ZAKHARIX 13:1 - Wa Common Language Translation

¹ “Ka daux singaix an, dee lih rawm tix dah, tak sang mawh pa hoik paoh tix ka son nyiex ma simiang Davit mai son can pui pa ot ka daux veng Yerusaliem khankix mai son phimap mai son pa seeing brai khankix heue.

ZAKHARIX 13:1 Iomraidhean Croise

YAOGYAW 51:2

Sigrhah phimap aux tom bawh khawmuik mai kieh singax singeh liak.

YAOGYAW 51:7

Sonsang singax singeh aux, teei lhax khaox haisop mai kieh aux singax singeh mai tawx bwanson ka aux liak. sigrhah aux paing awm rawm rha liak.

ISAYAX 12:3

Pex tak koe krax pa gaux rhawm mai kin tix nyaux rawm, khaing rawm daux krax taoh heue.

ISAYAX 4:4

Yam hoik sigrhah Siyiex pa seeing brai kawn bun veng Zion khankix mai hoik singax yuh nham veng Yerusaliem khaing daux sigreung nawh, ka khwan krax prawng krax ci yang mai ka khwan gleeing ngu.

YERAMIX 17:13

Siyiex pa mawh dee keud pot ceu pui Isarelax eue, pui pa tik vud ka Maix Cao khankix tak pon krax kaig tua khawmuik heue. “Pui pa lih hu khaing Aux, tak mawh pa tiiem ti deuh carang piang tiex. Mawh kheu kix hoik tik vud ka Siyiex pa mawh dee lih rawm im ju heue.”

YERAMIX 2:13

Grawh grawng nawh, pui Aux khankix hoik yuh phimap pa caox ra ceu, kix hoik tik vud Aux pa mawh dee lih rawm im ju mai hoik kaong ka rawm dung pa chix grhup chix bhieh son tix tom ang rawm chix dung chix nien ka heue.”

YERAMIX 29:26

Siyiex hoik yaox maix mawh cao giex kaing li tang cao giex kaing li Yehoyadax sonsang mawh cao kaing ka daux nyiex bwan Siyiex mai piang pui ku kaux, pa hoik yhot pa keud tokaux cao tix mawh cao jhai sonsang sau maix nawh ka daux thawng mai sau gang ka kix heue.

YERAMIX 33:8

Aux tak sigrhah ka phimap krax lud pa yuh kix khawmuik mai Aux tak pluat ploi phimap pa lud kix khawmuik mai pa tieh feen kix ka Aux heue.

YEZAKELAX 36:17

“Kawn pui eue, yam ot nyiex ma ceu pui Isarelax ka daux haktiex cao tix, kix hoik seeing yuh haktiex tix ka can pa yuh tix, kaing mai jhawm pa yuh kix hoik seeing brai sivoe ngai Aux awm bun pa hoek mee heue.

YEZAKELAX 36:25

Khaix an Aux tak sang phreeh rawm pa singax ka piang pex mai pex tak singax khaing pa seeing brai tix, Aux tak kieh pex singax khaing riang grang pa krub tix.

YEZAKELAX 36:29

Aux tak taoh pex khaing pa seeing brai, Aux tak kok nghox koi hoek mai kieh grum naog mai ang lai kieh sibhawm praix hoek ka piang pex heue.

YEZAKELAX 47:1

Khaix an nawh dee viex aux hoek ka siviex ting nyiex bwan mai jhak heue, koe rawm pa lih khaing greem siviex nyiex bwan pa hu ka plak lih singaix, mawh kheu nyiex bwan hoik veeh ngai tix ka plak lih singaix mai rawm lih hu plak greem praok plak dawm siviex nyiex bwan, ka plak seh khu dee tan heue.

KRUB 11:36

Viang mawh nan, dee lih rawm klawng khankix ang ah, rawm daux pa kaong pex ang ah, tak mawh pa singax, can pui pa hu teeh ka to yum an khankix ngie, tak lih ti mawh pa ang singax ka.

MIKHA 5:12

Aux tak sang tat ti tik pui pa koe preu khaing daux taix maix mai maix tak ang lai koe cao pa sibawk khankix heue.

ZAKHARIX 12:14

“Can pui daux nyiex ma pa kawn deuk khankix ku nyiex ma, simex ot nong tidah mai bun ot nong tidah, kix hoik tang khrawm paox tix yiiem cub mawx cub an heue.

ZAKHARIX 12:3

Ka daux singaix an, Aux tak sang kieh veng Yerusaliem mawh lon simaox pa kied cien tix lon son pui khawmuik mai can pui pa yaog lon simaox an, tak sang mawh pa graig ti phawng mai ceu pui piang haktiex hoik khrawm ti hoek puing ka nawh heue.

YOHAN 1:29

Singaix pasax Yohan yaox Yesux hoek ka nawh ah nin, “Jhak ka Kawn Yung Siyiex pa teei phimap haktiex hu heue.

YOHAN 5:4

Kheu, yam hoek bawg yam, kawncau Siyiex tix kaux lih hoek yuh rawm an yung yiang. Khaix yung yiang rawm an pui mawx pon laig ka sivoe paox tix daux dung an, jhawm saux tokaux nawh moi heue.

1 KAWRINTHUX 6:11

Glang ka in, viang pex tix blah kawx hoik mawh pui pa awm an, hoik sigrhah ka pex, hoik kieh pex singax, hoik kieh pex rahsee ka daux ceu kaux Simiang Yesux Khrit mai ka daux Khuan Siyiex ex heue.

1 PETRUX 1:19

Viang mawh nan hoik taoh pex ka nham pa ngawh, pa awm nham kawn yung pa ang koe dee ne pa loig, pa mawh nham Cao Khrit heue.

1 YOHAN 1:7

Viang mawh nan phan ex hu ka daux pa riang, awm ot Nawh Cao ka daux pa riang, ex yaox ti mawh paox pie ka paox tix mai nham Kawn Nawh Yesux sigrhah ex singax khaing phimap khawmuik heue.

1 YOHAN 5:6

Yesux Khrit mawh kaw pa hoek ka rawm mai ka nham mai ang mawh ka rawm giex khaing, mawh ka rawm mai nham heue.