ZAKHARIX 12:2 - Wa Common Language Translation

² “Jhak heue, Aux tak sang kieh veng Yerusaliem mawh kawk nyaux son can pui pa ot hawt vung viang nawh khankix khawmuik ti yoek, yam kham nawh krax pa lai lawm, haktiex Yudax khawm krax pa lai lawm heue.

ZAKHARIX 12:2 Iomraidhean Croise

YAOGYAW 75:8

Ka daux tawm taix Siyiex, koe kawk pa hoik naog rawm plix siiet pa khiien heue. Nawh prauk rawm plix siiet pa hoik klao mai rawm sidah lih heue. Kawn pui piang haktiex pa ang rah ang see khankix khawmuik biiet tix nyaux ka glhaok an heue.

ISAYAX 51:17

Maix pa hoik nyaux kawk krax pa song rhawm khaing ka daux taix Siyiex, pa mawh veng Yerusaliem eue, siduad heue, siduad mai yaog ti kaoh heue maix hoik nyaux kawk nyaux tom uik mai hoik koe krax pa tu tiex tix heue.

YERAMIX 25:15

15 Siyiex, pa mawh Siyiex ceu pui Isarelax ah nin ka aux, “Teei kawk rawm plix siiet krax meet rhawm in khaing daux tawm taix Aux mai kieh ceu pui pa ploi Aux maix hu ka khawmuik nyaux heue.

YERAMIX 25:17

Khaix an aux teei kawk nyaux khaing daux tawm taix Siyiex mai tawx ceu pui khankix nyaux, ka pui pa hoik ploi Siyiex aux hu ka,

YERAMIX 49:12

Mawh kheu Siyiex ah nin, “Jhak heue, pui pa ang keung tix nyaux ka kawk nyaux an mai phan nyaux ka, Mawh Sang khaw maix tix luan khaing pa ciyang lie? Maix tak ang yaox ti luan khaing pa ang ti nyaux, viang mawh nan maix tak yaox ti nyaux tete heue.

YERAMIX 51:57

“Aux tak sang kieh cao kaing cao mai pui koe pingnya cuyi mai cao pa kwang haktiex, khawm simiang ot greem nawh mai pui pa kied ting riang rao nawh khankix yoek heue. Kieh kix nyawm it nyawm tum ang jud ang jai mai ang lai haing, “Simiang pa koe min ceu kaux Siyiex Cao kru naing raoma ah nan heue.

YERAMIX 51:7

Veng Babulon hoik sax mawh kawk khri pa koe ka daux taix Siyiex mai pa hoik kieh haktiex khawm bee ma yoek ka heue. Hoik kieh ceu pui pa nyaux ka rawm plix siiet pa koe daux kawk an khankix yhot ka heue.

YERAMIX 8:14

“Ex lai kawn ot yawg ti yuh ka mawx lie? Deeh khrawm paox tix mai kieh ex laig ka daux veng pa kaux cong an mai kieh ex ot ka daux pa nhim heue. Mawh kheu Siyiex pa mawh Siyiex ex, hoik kieh ex ot ka daux pa yiien yawg mai tawx ex nyaux ghin song, kheu jao hoik lud ex ka Siyiex heue.

HABAKUK 2:16

Maix hoik naog ka krax pa kaig tua, ang koe min plakngai heue. Maix kawx deeh nyaux mai jhi tix awm pui pa ang nyang bax pat hak tix heue. Kawk nyaux plak taix khawn dawm Siyiex, tak sang mawh pa deeh hoek ka maix mai min plakngai maix tak deeh tieh ti mawh krax kaig tua pa kied ting heue.

ZAKHARIX 14:14

Ceu pui Yudax khankix pa ot ka veng Yerusaliem tak sang puing naing heue. Krax mag mi ceu pui pa ot hawt vung viang baoh an khankix, tak sang mawh pa kraix khrawm tix tau, pa mawh khri, mau mai kraung khrai pa shiao khankix ka daux krax pa kied haoh hun heue.

ZAKHARIX 14:2

Grawh grawng nawh, aux tak sang kraix khrawm ceu pui khankix khawmuik hoek ti puing naing ka veng Yerusaliem, veng tak sang mawh pa pon teei tix, nyiex khankix hoik tud rhim tix mai bun khankix hoik kham krax pa phit vao, pui veng tix plak tak sang yaox ti kham krax pa giex tix hu heue. Pui pa kawn deuk khankix, tak ang lai tat tix khaing daux veng heue.

PLAK JHI 14:10

nawh tak yaox ti nyaux ka khawm rawm plix siiet ceu pa song rhawm song rhi Siyiex, pa ang klao tidtix ka daux kawk pa song rhawm song rhi Nawh Cao heue. Tak sang yuh tix kieh nawh kha rhawm ka ngu mai mhat, ka sivoe kawncau Siyiex pa singax singeh khankix mai ka sivoe kawn Yung an heue.

PLAK JHI 16:19

Gwieh ka veng ting an mawh loe pak, mai veng cie ceu pui khankix grhup heue. Doh keud ka veng Babulon pa ting ka plak sivoe Simiang Siyiex sonsang tawx kawk rawm plix siiet pa song rhawm song rhi Nawh Cao ka veng an, pa kied lang teung nu heue.

PLAK JHI 18:6

Deeh viied ka nawh awm pa hoik tawx nawh mai deeh tawx ka nawh ra son, ka son ceu pa hoik yuh nawh heue. Ka daux kawk pa hoik klao nawh, klao ka son nawh ra son heue.