ZAKHARIX 12:4 - Wa Common Language Translation

⁴ Siyiex ah nin, “Ka daux singaix an, Aux tak sang tawx krax kham geu mai pa kieh brung khankix yaoh mai kieh cao pa brug brung yhot kah heue. Aux tak sang blah ngai tix kia ngien ka nyiex ma ceu pui Yudax mai tak sang tawx krax kham geu pa dug ngai ka brung cie pui tang ceu khankix heue.

ZAKHARIX 12:4 Iomraidhean Croise

1 SIMIANG 8:29

Maix Cao jhak ka nyiex bwan in ku singaix, ka dah dee pa hoik ah Maix Cao nin, min ceu kaux Aux tak koe tan, yam veeh aux ngai tix plak nyiex bwan mai rawg bwan, nghiet ka lox rawg kawncau Maix bwan liak.

2 SIMIANG 6:14

Mawh kheu nan, nawh ploi pa ting riang cub pui naing ling lawx brung khankix hu tan, kix hoek tan plak pon sawm mai lai lawm ka veng heue.

2 SIMIANG 6:18

Yam rob pui Surix khankix ka nawh, Elishie rawg bwan ka Siyiex ah nin, “Aux rawg Maix kieh pui inkix dug ngai, ” Nawh Cao kieh kix dug ngai awm lox rawg Elishie bwan heue.

2 GRAWNG BEEN 6:20

Kieh ngai Maix Cao kia ngien ka plak see nyiex bwan in ku singaix mai ka plak see dee pa hoik ah Maix Cao tix sang deuh ceu kaux Cao tix, sonsang pon Maix Cao tix mhong lox bwan pa rawg kawncau Maix ka plak see dee in heue.

2 GRAWNG BEEN 6:40

Yam in, Siyiex eue, aux rawg bwan, kieh ngai maix blah ti jhak mai kieh yhaok Maix nghiet ka lox bwan rawg pa hoik yuh tix ka dah dee in liak!

2 GRAWNG BEEN 7:15

Yam in, ngai Aux tak blah ti jhak mai yhaok Aux tak daong ti nghiet ka lox rawg bwan pa yuh tix ka dee in heue.

NEHAMIX 1:6

Yuh bwanson kieh yhaok Maix Cao mawh pa nghiet mai kieh ngai Maix Cao mawh pa simi ti jhak, ka lox rawg Bwan kawncau Maix plak sivoe Maix Cao yam in ku singaix, son kawn praix ceu pui Isarelax, pa mawh kawncau Maix khankix mai aux khyox khaw krai doh ka grawng phimap kawn praix ceu pui Isarelax khankix, pa hoik lud ka Maix Cao heue. Cub nyiex ma keeing aux mai khawm tokaux cao aux hoik lud heue.

ISAYAX 24:21

Ka daux singaix an, Siyiex pa ot ka dee pa lhaong, tak ciyang ka pui pa ot dee lhaong, pa mawh pui pa ting lhaong khankix mai khawm ka simiang haktiex pa koe ka piang haktiex heue.

ISAYAX 37:17

Siyiex eue, daong yhaok Maix Cao mai nghiet liak! Siyiex eue, blah ngai Maix Cao mai jhak liak mai nghiet lox Shenakherip pa ploi pui hoek ah lox salao ka Siyiex pa im ju.

YERAMIX 24:6

Grawh grawng nawh, Aux tak sang kia ngien piang kix mai kieh kix pon bwanson pa mhawm mai Aux tak sang deeh viex kix hoek ka haktiex in mai Aux tak sang pang kix mai ang lai yieh kix laux, aux tak sang sum kix mai ang lai reeig ka kix heue.

YEZAKELAX 38:4

Aux tak feuk kap maix ka miiet mai bluh maix hoek, tau mai cub kru naing maix, khawm brung maix mai pui naing brung maix, pa ceep ka kraung naing pa koe min sibrawm, pa giex plah rhiem tiep tie naing mai pa giex vaig.

YEZAKELAX 39:20

Pex tak sang sawm ka pheen Aux mai nex brung mai nex cao pa brug brung, nex pui pa kied ting riang ting rao mai nex pui naing khankix, Siyiex ah nan heue.

DANYELAX 9:18

Siyiex aux eue, daong yhaok Maix mai nghiet liak, blah ngai Maix mai jhak ka dee pa laux leeing yix khankix mai ka veng pa hoik kok ka ceu kaux Maix liak, Mawh kheu yix ang tie viex krax pa khyox tix hoek ka plak sivoe ngai Maix, kheu pa rahsee tix khankix ang mawh, viang mawh nan, mawh kheu krax caux rhawm pa kied ting lhaong Maix heue.

ZAKHARIX 10:5

Kix tak sang mawh pa awm pui pa kied ting riang ting rao khankix, pa dig ka pui koeng kix, ka daux ung glaox pa koe ka daux krax khankix ka daux naing heue. Kix tak sang puing naing, mawh kheu Siyiex ot tau mai kix mai pa brug brung khankix, tak sang mawh pa kaig pa tua heue.

ZAKHARIX 12:11

“Ka daux singaix an, krax yiiem doe pa kied ting tak sang koe ka daux veng Yerusaliem, awm krax yiiem doe ka daux veng Hadarimon, pa koe ka daux lung Megido heue.

ZAKHARIX 12:3

Ka daux singaix an, Aux tak sang kieh veng Yerusaliem mawh lon simaox pa kied cien tix lon son pui khawmuik mai can pui pa yaog lon simaox an, tak sang mawh pa graig ti phawng mai ceu pui piang haktiex hoik khrawm ti hoek puing ka nawh heue.

ZAKHARIX 12:5

“Cao kwang veng Yudax khankix tak sang ah nin ka daux rhawm tix “Pui pa ot ka daux veng Yerusaliem khankix koe riang rao ka daux Siyiex cao kru naing raoma, pa mawh Siyiex kix heue.”

ZAKHARIX 12:6

“Ka daux singaix an, Aux tak sang kieh cao kwang veng Yudax khankix, awm glah ngu ka daux grux khix mai awm ngu proh ka daux pum nghox heue. Kix tak sang gleeing pui hawt vung viang baoh an khawmuik, pa ot ka plak khawn dawm mai pa ot ka plak khawn gwiex heue. Veng Yerusaliem tak sang mawh pa ot dee ot tix ka dah dee prim pa mawh veng Yerusaliem heue.

ZAKHARIX 14:15

Awm ceu ankix, krax kham geu tak sang hoek ka piang brung law, ka piang kala-uk mai la mai ka piang to brie khankix khawmuik, pa koe ka daux tab heue. Mawh kheu nan, krax kham geu in tak sang mawh pa lih ti koe heue.

ZAKHARIX 9:8

Aux tak sang pang ti deuh tab hawt vung viang nyiex Aux, son ang kru naing pui koeng pon tiang ti hu hawt baoh an, pui pa nieb yuh krax kha rhawm ang lai yaox ti tiang ka daux hawt baoh an khaix in pie tix bawg kawx heue. Grawh grawng nawh, Aux hoik jhak inkix ka ngai aux daux yam in heue.

KAWNCAU 17:30

Mawh kheu nan daux bawg yam luan khankix yam daox yam ang pui tawng, Siyiex blha kix, viang mawh nan yam in Nawh tawx lox nhie pui kudah dee khawmuik, doh keud ka phimap tix heue.

PINGNYAP 28:28

Simiang Siyiex tak kieh maix kham geu jhawm saux yhot, jhawm sau dug ngai, jhawm saux lung lang rhawm khankix,