ZAKHARIX 10:7 - Wa Common Language Translation

⁷ Pui Epharem khankix tak sang mawh pa awm pui pa kied ting riang ting rao mai rhawm rhi kix tak sang koe krax gaux rhawm awm pa hoik sak ka rawm plix siiet heue. Kawn praix kix tak sang yaox ka ankix mai koe krax gaux rhawm ka daux Siyiex heue.

ZAKHARIX 10:7 Iomraidhean Croise

YAM JAH 18:19

“Mawh kheu hoik tawng Aux nawh mai nawh tak sidiex gau ka kawn praix tix mai can pui pa koe daux nyiex ma nawh, khaix in sax heue, kix tak hawt grawng lawng khaix Simiang Siyiex mai yuh pa rahsee mai pa khaw caw heue. Awm gumlox Nawh Cao Nawh tak sang viex ceu inkix hoek ka Abraham heue.”

YAM JAH 43:34

Khaix an Yosiep teei pa khan kheu kix sivoe nawh mai tawx ka kix, viang mawh nan, pa khan kheu nawh son Binyamin hoik nie khaing kix phwan son mai kix ih nyau tau mai nawh ka daux pa gaux rhawm heue.

YAOGYAW 102:28

Maix ot mai kawn praix siliex Maix khankix mai ru kix kawx, tak kaux cong sivoe ngai Maix heue.

YAOGYAW 104:15

Kieh rawm plix siiet koe, pa kieh rhawm kawn pui gaux rhawm, kieh rawm bee pa mhawm koe, blang yuh plakngai pui mai kieh blah koe, pa cong yuh rhawm rhi kawn pui heue.

YAOGYAW 13:5

Viang mawh kawx nan, aux deuh rhawm ka krax pa caux rhawm Maix mai rhawm aux koe krax gaux rhawm gaux rhi ka krax taoh Maix heue.

YAOGYAW 28:7

Siyiex mawh riang rao aux mai pa tiebtie aux, aux deuh rhawm ka Nawh mai Nawh teem ka aux, mawh kheu in, aux tom gaux rhawm gaux rhi mai rhax lai yaogyaw min plakngai Nawh Cao heue.

YAOGYAW 33:21

Mawh kheu ex deuh rhawm ka ceu kaux Nawh pa singax singeh mai rhawm ex tom koe krax gaux rhawm gaux rhi ka daux Siyiex heue.

YAOGYAW 90:16

Kieh kaing pa yuh Maix sidawng ka siliex Maix khankix mai kieh min plakngai Maix sidawng ka kawn praix kix liak.

ISAYAX 25:9

Ka daux singaix an, kix tak sang ah nin jhak heue, in mawh Siyiex ex, pa krox jun ex, Nawh Cao tak sang taoh ex heue. In mawh Siyiex, pa krox jun ex, ex tak sang koe krax gaux rhawm ka daux bwanson krax pa taoh Nawh Cao heue.

ISAYAX 38:19

Pui im ju, pui im ju, nawh yaogyaw ka Maix Cao, awm pa yuh aux ka daux singaix, keeing kieh kawn praix tix tawng ka pa kaux sijax Maix Cao.

ISAYAX 54:13

Kawn praix maix tak mawh pa hoik gau Siyiex mai kawn praix maix tak pon krax nhim pa kied ting lhaong heue.

ISAYAX 66:14

Yam yaox pex ka in, rhawm pex tak koe krax gaux rhawm mai si ang pex tak hwan awm rib pa klai, taix Siyiex tak mawh pa sidawng tawng tix ka siliex Nawh mai khawm krax pa song rhawm Nawh ka pui koeng nawh khankix heue.

YERAMIX 32:39

Khaix an Aux sang tawx rhawm tix mu mai krax tix nyaing sonsang koe krax lhat graung ka Aux leeing ju, sonsang mawh pa mhawm son kix mai ka son kawn praix kix, pa tak sang hoek khaix kix heue.

YEZAKELAX 37:25

Kix tak yaox ti ot ka daux haktiex tawx Aux ka kawncau Aux Yakop, pa mawh dee pa hoik ot keeing kix mai kix tak sang yaox ti ot tau mai kawn praix kix mai khawm kawn saux kawn sex kix leeing ju mai kawncau Aux Davit tak mawh simiang kix leeing ju heue.

YOLAX 2:23

Pui veng Zion khankix eue, kieh pex koe krax nyawm rhawm mai gaux rhawm ka daux Siyiex pa mawh Siyiex pex, kheu Nawh Cao hoik tawx rawm lhiex cao ka pex ka daux krax pa rahsee tix mai Nawh tak sang kieh rawm lhiex lih ka son pex, pa mawh rawm lhiex cao mai rawm lhiex lha awm phao voe heue.

HABAKUK 3:18

viang mawh nan, aux tak sang koe krax gaux rhawm ka daux Siyiex, aux tak sang nyawm rhawm ka daux Siyiex Cao taoh aux heue.

ZEPHANIX 3:14

Kawn Bun Zion eue, ah lai rhax heue. Ceu pui Isarelax khankix eue, Kok yo lox tix heue. Kawn bun veng Yerusaliem eue, koe krax nyawm rhawm mai krax gaux rhawm khawm rhawm rhi tix khawmuik heue.

ZAKHARIX 12:8

“Ka daux singaix an, Siyiex tak sang tieb tie ti priex pui pa ot ka daux veng Yerusaliem khankix mai pui pa iak riang rao daux sinax kix ka daux singaix an, tak sang mawh pa awm Simiang Davit mai nyiex ma Simiang Davit tak sang mawh pa awm Siyiex mai pa awm kawncau Siyiex ka plak sivoe kix heue.

ZAKHARIX 9:15

Siyiex Cao kru naing raoma tak sang tieb tie ti priex kix, kix tak sang kiied ti ih pui koeng kix mai dig lon simaox pa hoik sivuat tix khankix heue. Kix tak sang nyaux mai lawh maw, awm hoik sak nyaux ka rawm plix siiet, kix tak sang naog ka nham awm tawg klong khankix, awm daog khu dee tan heue.

ZAKHARIX 9:17

Ceu pa mhawm kix mawh pa kied ting kied lhaong miex ding, krax pa mhawm grang kix kied ting kied lhaong miex ding, nghox tak sang kieh pui awn ju khankix haok hwan ting lhaong mai rawm plix siiet khraox tak sang kieh bunkrih khankix haok hwan ting lhaong heue.

LUKAX 1:47

mai khuan aux gaux rhawm ka daux Siyiex Cao Taoh aux heue.

YOHAN 16:22

Awm an pex koe pa khi rhawm yam in, viang mawh nan Aux tak sang deeh yaox pex tix bawg rhawm pex tak sang gaux rhawm heue. Krax gaux rhawm pex tix kaux kawx ang pon rud pon teei khaing pex.

KAWNCAU 13:33

Grawng hoik kieh Siyiex lox an naog ka kawn praix ex, ka daux pa hoik kieh Nawh, Yesux deeh kaoh im, awm pa hoik tiiem ti deuh ka daux Lai Yaogyaw simin ting ra, ah nin, Maix mawh Kawn simex Aux, Aux hoik kieh Maix keh ka daux singaix in heue.

KAWNCAU 2:26

Mawh kheu nan rhawm aux gaux kah mai dak aux tom gaux rhawm heue. Lheu khaing an nex aux kawx, tak ot ka daux krax keud pot jun pot heue.

KAWNCAU 2:39

Mawh kheu lox mukheu pa hoik tawx an, mawh son pex mai son kawn praix pex mai pui pa ot dee singai khawmuik. Awm kok Siyiex ex hoek ka Nawh miex ding ang ah, mawh ding heue.”

PHILIPPIX 4:4

Gaux rhawm ka daux Simiang Siyiex jheung jheung, aux baox deeh ah gaux rhawm heue.

1 PETRUX 1:8

Kaw pa ang pex sax yaox mai moh ka heue. Viang pex ang pon yaox Nawh yam in kawx, pex yum rhawm ka Nawh mai kied koe krax gaux rhawm pa ang chix uik krai, pa naog min pakngai,

1 SAMOELAX 2:1

Hanax rawg bwan ah nin, “Aux kied gaux rhawm mai kied ting riang daux Simiang Siyiex, jheeh aux yaw rangdi tix ka pui pa koeng aux, mawh kheu aux gaux rhawm daux pa taoh Maix Cao.