ZAKHARIX 12:10 - Wa Common Language Translation

¹⁰ “Aux tak sang see khuan pa yuh bwanson mai khuan pa yuh pa khyox khaw ka piang nyiex ma simiang Davit mai ka piang pui pa ot ka daux veng Yerusaliem. Khaix an, kix tak sang maong ti jhak ka Aux, pa mawh pui pa hoik blung kix heue. Kix tak koe krax khi rhawm ti yiiem son Nawh Cao, awm khi rhawm pui ti yiiem son kawn simex nawh pa koe tix kaux khaing mai koe krax laux rhawm son Nawh Cao, awm pui pa koe krax laux rhawm son kawn Ai nawh tix kaux heue.

ZAKHARIX 12:10 Iomraidhean Croise

YAM JAH 45:1

Khaix an Yosiep ang lai pon gun gut rhawm tix sivoe pui pa cung hawt nawh khankix mai nawh kok yo ka kix, “Kieh kix ku kaux lih hu khaing aux heue.” Mawh kheu nan pui tang kaux ang lai ot mai nawh tix kaux kawx, yam jhi Yosiep puxaik tix tawng ka tokaux tix heue.

YAM JAH 45:2

Nawh yiiem riag, tom hoik mhong pui Ejiptux, khawm can pui pa ot nyiex haw Pharaw heue.

YAOGYAW 51:12

Caux rhawm deeh tawx akhwang krax gaux rhawm pa dex dawd mai krax taoh Maix ka aux liak, tawx krax gaux rhawm Maix mai teem ka aux liak.

LOX KAB 1:23

Nghiet ka lox pa sidiex gau aux, deeh tieh loh tix, jhak heue, Aux prauk Khwan Aux lih piang pex mai pex tak tawng dee bleeh lox Aux pa raux mox heue.

LOX KAB 4:3

Phan mawh aux, mawh sok rhawm keeing, pa awn pa tiiem sivoe ngai pa kied moh miex tix kaux heue.

ISAYAX 32:15

Tom hoek bawg yam groi khwan singax khaing dee long ka piang ex mai daux tiag tu, dee lih mawh sipeem plix mai sipeem plix an, lih mawh nong khaox.

ISAYAX 45:22

“Pex pa ot ku sidah haktiex eue, deeh hoek ka Aux pex tak pon krax taoh, mawh kheu Aux mawh Siyiex mai ang lai koe siyiex tang kaux.

YERAMIX 31:19

Khaix hoik deeh hoek aux, Aux hoik koe krax pa doh keud tete mai khaix hoik yaox aux tix kham geu pa sivied, Aux tak deeh lah ka ba viang tix heue. Aux hoik kaig tua mai hoik laux min pakngai, kheu jao hoik yaox aux tix kham lox sibriem pui yam awn ju tix heue.

YERAMIX 31:9

Kix tak sang hoek tau mai krax yiiem mai can pui pa khyox khaw rawg bwan khankix, Aux tak sang thong ka kix heue. Aux tak sang kieh kix lawng hawt rawm klawng dee koe rawm, ka daux krax rah tix nyaing, ka dee ang kix lai sideeing caong tix heue. Grawh grawng nawh, Aux mawh keeing ka ceu pui Isarelax mai ceu pui Epharem khankix mawh kawn Ai Aux heue.

YERAMIX 50:4

Siyiex ah nin, ka daux singaix an mai bawg yam an, kawn praix ceu pui Isarelax tak sang hoek bleeh tau mai kawn praix ceu pui Yudax mai kix sawg ka Siyiex, pa mawh Siyiex tix tau mai lox pa yiiem yo tix heue.

YERAMIX 6:26

Kawn bun ceu pui Aux khankix eue, ceep ka chee rhix mai lu lieh tix ka daux nyaox heue. Kieh yiiem awm yiiem ka yum kawn simex tix kaux mai koe pa kied khi rhawm ka heue. Grawh grawng nawh, pui tud rhim tak hoek sijaox ka ex heue.

YEZAKELAX 20:43

Pex tak dee doh keud ka krax hu tix mai ceu pa seeing yuh tix khankix mai pex tak koeng ka tokaux tix kheu pa seeing tix.

YEZAKELAX 37:14

“Aux tak sang sau khwan tix ka daux pex mai pex tak im ju mai Aux tak kieh pex ot ka daux haktiex cao pex, khaix an, pex tak tawng mawh Aux Siyiex, pa hoik krai mai pa hoik yuh ka an, Siyiex ah nin heue.”

YEZAKELAX 39:29

Siyiex ah nin, mawh kheu hoik rauk Aux khwan lih ka piang nyiex ma ceu pui Isarelax mai Aux tak ang lai veeh pakngai khaing kix tix bawg kawx heue.

AMOT 8:10

Aux tak deeh tieh pawie pa yuh pex mawh krax khi glawh mai tieh lox lai rhax pex khawmuik mawh lox pa yiiem doe heue. Aux tak sang kieh pui ku kaux rawd nyoi tix ka man chee rhix mai kieh pui ku kaux khlao ka kaing tix pak, Aux tak kieh krax pa khi rhawm in awm pa yum kawn simex pa koe tix kaux khaing mai dee sidah nawh tak awm singaix krax pa kied kin kha rhawm heue.”

ZAKHARIX 13:9

Aux tak sang kieh loe son tix son in cheu ka daux ngu mai tak sang thi kix awm thi lon mau mai cheuk ti yaox kix awm hoik cheuk ka khri heue. Kix tak kok yo ka ceu kaux Aux, Aux tak sang deeh pawk lox kix heue. Aux tak sang ah nin, “In mawh pui Aux! “Mai kix tak sang ah nin, “Siyiex mawh Siyiex ex heue.

SIMIN 21:9

Mawh kheu nan Mose yuh riang siuing tawng tix mu mai deuh ka piang khaox tix gawng, phan siuing tut ka pui tix kaux kaux, yam maong nawh ti jhak ka riang siuing tawng an nawh tak im heue.

MATHIEX 24:30

Yam an, mhai Kawn kawn pui tak lih ka raoma heue. Yam an ceu pui piang haktiex khawmuik tak yiiem mai kix tak sang yaox Kawn kawn pui tak hoek tau mai sibrawm mai min plakngai pa ting piang paiawm raoma heue.

MATHIEX 26:75

Petrux doh keud ka lox pa hoik krai Yesux ah nin, “Ka ang ia nyang ux maix tak thiang ti tik ka Aux loe bawg heue.” Nawh lih hu mai nied ti yiiem heue.

YOHAN 1:29

Singaix pasax Yohan yaox Yesux hoek ka nawh ah nin, “Jhak ka Kawn Yung Siyiex pa teei phimap haktiex hu heue.

KAWNCAU 10:45

Kix pa dex dawd mai been pa pat hak, pa hoik yum rhawm mai pa hoek tau mai Petrux khankix daox deng kah, mawh kheu piang pui tang ceu kawx, totaix Khuan Singax hoik prauk lih heue.

KAWNCAU 11:15

Yam jah aux ti sidiex, Khuan Singax Singeh lih piang kix, awm hoik lih piang ex yam jah heue.

KAWNCAU 2:17

Siyiex ah, ka daux bawg yam ngaix sidah khankix, Aux tak kieh Khuan Aux lih piang pui khawmuik heue. Kawn simex kawn bun pex tak sang krai lox jhai mai pui pa awn ju pex, tak sang yaox riang susai mai pui kuad song pex tak sang camaox ti yaox heue.

KAWNCAU 2:33

Mawh kheu hoik yaog Nawh mai kheu ot Nawh plak taix khawn dawm Siyiex mai kheu hoik pon awm lox mukheu pa hoik tawx Keeing Cao grawng Khuan Singax Singeh, pa hoik kieh Nawh ceu in lih, pa yaox pa mhong pex kah heue.

KAWNCAU 2:37

Yam mhong kix lox an, dung ka rhawm kix mai kix chawk ah nin ka Petrux mai kawncau pa ting tang kaux khankix, “Puxaik khankix eue, ex tak sang yuh ka mawx?”

ROMAX 8:15

Pex hoik pon rhawm siliex pa deeh kieh chix lhat graung, ang mawh, viang mawh nan pex hoik pon rhawm, pa sang sawn kieh mawh kawn lih, mawh kheu nan ex tom kok, Abax, Keeing eue.

ROMAX 8:26

Awm an, Khuan Cao teem ex, ka daux pa iak riang rao ex heue. Ex ang tawng grawng khaw ti rawg bwan yuh ka mawx, viang mawh nan, tokaux Khuan Cao khyox khaw son ex ka lox ngia pa ang jheeh chix ah heue.

EFESUX 6:18

ca rawg bwan ku bawg yam, ka krax rawg mhaing khawmuik, ka daux Khuan Cao, pau ti jhak mai viex rhawm cong sijung mai rawg bwan, son pui singax singeh khawmuik,

HEBRIE 12:2

jhak ka Yesux pa mawh cao pa yuh mai cao pa kieh krax yum rhawm ex grum kah, pa een ceu pa kaig pa tua mawh pa ang koe cee mai hoik kham geu ka khaox lhak, kheu krax gaux rhawm pa hoik deuh sivoe Nawh mai hoik ngawm ka plak taix khawn dawm dang ngeung Siyiex heue.

YUDAX 1:20

Viang mawh nan pui pa moh aux khankix eue, pex yuh pex sum tokaux tix ka piang krax yum rhawm pex pa lang teung singax singeh mai rawg bwan ka daux Khuan Singax Singeh heue.

PLAK JHI 1:7

Jhak heue, Nawh Cao tak hoek tau mai paiawm khankix mai ngai ku ngai tak sang yaox Nawh, khawm kix pa hoik suat ka Nawh Cao mai ceu pui haktiex khawmuik tak sang yiiem riag yiiem yo kheu Nawh heue. Tak sang mawh nan heue. Amen.

1 SAMOELAX 7:2

Teug sijax mukheu rheung ot ka Kirayatyarim tixnga num mai nyiex ma pui Isarelax yiiem grai ka Simiang Siyiex,