ZAKHARIX 12:12 - Wa Common Language Translation

¹² “Haktiex tak sang koe krax yiiem doe nyiex mawx nyiex an ka dee ot tix mai pui daux nyiex ma simiang Davit khankix, simex ot nong tidah mai bun ot nong tidah heue. Pui daux nyiex ma Natan khankix simex ot nong tidah mai bun ot nong tidah heue.

ZAKHARIX 12:12 Iomraidhean Croise

2 SAMOELAX 12:1

Khaix an Simiang Siyiex ploi cao jhai Natan hu ah nin ka Davit, “Ka daux veng tix veng koe pui ra kaux, tix kaux mawh pui magmi mai an tix kaux mawh pui hot shia.

2 SAMOELAX 5:14

Inkix mawh ceu kaux kawn pa hoik keh son nawh ka daux veng Yerusaliem, mawh Shammua, Shobap, Natan, Sawlamon,

LIH HU 12:30

Mawh kheu nan, Pharaw mai kawncau nawh khankix mai pui Ejiptux khankix hoik kaoh daux greung sawm, krax riag yo ti yiiem sigrien sigre koe daux meung Ejiptux. Grawh grawng nawh, nyiex ma pui ku nyiex pa ang koe pui pa yum tix kaux kawx ang lai koe heue.

YERAMIX 13:18

Ah nin ka simiang mai ka laux simiang, “Yeen rhawm tokaux tix tiem mai ngawm heue, mawh kheu mhok khri min plakngai pa mhawm grang maix hoik bheeik khaing kaing maix heue.”

YERAMIX 3:21

Kix hoik mhong lox yiiem grai khyox khaw kawn praix ceu pui Isarelax khankix khaing dee lhaong heue. Grawh grawng nawh kix hoik lud loe krax hu tix mai kix hoik piawm ka Siyiex, pa mawh Siyiex kix heue.

YERAMIX 31:18

Aux hoik mhong ka lox ngia ceu pui Epharem ka tokaux tix tete, Maix Cao hoik sidiex gau ka aux mai aux hoik yaox ti kham krax sidiex gau, awm mawie pa ang nyang bax pheuk tix heue. Deeh kieh aux hoek awm pa hoik sax mawh ka aux glang ka an liak, mawh kheu Maix Cao mawh Siyiex aux heue.

YERAMIX 4:28

Son grawng in, haktiex tak koe krax pa ngia ka mai raoma tak lung vaik kheu lox pa hoik ah Aux mai rhawm pa hoik keut Aux mai, Aux ang lai deeh chix tieh chix loh rhawm khaing an heue.”

YOLAX 2:16

Kraix khrawm pui hun mai kieh kix tang yuh tix singax heue. Kraix khrawm kuad song khankix, kraix khrawm kawn nyawm mai khawm kawn nyawm pa kawn peux khankix heue. Kieh sinaw pa sang koe moeng lih khaing daux lawg mai kieh bunkrih pa sang koe mex lih khaing daux lawg jawg nawh tix heue.”

ZAKHARIX 12:11

“Ka daux singaix an, krax yiiem doe pa kied ting tak sang koe ka daux veng Yerusaliem, awm krax yiiem doe ka daux veng Hadarimon, pa koe ka daux lung Megido heue.

ZAKHARIX 12:13

“Pui nyiex ma Lewix khankix, simex ot nong tidah mai bun ot nong tidah heue. Pui daux nyiex ma Shimi khankix, simex ot nong tidah mai bun ot nong tidah heue.

ZAKHARIX 7:3

sonsang chawk tix ka cao giex kaing li khankix, pa koe ka daux nyiex bwan Siyiex cao kru naing raoma mai ka cao jhai khankix ah nin. “Mawh kawn sang ot ex ti yiiem ka daux khix num pa hoik luan khankix tom nie lie? Awm krax pa hoik yuh ex daux num pa hoik luan khankix tom nie lie?

MATHIEX 24:30

Yam an, mhai Kawn kawn pui tak lih ka raoma heue. Yam an ceu pui piang haktiex khawmuik tak yiiem mai kix tak sang yaox Kawn kawn pui tak hoek tau mai sibrawm mai min plakngai pa ting piang paiawm raoma heue.

LUKAX 3:31

Pa mawh kawn Mele, pa mawh kawn Menan, pa mawh kawn Matathax, pa mawh kawn Natan, pa mawh kawn Davit.

1 KAWRINTHUX 7:5

Paw vi yuh ti ang cu ti tawx ka paox tix phan ang mawh ka pa hoik caw rhawm khawm ra kaux, ti yuh nan tix vong, sonsang teei bawg yam tix rawg bwan mai baox deeh ot mai paox tix khaix, phan ang mawh nan, ha Satan kox pon nyaw glaw pex, kheu ang pex pon ti priex rhawm tix heue.

PLAK JHI 1:7

Jhak heue, Nawh Cao tak hoek tau mai paiawm khankix mai ngai ku ngai tak sang yaox Nawh, khawm kix pa hoik suat ka Nawh Cao mai ceu pui haktiex khawmuik tak sang yiiem riag yiiem yo kheu Nawh heue. Tak sang mawh nan heue. Amen.