ZAKHARIX 11:4 - Wa Common Language Translation

⁴ Siyiex, pa mawh Siyiex aux ah nin “Liang cub phung yung khankix, son pa sang pah tix yum,

ZAKHARIX 11:4 Iomraidhean Croise

YAOGYAW 44:22

Mawh kheu son Maix, ex yaox ti kham yum jheung jheung mai pui tang kaux deuh ex awm kawn yung pa sang pah heue.

MIKHA 5:4

Nawh tak sang cung kaux cong mai liang ka cub phung yung nawh, ka daux riang rao Siyiex, ka daux min sibrawm kwang ceu kaux Siyiex, pa mawh Siyiex nawh mai kix tak sang ot kaux cong kah heue. Grawh grawng nawh, nawh tak sang mawh pa ting lhaong, tom hoek ka dee sidah sidu haktiex heue.

ZAKHARIX 11:7

Mawh kheu nan, Aux hoik liang cub phung yung khankix, son pa sang pah tix yum, pa mawh cub phung yung pa blon kha rhawm tix heue. Aux hoik teei khaox grix tix ra gawng, tix gawng Aux hoik kok mawh bwanson pa mhawm grang mai an tix gawng Aux hoik kok mawh maox vien krax grum rhawm mai Aux hoik liang cub phung yung khankix heue.

ZAKHARIX 14:5

Pex tak sang to ti luan khaing daux ngawd gawng Aux heue. Grawh grawng nawh, daux ngawd gawng an, tak sang lang tom hoek ka veng Azalax heue. Pex tak sang to awm to pex khaing tuk kla reem ka daux baux singaix Uziyax, pa mawh simiang haktiex Yudax heue. Siyiex aux pa mawh Siyiex leeing ju tak sang hoek mai khawm pui pa singax khankix hoek tau mai Nawh Cao heue.

MATHIEX 15:24

Nawh Cao pawk lox ah nin, “Ploi Aux hoek son yung pa hoik grai pa dex mai geh nyiex Isarelax ngie heue.”

MATHIEX 23:37

“Veng Yerusaliem eue, veng Yerusaliem pa teei cao jhai khankix yum mai dheem pui pa ploi hoek ka maix ka simaox, Aux simie ti khrawm kawn praix maix, awm miex ia khrawm kawn tix greem pruik nawh miex bawg mai maix ang kieh Aux yuh.

YOHAN 20:17

Yesux baox ah nin ka nawh, “Paw vi teeh Aux, kheu ang Aux nyang bax haok hu ka Keeing Cao. Viang mawh kawx nan hu ka puxaik Aux khankix krai kix grawh grawng pa sang haok Aux ka Keeing Aux Keeing pex Siyiex Aux mai Siyiex pex heue.”

ROMAX 15:8

Grawh grawng nawh pa sang ah aux mawh nin, Cao Khrit hoik lih mawh pui cau soi ceu pui pa pat hak, sonsang sidawng pa mawh meh Siyiex, ka daux pa yuh ti kieh mawh, lox mukheu pa hoik tawx ka tax du ex khankix,

EFESUX 1:3

Kieh keeing Siyiex mai Simiang ex Yesux Khrit ting bwanson, pa hoik tawx bwanson pa dex mai khuan ku ceu ka ex ka meung raoma daux Cao Khrit,