ZAKHARIX 11:1 - Wa Common Language Translation

¹ Gawng Lebanon eue, paoh daux siviex maix khankix, kieh ngu gleeing khaox piak van maix khankix heue.

ZAKHARIX 11:1 Iomraidhean Croise

YERAMIX 22:23

Pui pa ot piang gawng Lebanon pa yuh mheem piang khaox Arit khankix eue, krax kha rhawm tak sang hoek piang maix awm krax saux ngia yam keh bun kawn tix, tak sang mawh pa koe krax caux rhawm ka maix miex ding lie?”

YEZAKELAX 31:3

Pui Surix mawh num khaox Arit ka daux Lebanon, tau mai kak pa mhawm grang mai pa koe veei ka daux nong tiag khaox mai pa lhaong gaw mai rao nyoig koe ka sinax yeem kak khaox ting an heue.”

HABAKUK 2:17

Krax kin pa hoik yuh maix ka gawng Lebanon tak sang kheem ti deuh maix mai krax laux ju totiag an khankix, pa hoik kieh kix koe krax lhat graung kheu jao nham pui mai krax kin pa yuh ka haktiex mai veng mai can pui pa ot ka daux an khankix heue.

HABAKUK 2:8

Mawh kheu hoik tud rhim maix ka ceu pui khankix tom nie, can pui pa kawn deuk an khawmuik, tak sang deeh tud rhim ka maix, kheu maix jah yuh nham pui khankix mai krax pa lang teung kin yuh maix ka haktiex mai veng mai can pui pa ot ka daux an khawmuik heue.

HAGIE 1:8

Pex haok ka piang gawng mai viex khaox hoek mai sum nyiex bwan, Aux tak khaw rhawm kheu grawng in mai koe min plakngai kah heue. “Siyiex ah nin heue.

ZAKHARIX 10:10

Aux tak sang deeh baox viex kix ing khaing daux meung Ejiptux mai kraix khrawm kix lih khaing haktiex Asurix, Aux tak sang viex kix laig ka daux haktiex Gilat mai haktiex Lebanon, tom ang dee ot dee koe lai kub ka son kix heue.

ZAKHARIX 11:2

Khaox gix khankix eue, koe krax riag yo heue. Grawh grawng nawh, khaox piak van hoik goh mai khaox pa mhawm khankix hoik laux leeing heue. Khaox tiah Bashan khankix eue, koe krax riag yo heue. Grawh grawng nawh, nong raug tiag khaox hoik goh heue.

ZAKHARIX 12:6

“Ka daux singaix an, Aux tak sang kieh cao kwang veng Yudax khankix, awm glah ngu ka daux grux khix mai awm ngu proh ka daux pum nghox heue. Kix tak sang gleeing pui hawt vung viang baoh an khawmuik, pa ot ka plak khawn dawm mai pa ot ka plak khawn gwiex heue. Veng Yerusaliem tak sang mawh pa ot dee ot tix ka dah dee prim pa mawh veng Yerusaliem heue.

PINGNYAP 32:22

Mawh kheu krax pa song rhawm Aux hoik lih rup awm ngu mai an tak gleeing, tom hoek dee pa kied raux meung yum mai an tak gleeing haktiex laux leeing, tau mai plix khaox plix ox pa koe daux haktiex, tom hoek ka caong gawng.