ZAKHARIX 10:9 - Wa Common Language Translation

⁹ “Aux tak sang rhuat kix awm simie ka daux sinax pui tang ceu khankix mai kix tak sang doh keud ka Aux ka daux haktiex dee singai mai kix tak sang im ju tau mai kawn praix kix mai tak deeh ing hoek heue.

ZAKHARIX 10:9 Iomraidhean Croise

NEHAMIX 1:9

viang mawh nan phan pex deeh veeh tix hoek ka Aux mai priex ti hawt gumlox pingnyap Aux mai hawt ti yuh ankix, viang pex hoik mawh pa grheu ti hu dee pa kied singai khaing greem raoma kawx, Aux tak kraix khrawm pex hoek khaing tan mai deeh viex pex hoek ka dee pa hoik laug Aux ti deuh, sonsang kaux cong min ceu kaux Aux heue.

ISATA 8:17

Ka daux baoh haktiex ankix mai khawm veng ku veng ka dee hoek gumlox tawm simiang mai pui Yudax khankix hoik koe krax pa nyawm rhawm mai khawm krax pa gaux rhawm tix mai kix khan kheu ti yuh pawie mai laux lee tix tingaix, khaix an pui haktiex ankix hoik kied nie deeh tieh tix laig ka been pui Yudax kheu jao lhat graung kix ka pui Yudax heue.

ISAYAX 44:21

Ceu pui Yakop eue, doh keud ka inkix, pui Isarelax eue, “Pex mawh siliex Aux, Aux mawh cao phan pex, pex mawh siliex Aux pui Isarelax eue, Aux ang piawm ka pex.

ISAYAX 64:4

Tom yam jah dix, pui ang sax tawng mai yhaok ang sax mhong mai ngai ang sax yaox ka Siyiex tang kaux lheu khaing Maix, pa yuh son pui pa krox jun ka Nawh Cao heue.

ISAYAX 65:23

Kix tak ang yaox ti yuh kaing ka daux krax pa giex going mai tak ang yaox ti keh kawn nyawm ka daux krax pa kha rhawm heue. Grawh grawng nawh, kix tak mawh doeh ru pa hoik nawb Siyiex bwanson ka piang mai doeh kawn praix kix pa ot tau mai kix heue.

ISAYAX 65:9

Aux tak viex doeh ru khankix lih khaing ceu pui Yakop mai khaing ceu pui Yudax, pa mawh cub pa pon sinngao grawng Aux khankix heue. Kix pui pa hoik laug Aux tak sang pon tix cie sinngao an mai siliex Aux tak yaox ti ot tan heue.

YERAMIX 31:27

Siyiex ah nin, “Baux singaix tak sang rhuat Aux simie ceu pui mai simie totiag ka daux haktiex ceu pui Isarelax mai ka daux haktiex ceu pui Yudax tak sang hoek heue.

YERAMIX 51:50

Can pex pa hoik glawd khaing vaig khankix eue, “Hu dee singai paw lai kaog lai cung, doh keud ka Siyiex khaing ka dee singai mai kieh veng Yerusaliem hoek ka daux rhawm pex heue.

YEZAKELAX 6:9

“Khaix an khaing ka daux pex, pui pa pon tix klawd khankix, tak deeh doh keud ka Aux ka daux sinax haktiex kudah, kudee hoik mawh kix pui giex pui laung, kheu jaox grawng hoik tik kix Aux, ka krax pa lud vao rhawm rhi kix, pa hoik lih hu khaing Aux, kheu ngai kix, koe rhawm ti lud vao, hawt khaix riang grang krub kix heue. Kix tak seeing yuh tokaux tix ka pa caox caig, pa hoik lud kix ka tix ka pa seeing brai kix khawmuik heue.”

HOSE 2:23

Aux tak sang rhuat nawh son tokaux Aux piang haktiex in mai aux tak sang koe krax caux rhawm ka nawh, pa ang sax pon krax caux rhawm heue. Aux tak ah nin ka pui an kix, pa ang tie mawh pui Aux maix mawh pui Aux, mai nawh tak ah nin Maix Cao mawh Siyiex aux heue.”

AMOT 9:9

“Grawh grawng nawh Aux tak sang tawx gumlox tix lih mai tak sang grheeng cub nyiex ma ceu pui Isarelax khankix khaing daux sinax ceu pui khankix khawmuik, awm grheeng nghox pa hoik grheeng tix ka daux grheeng mai ang tie cod ka piang tiex tix sok kawx heue.

MIKHA 5:7

Ceu pui Yakop pa kawn deuk khankix, tak ot ka daux sinax pui khankix tom nie, awm rawm ciex pa lih hoek khaing Siyiex, awm rawm lhiex poe ka piang rib, pa ang lo ti pau riang rao pui mai pa ang lo ti krox jun krax teem kawn pui khankix heue.

KAWNCAU 8:1

Sawlux khaw rhawm ka teei kix nawh yum heue. Ka ngaix an, krax tuktiak pa ting lih ti mawh piang ceucao pa koe ka daux veng Yerusaliem mai lheu khaing kawncau pa ting khankix khawmuik prung prang hu ku dah dee ka daux meung Yudax mai meung Samarix heue.

KAWNCAU 8:4

Mawh kheu nan kix pa hoik prung prang ku dah dee, hu sidiex gau gumlox bwan heue.

ROMAX 11:24

Phan hoik kid maix khaing khaox pa koe rhawm khaox Sanlun tiag mai hoik kab maix sau awm pa ang khaw mai been rhawm ka khaox Sanlun pa mhawm, tak sang nie lheu teei inkix pa mawh kak tete mai deeh kab sau ka khaox Sanlun cie tix miex ding.