ZAKHARIX 12:3 - Wa Common Language Translation

³ Ka daux singaix an, Aux tak sang kieh veng Yerusaliem mawh lon simaox pa kied cien tix lon son pui khawmuik mai can pui pa yaog lon simaox an, tak sang mawh pa graig ti phawng mai ceu pui piang haktiex hoik khrawm ti hoek puing ka nawh heue.

ZAKHARIX 12:3 Iomraidhean Croise

ISAYAX 60:12

Mawh kheu pui ceu tix ang ah, meung haktiex mawx ang ah pa ang yuh kaing jhaw maix khankix, tak grai grup tix hu mai haktiex an kix tak mawh pa laux leeing pak lawg heue.

AWBADIX 1:18

Nyiex ma ceu pui Yakop, tak sang mawh ngu, nyiex ma ceu pui Yosiep tak sang mawh rao ngu mai nyiex ma ceu pui Esaw, tak sang mawh nyhee, ngu tak sang gleeing ka kix mai proe ti tik kix, pui pa kawn deuk tak ang lai koe khaing ka daux nyiex ma Esaw tix kaux kawx heue. Siyiex hoik ah yuh nin heue.

MIKHA 5:15

Aux tak sang ciyang ti pawk bix ka daux krax pa saux rhawm saux rhi mai ka daux krax pa song rhawm, ka piang ceu pui tang ceu, pa ang cu ti nghiet ka lox Aux heue.

MIKHA 5:8

Ceu pui Yakop pa kawn deuk khankix, tak ot ka dau sinax ceu pui tang ceu ka daux sinax pui khankix tom nie, awm sivai sangsi daux sinax totiag ka daux tiag daux nong, awm kawn sivai sangsi iak ka daux sinax cub phung yung khankix mai phan sivai sangsi an tiang ti hu, nawh tak dig mai puk paig ankix phawng mai pui tix kaux kawx ang lai pon ti taoh heue.

HABAKUK 2:17

Krax kin pa hoik yuh maix ka gawng Lebanon tak sang kheem ti deuh maix mai krax laux ju totiag an khankix, pa hoik kieh kix koe krax lhat graung kheu jao nham pui mai krax kin pa yuh ka haktiex mai veng mai can pui pa ot ka daux an khankix heue.

ZEPHANIX 3:19

Jhak heue, ka daux bawg yam an, Aux tak ciyang ka pui ankix khawmuik pa yuh krax kha rhawm maix heue. Aux tak sang taoh pui pa chawh caong mai khrawm pui ankix pa hoik grheu lih, Aux tak sang kieh kix pa hoik yaox ti kham krax pa kaig tua ka daux haktiex ku dah khankix pon krax yaog yaw mai krax pa ao min heue.

HAGIE 2:22

Aux tak sang pluk pliak ti tik dang ngeung meung haktiex khankix mai yuh sibrawm pui tang ceu khankix laux leeing heue. Aux tak sang pluk pliak ti tik ling lawx naing ka daux an khankix mai khawm ka pui pa brug ti hoek ka daux an kix, brung mai pui naing brug brung khankix tak som nai mai pui ku kaux tak sang goh ti yum ka vaid puxaik tix heue.

ZAKHARIX 12:11

“Ka daux singaix an, krax yiiem doe pa kied ting tak sang koe ka daux veng Yerusaliem, awm krax yiiem doe ka daux veng Hadarimon, pa koe ka daux lung Megido heue.

ZAKHARIX 12:4

Siyiex ah nin, “Ka daux singaix an, Aux tak sang tawx krax kham geu mai pa kieh brung khankix yaoh mai kieh cao pa brug brung yhot kah heue. Aux tak sang blah ngai tix kia ngien ka nyiex ma ceu pui Yudax mai tak sang tawx krax kham geu pa dug ngai ka brung cie pui tang ceu khankix heue.

ZAKHARIX 12:6

“Ka daux singaix an, Aux tak sang kieh cao kwang veng Yudax khankix, awm glah ngu ka daux grux khix mai awm ngu proh ka daux pum nghox heue. Kix tak sang gleeing pui hawt vung viang baoh an khawmuik, pa ot ka plak khawn dawm mai pa ot ka plak khawn gwiex heue. Veng Yerusaliem tak sang mawh pa ot dee ot tix ka dah dee prim pa mawh veng Yerusaliem heue.

ZAKHARIX 13:1

“Ka daux singaix an, dee lih rawm tix dah, tak sang mawh pa hoik paoh tix ka son nyiex ma simiang Davit mai son can pui pa ot ka daux veng Yerusaliem khankix mai son phimap mai son pa seeing brai khankix heue.

ZAKHARIX 14:13

Ka daux singaix an mai krax lawh maw ka krax tong teen pa ting pa kaoh khaing Siyiex tak sang koe ka daux sinax kix mai kix tak ra lai giex taix paox tix mai yaog taix tix ra lai pah ka paox tix heue.

ZAKHARIX 14:6

Ka daux singaix an, tak ang lai koe pa riang mai pa riang khankix tak sang grai heue.

MATHIEX 21:44

Pui pa rau piang simaox in, tak pot mai simaox in phan rau piang pui mawx ang ah, tak kieh nawh phawng awm phawng tiex heue.”

LUKAX 20:18

Pui pa rau ka piang simaox in ku kaux tak max mai simaox in rau ka piang pui mawx ang ah tak kieh nawh prung prang awm phawng tiex heue.”

PLAK JHI 16:14

Grawh grawng nawh kix mawh khwan phicaox khankix, pa yuh mhai pa daox am pa hu ka can simiang haktiex khawmuik, sonsang kraix khrawm kix ti sang yuh naing ka daux singaix pa ting lhaong Siyiex, cao pa ting sibrawm piang khawmuik.