa lud tix bawg kawx, Aux tak deeh taoh kix lih khaing ka can dee hoik lud yuh kix phimap mai tak kieh kix singax, mai kix tak mawh pui Aux mai Aux tak sang mawh Siyiex kix heue.

YEZAKELAX 43:7

mai Nawh ah nin ka aux, “Kawn pui eue, in mawh dang ngeung Aux mai mawh dee deuh Aux caong tix, ka sinax kawn praix ceu pui Isarelax leeing ju. Nyiex ma ceu pui Isarelax tak ang lai salao ceu kaux pa singax Aux khaix in tix bawg kawx, cao kix mai simiang kix, ang lai lud vao mai ang krub riang yum simiang kix ka dee pa lhaong kix heue.

YEZAKELAX 6:6

Ka veng can dee ot pex khawmuik, tak sang mawh pa laux leeing mai dee pa lhaong khankix tak sang mawh dee yiien mai khu dee tan pex khankix tak mawh pa laux leeing mai hoik lih mawh dee pa yiien, riang grang krub pex khankix tak mawh pa graig mai pa hoik kaog heue. Khu dee tan nyawng bhawng pex khankix kawx tak sang yuh laux mai kaing yuh pex khankix kawx, tak sang mawh pa grai grup heue.

HOSE 14:8

Epharem tak sang ah nin “Aux koe krax pa sang yuh ceu patix ka riang grang krub khankix lie? Aux hoik mhong mai hoik jhak simi ti priex nawh heue. Aux mawh pa awm khaox gix klai tix gaw, plix maix mawh pa hoik pon tix ka daux Aux heue.”

HOSE 2:17

Aux tak sang teei ti tik ceu kaux siyiex Balax khaing daux jheeh pui Aux mai kix tak ang lai deeh doh deud ka ceu kaux in khaix in tibawg kawx heue.

HOSE 2:19

Aux tak sang teei maix mawh moeng Aux leeing ju heue. Aux tak sang teei maix mawh cie Aux ka daux krax pa mawh meh mai ka daux krax pa rahsee, ka daux krax pa moh rhawm mai ka daux krax pa caux rhawm.

MIKHA 2:11

Phan daux rhawm rhi pui koe ceu pie lhen mai sikah lox pie lhen pa ah nin, aux tak sang krai lox jhai grawh grawng rawm plix siiet mai rawm plai khankix heue. Kaw an tak sang mawh cao jhai ka pui ceu inkix heue.

ZEPHANIX 2:11

Siyiex tak sang mawh pa lhat graung kix kah heue. Mawh kheu Nawh Cao tak sang kieh siyiex piang haktiex khankix krawx hu heue. Pui khankix ku kaux mai khawm ceu pui khankix, pa ot ka klawn tiex rawm sigrit sigra kawx tak sang krub ka Nawh Cao ka dee ot dee koe tix heue.

MATHIEX 12:43

“Khaix hoik lih phi pa seeing brai khaing daux pui tix kaux, nawh hu preeng ka dee ang rawm koe sonsang sawg dee laux kawx, ang yaox.

MATHIEX 7:15

“Rien rhawm tix ka cao jhai pa ang mawh meh khankix, pa ceep hak yung plak piang, viang mawh nan ka plak daux mawh soxla pa caox heue.

LUKAX 11:20

Viang mawh nan phan Aux een rhawm ka giien taix Siyiex mai grheu phicaox khankix lih, meung Siyiex hoik hoek ka piang pex tete heue.

PINGNYAP 12:3

Pex tak yieh ti tik khu dee tan kix laux leeing mai raig ti tik rong simaox kix khankix mai gleeing khaox riang grang Asherax ka ngu, pex tak kid riang grang pa hoik saik mawh riang siyiex kix khankix mai yuh ceu kaux kix laux leeing khaing dee an.

PINGNYAP 18:20

Phan koe cao jhai pa teei min tix krai lox ka daux ceu kaux Aux, pa ang Aux tawm nawh krai khankix mai pa krai ka daux ceu kaux siyiex tang kaux khankix, tak pah cao jhai an yum.

YAWSUX 23:7

aux lhat pex hu laig ka daux sinax ceu pui inkix, pa kawn deuk ka daux sinax pex heue. Pex tak ang pon ti simawd ka ceu kaux siyiex kix mai pex tix kaux kawx tak ang pon ti yuh krax pa tiextu tau mai siyiex kix heue. Pex tak ang pon ti yuh kaing kix mai pex tak ang pon ti krub ka kix heue.”

PLAK JHI 18:2

Nawh kok lox pa ting pa sinum, ah nin, “Veng Babulon pa ting hoik grhup, maix hoik grhup. Mai hoik lih mawh dee ot phicaox khankix mai dee laung khwan pa ang singax kuceu mai dee laung sim pa seeing brai mai pa khaw tix koeng ka kuceu heue.

PLAK JHI 19:20

Giex ka totiag an mai ka khawm cao jhai pa ang mawh ang meh an tau mai nawh, pa hoik yuh mhai pa daox am ka sivoe nawh mai pa hoik teei mhai an kix tix pie lhen ka kix pa hoik pon mhai totiag an mai ka kix pa hoik krub ka riang grang nawh heue. Taing im kiex khawm ra ka daux nhawng ngu pa gleeing ka mhat heue.