ZAKHARIX 11:6 - Wa Common Language Translation

⁶ Siyiex ah nin “Khaix in Aux tak ang lai koe krax caux rhawm ka can pui pa ot ka daux haktiex in heue. Aux tak sang ap ti tawx pui ku kaux ka daux tawm taix paox plawg kix mai ka daux tawm taix simiang kix heue. Kix tak sang puing ka haktiex in mai Aux tak ang lai deeh taoh ti teei kix lih khaing daux tawm taix kix heue.

ZAKHARIX 11:6 Iomraidhean Croise

YAOGYAW 50:22

Pui pa pi awm ka Siyiex khankix eue, doh keud ka grawng inkix awx. Phan ang mawh nan, nu ka ang Cao taoh pex koe, Aux tak rud ti tik pex, baux mawx baux an heue.

ISAYAX 27:11

Yam hoik kroh hu kak khaox, kix tak mawh pa raig ti tik, bun tak hoek mai keeig an kix ka ngu, grawh grawng nawh, an mawh ceu pui pa ang koe krax tawng heue. Mawh kheu nan, Nawh Cao pa hoik phan ti deuh kix, tak ang lai koe krax pa caux rhawm ka piang kix mai Nawh Cao hoik yuh kix koe pakpeung, tak ang lai jhi bwanson tix ka piang kix heue.

ISAYAX 3:5

Pui meung khankix tak sang gut yeen paox tix, pui tix kaux mai tix kaux mai paox plawg paox nyawm tak ra lai gut yeen paox tix, kawn nyawm tak ang lai koe krax nab yam ka pui kuad mai pui beuh tak ang lai koe krax nab yam ka pui pa koe min sibrawm khankix heue.

YERAMIX 13:14

Siyiex ah nin, “Aux tak kieh kix ralai sikleeing paox tix, keeing mai kawn khankix tau, Aux tak ang lai caux rhawm mai ang lai lhawk mai ang lai koe krax pa caux rhawm, tom hoik yuh Aux kix laux leeing heue.”

YIIEM DOE 2:21

Pui pa awn ju mai pui pa riex ju khankix nyat tix ka piang tiex ka daux krax khankix heue. Bunkrih mai sinaw aux khankix hoik goh ti yum ka vaig lawm mai Maix Caox hoik pah kix yum ka daux singaix koe krax pa song rhawm Maix Cao heue. Cao hoik pah ti tik kix mai ang lai koe krax caux rhawm ka piang kix heue.

YIIEM DOE 5:8

Siliex khankix kwang ka piang yix mai pui pa sang deeh taoh yix khaing daux tawm taix kix ang lai koe heue.

YEZAKELAX 8:18

Mawh kheu nan, Aux tak sang baox kieh krax pa song rhawm tix lih, ngai Aux ang lai lhawk mai ang lai koe krax caux rhawm, viang kix riag yo lox ting hoek ka daux yhaok Aux kawx, Aux tak ang lai nghiet ka lox kix heue.”

YEZAKELAX 9:10

“Phan mawh ka son Aux, ngai Aux tak ang lai lhawk ka, Aux ang lai koe krax caux rhawm ka heue. Viang mawh kawx nan, Aux deeh viied kaing pa yuh kix hoek ka piang kaing kix heue.”

HOSE 1:6

Gawma baox koe kaux mai keh kawn bun tix kaux mai Siyiex ah nin ka nawh, “Kok ceu kaux kawn bun an mawh Lawruhama heue. Grawh grawng nawh, Aux tak ang lai koe krax caux rhawm ka nyiex ma ceu pui Isarelax mai Aux tak sang tik vud kix heue.

HOSE 2:10

Yam in aux tak sang plak jhi krax pa kraing nawh, ka plak sivoe ngai paox moh nawh khankix mai pui tix kaux kawx, tak ang lai pon taoh ti teei nawh khaing dau taix Aux heue.

MIKHA 5:8

Ceu pui Yakop pa kawn deuk khankix, tak ot ka dau sinax ceu pui tang ceu ka daux sinax pui khankix tom nie, awm sivai sangsi daux sinax totiag ka daux tiag daux nong, awm kawn sivai sangsi iak ka daux sinax cub phung yung khankix mai phan sivai sangsi an tiang ti hu, nawh tak dig mai puk paig ankix phawng mai pui tix kaux kawx ang lai pon ti taoh heue.

MIKHA 6:14

Maix tak ih mai ang sak, krax pa cai rhawm tak sang koe ka daux sigreung maix heue. Maix tak teei ti luan mai ang pon taoh tix mai pa deeh taoh tix khankix, Aux tak sang ap ti tawx ka vaig lawm heue.

HAGIE 2:22

Aux tak sang pluk pliak ti tik dang ngeung meung haktiex khankix mai yuh sibrawm pui tang ceu khankix laux leeing heue. Aux tak sang pluk pliak ti tik ling lawx naing ka daux an khankix mai khawm ka pui pa brug ti hoek ka daux an kix, brung mai pui naing brug brung khankix tak som nai mai pui ku kaux tak sang goh ti yum ka vaid puxaik tix heue.

ZAKHARIX 11:14

Aux hoik baox raig pot ka khaox gix cie aux tang gawng an pa kok mawh maox vien koe ra plak, sonsang yieh Aux laux krax pa mawh tix puxaik ka daux sinax ceu pui Yudax mai ceu pui Isarelax khankix heue.

ZAKHARIX 11:5

pa mawh cao liag khankix pah ka kix mai keud tix mawh pa ang koe phimap, pui khankix pa coh ti cai kix, tak ah nin “Kieh krax pa yaogyaw bwanson koe ka Siyiex, kheu Nawh hoik kieh aux mag mi heue. Cao liang kix ang lai koe krax caux rhawm ka kix heue.

ZAKHARIX 11:9

Khaix an, Aux ah nin Aux tak ang lai liang pex heue. Pa sang yum, kieh grham nawh yum mai pa sang grai kieh grham nawh grai heue. Can pa kawn deuk khankix grham kieh kix ra lai ih nex paox tix heue.

ZAKHARIX 14:13

Ka daux singaix an mai krax lawh maw ka krax tong teen pa ting pa kaoh khaing Siyiex tak sang koe ka daux sinax kix mai kix tak ra lai giex taix paox tix mai yaog taix tix ra lai pah ka paox tix heue.

ZAKHARIX 8:10

Grawh grawng nawh, sivoe singaix inkix, pui ang lai pon ngawh yuh tix kaing mai ngawh vai to brie kawx ang lai pon, mawh kheu jao pui pa lailing khankix kawx ang lai koe krax pa nhim, kheu Aux hoik kieh pui khawmuik ra lai phit paox tix heue.

MALAKHIX 4:6

Nawh tak deeh veeh rhawm rhi keeing hoek ka kawn nyawm khankix mai rhawm rhi kawn nyawm hoek ka keeing. Phan ang yuh nan, Aux tak sang hoek mai tawx krax kham geu haktiex ka krax pa jhax lawg heue.

MATHIEX 10:21

Puxaik tix kaux lai tix kaux tak sang teei ti tawx puxaik tix sonsang pah yum mai keeing kawx tak teei ti tawx kawn tix mai kawn praix khankix kawx tak thiang ka miex keeing tix mai tak pah kix yum heue.

MATHIEX 22:7

Simiang ting an song rhawm kah mai ploi pui naing nawh khankix hu yieh mai yuh pui pa pah khankix laux leeing mai gleeing veng kix heue.

MATHIEX 24:10

Yam an, pui tom nie tak sang goh grhup mai teei ti tawx ka paox tix mai koeng ka paox tix, tix kaux lai tix kaux heue.

YOHAN 19:15

Mawh kheu nan kix tom kok yo ah nin, “Teei ti tik Nawh. Teei ti tik Nawh. Tawk Nawh piang khaox lhak heue.” Pilat baox ah nin ka kix, “Aux tak sang teei ti tawk Simiang pex piang khaox lhak lie?” Cao giex kaing li pa ting khankix pawk lox ah nin, “Lheu khaing simiang Kiesa ex ang lai koe simiang tix kaux kawx heue.”

1 THESALONIX 2:16

Kix kieh raw ka pa sidiex ex ka pui tang ceu sonsang hoek kix krax taoh, sonsang grum naog phimap kix jheung jheung, pa song rhawm songrhi hoik hoek ka piang kix tom grum naog heue.

HEBRIE 2:3

Phan ex dha ti ang kriem ka krax taoh pa ting nie ding nie dod, ex lai chix pon luan khaing krax ciyang yuh ka mawx? Mawh tokaux Simiang pa jah ti krai grawng krax taoh in ka sivoe paox tix mai kix pa hoik mhong khankix hoik kham mhai rug grawng mawh pa mawh meh ka ex,

YAKOP 2:13

Grawh grawng nawh kaw pa ang koe krax caux rhawm, tak ang pon krax caux rhawm yam prawng ca ka nawh. Krax caux rhawm chix pex krax prawng ca heue.