ZAKHARIX 11:14 - Wa Common Language Translation

¹⁴ Aux hoik baox raig pot ka khaox gix cie aux tang gawng an pa kok mawh maox vien koe ra plak, sonsang yieh Aux laux krax pa mawh tix puxaik ka daux sinax ceu pui Yudax mai ceu pui Isarelax khankix heue.

ZAKHARIX 11:14 Iomraidhean Croise

ISAYAX 11:13

Krax pa ghoing rhawm ceu pui Epharem khankix tak grai hu mai pui koeng riang ciang khoi ka ceu pui Yudax khankix tak mawh pa teei ti tik heue. Ceu pui Epharem tak ang lai koe krax ghoing rhawm ka ceu pui Yudax mai ceu pui Yudax kawx tak ang yuh krax pa koeng riang ciang khoi ka ceu pui Epharem heue.

ISAYAX 9:21

Ceu pui Manashe tak kiied ti ih ka ceu pui Epharem, mai ceu pui Epharem tak kiied ti ih ka ceu pui Manashe mai kiex khawm ra cub tak mawh pa tieh feen ka ceu pui Yudax heue. Krax pa song rhawm Nawh Cao ang nyang veeh ti hu singai, khawn taix Nawh Cao kawn mawh pa nyeu tix heue.

YEZAKELAX 37:22

Aux tak kieh kix mawh pui tix ceu khaing ka daux haktiex, ka piang gawng pui Isarelax mai simiang tix kaux khaing pa kwang ka piang kix khawmuik, kix tak ang lai mawh ceu pui ra ceu mai meung haktiex ra meung tix bawg kawx heue.

ZAKHARIX 11:6

Siyiex ah nin “Khaix in Aux tak ang lai koe krax caux rhawm ka can pui pa ot ka daux haktiex in heue. Aux tak sang ap ti tawx pui ku kaux ka daux tawm taix paox plawg kix mai ka daux tawm taix simiang kix heue. Kix tak sang puing ka haktiex in mai Aux tak ang lai deeh taoh ti teei kix lih khaing daux tawm taix kix heue.

ZAKHARIX 11:7

Mawh kheu nan, Aux hoik liang cub phung yung khankix, son pa sang pah tix yum, pa mawh cub phung yung pa blon kha rhawm tix heue. Aux hoik teei khaox grix tix ra gawng, tix gawng Aux hoik kok mawh bwanson pa mhawm grang mai an tix gawng Aux hoik kok mawh maox vien krax grum rhawm mai Aux hoik liang cub phung yung khankix heue.

ZAKHARIX 11:9

Khaix an, Aux ah nin Aux tak ang lai liang pex heue. Pa sang yum, kieh grham nawh yum mai pa sang grai kieh grham nawh grai heue. Can pa kawn deuk khankix grham kieh kix ra lai ih nex paox tix heue.

MATHIEX 24:10

Yam an, pui tom nie tak sang goh grhup mai teei ti tawx ka paox tix mai koeng ka paox tix, tix kaux lai tix kaux heue.

MAKUX 3:24

Phan meung tix meung ang khaw paox tix, gwieh paox tix, meung an ang chix kaux cong heue.

KALATIX 5:15

Phan pex kiied mai ih paox tix, rien rhawm tix, son ang pex paklawg kheu paox tix, tix kaux lai tix kaux heue.

YAKOP 3:14

Phan pex koe pa boh rhawm mai pa ang khaw paox tix daux rhawm, paw yaw rangdi ka tokaux tix mai pie lhen ka pa mawh meh.

YAKOP 3:16

Mawh kheu dee koe pa boh rhawm mai pa ang khaw paox tix, koe pa cuci mai pa yuh ceu pa caox caig ku ceu heue.