ZAKHARIX 12:5 - Wa Common Language Translation

⁵ “Cao kwang veng Yudax khankix tak sang ah nin ka daux rhawm tix “Pui pa ot ka daux veng Yerusaliem khankix koe riang rao ka daux Siyiex cao kru naing raoma, pa mawh Siyiex kix heue.”

ZAKHARIX 12:5 Iomraidhean Croise

YAOGYAW 144:1

Siyiex pa mawh rang ting mai Cao pa gau aux chix puing naing, kieh koe bwanson liak.

YAOGYAW 18:32

Siyiex teei maox rawd nyoi mai nhawt ka nyoi aux mai kieh krax hu aux rahsee heue.

YAOGYAW 18:39

Grawh grawng nawh, Maix nhawt maox rawd nyoi aux, sonsang koe riang ti chix puing naing ka kix pa ot tang plak goh greem caong aux heue.

YAOGYAW 46:1

Siyiex mawh dee deuh ex rhawm mai tawx riang rao ka ex heue.Krax teem Nawh nie lheu sidawng yam yaox ex krax laux leeing heue.

ISAYAX 1:10

Pex pa mawh cao pa kwang piang veng Sawdom khankix eue, nghiet ka gumlox Siyiex heue, pex pa mawh pui ot daux veng Gawmawrax khankix eue, daong yhaok tix ka lox lai beenli Siyiex ex heue.

ISAYAX 1:23

Kawn lauxsimiang maix khankix hoik mawh pa deeh tieh feen mai mawh pa rom tix neuex tau mai pui briex pui ku kaux moh ka kraung pa cun praok khankix mai hawt ti hu khaix totaix khankix heue. Kix ang lai tiebtie ka son pa ang koe keeing mai yuh tix ang kieh grawng see miexmai hoek ka plak sivoe kix heue.

ISAYAX 1:26

Aux tak sang baox deeh tawx cao prawng see khankix ka maix phao voe mai cao pa tawx krax keud krax tawng khankix ka maix awm pa koe tom yam jah heue. Khaix an tak kok maix mawh veng pa rahsee mai veng pa kaux sijax heue.

ISAYAX 28:5

Ka daux singaix an Siyiex Cao kru naing raoma tak mawh mhok khri min pakngai mai mhok khri pa mhawm grang ka pui pa kawn deuk ka pui Nawh Cao,

ISAYAX 28:6

Mawh khwan pa rahsee ka nawh cao ngawm ti prawng ca mai mawh riang rao ka pui pa pheet tix puing pui koeng tom hoek ka diang siviex.

ISAYAX 29:10

Mawh kheu Siyiex hoik sau khwan pa kied lhiak it ka pex mai hoik thox ngai pex pa mawh cao jhai khankix mai hoik tawb kaing pex pa mawh cao pa grux yaox.

ISAYAX 32:1

Jhak heue, simiang tix kaux tak kwang ka daux pa rahsee mai simiang greem nawh tak kwang mai krax rahsee,

ISAYAX 45:24

Pui ku kaux tak ah nin ka grawng Aux, mawh ngie pa rahsee mai riang rao pa koe ka daux Siyiex khaing, pui pa boh rhawm ka Nawh Cao hoek ka Nawh Cao mai tak hoek krax kaig tua.

ISAYAX 60:17

Aux sang viex khri hoek son tang tawng lheung, viex mau hoek son tang rhiem mai viex tawng lheung hoek son tang khaox mai viex rhiem hoek son tang simaox, Aux tak yuh pa nhim mawh son simiang maix khankix mai krax pa rahsee mawh son cao pa koh keen maix khankix heue.

YERAMIX 30:21

Ru kix khankix tak sang mawh simiang kix mai cao pa kwang ka kix tak sang mawh pa kaoh khaing daux sinax kix. Khaix an Aux tak kieh kix greed tix dex mai kix tak greed tix hoek dex Aux heue. Siyiex ah nin, mawh pui mawx pa kan rhawm tix sang greed tix dex Aux lie?

YERAMIX 33:26

khaix an, Aux tak tik vud ka doeh ru Yakop mai kawncau Aux Davit mai ang lai laug ka doeh ru nawh, mawh cao pa kwang piang doeh ru Abraham, Icak mai Yakop heue. Grawh grawng nawh, Aux tak deeh viex pui pa giex laung khankix deeh hoek mai Aux tak koe krax caux rhawm piang kix heue.”

YOLAX 3:16

Siyiex tak briah lox tix khaing piang gawng Zion mai yo lox tix lih khaing veng Yerusaliem, raoma mai haktiex tak sang yung yiang, viang mawh nan, Siyiex tak mawh dee peung ka son pui Nawh Cao mai mawh dee cong ceu pui Isarelax khankix heue.

ZAKHARIX 10:12

Aux tak sang kieh kix een rhawm tix kaux cong ka daux Siyiex mai kix tak sang lailing ka daux ceu kaux Nawh Cao heue. “Siyiex ah nan heue.

ZAKHARIX 10:6

“Aux tak sang kieh nyiex ma ceu pui Yudax kaux cong mai Aux tak sang taoh nyiex ma Yosiep khankix heue. Aux tak sang deeh viex kix ing, kheu hoik koe krax caux rhawm Aux ka kix heue. Kix tak sang mawh pa awm pui ankix, pa ang nyang sax grheu ti tik heue. Grawh grawng nawh, Aux mawh Siyiex kix, pa mawh Siyiex leeing ju mai Aux tak sang nghiet lox kix heue.

ZAKHARIX 12:4

Siyiex ah nin, “Ka daux singaix an, Aux tak sang tawx krax kham geu mai pa kieh brung khankix yaoh mai kieh cao pa brug brung yhot kah heue. Aux tak sang blah ngai tix kia ngien ka nyiex ma ceu pui Yudax mai tak sang tawx krax kham geu pa dug ngai ka brung cie pui tang ceu khankix heue.

ZAKHARIX 12:6

“Ka daux singaix an, Aux tak sang kieh cao kwang veng Yudax khankix, awm glah ngu ka daux grux khix mai awm ngu proh ka daux pum nghox heue. Kix tak sang gleeing pui hawt vung viang baoh an khawmuik, pa ot ka plak khawn dawm mai pa ot ka plak khawn gwiex heue. Veng Yerusaliem tak sang mawh pa ot dee ot tix ka dah dee prim pa mawh veng Yerusaliem heue.

ZAKHARIX 14:14

Ceu pui Yudax khankix pa ot ka veng Yerusaliem tak sang puing naing heue. Krax mag mi ceu pui pa ot hawt vung viang baoh an khankix, tak sang mawh pa kraix khrawm tix tau, pa mawh khri, mau mai kraung khrai pa shiao khankix ka daux krax pa kied haoh hun heue.

CAO PRAWNG 5:9

Rhawm aux koe tau mai cao pa kwang ceu pui Isarelax khankix, pa koe rhawm ti appong tokaux cao ti tau mai pui khankix heue. Kieh yaogyaw bwanson Simiang Siyiex heue.