ZAKHARIX 10:2 - Wa Common Language Translation

² Grawh grawng nawh, riang grang Terap khankix, krai lox pa giex going, cao pa sipawk kawx, yaox riang susai pie lhen khankix mai sawg ti krai grawng dee bleeh camaox pa lud loe mai kix tawx krax nyawm rhawm pa giex going heue. Mawh kheu nan, pui khankix hoik vu vie ka daux krax hu tix, awm yung khankix, kix hoek ka daux krax pa kha rhawm kheu ang cao liang lai koe heue.

ZAKHARIX 10:2 Iomraidhean Croise

YAM JAH 31:19

Yam hu rhip Laban hauk yung tix dah, Rakhelax briex ti teei riang krub cie keeing khaing daux nyiex heue.

1 SIMIANG 22:17

Nawh ah nin, “Aux hoik yaox pui Isarelax prung prang ka piang gawng awm yung pa ang koe cao liang heue. “Mai Simiang Siyiex ah nin, pui inkix ang lai koe cao simiang, kieh kix deeh ing ka nyiex tix ka daux pa nhim heue.”

YAWBAX 13:4

Viang mawh nan pex mawh pa khre rien tix ka pie lhen, pex mawh cao sidah pa ang chix tix shiao heue.

YAWBAX 21:34

Maix ang pon tawx krax nyawm rhawm aux ka lox giex going tix khankix mai ka lox pawk pa ang koe bwanson yuh ka mawh lie?”

ISAYAX 41:29

Jhak heue, siyiex an khankix mawh pa giex going, kaing yuh kix kawx ang koe ceu, riang rao raug kix kawx mawh bhaung pa giex going heue.

ISAYAX 44:25

Pa preet mhai rug pui ah lox pie lox lhen mai pa kieh cao sipawk yhot, pa kieh pui koe pingnya deeh plak khaix mai kieh pa tawng kix mawh pa deux pa aw

ISAYAX 44:9

Pui pa yuh ka riang rao khankix, mawh pa giex going, pa khaw caw rhawm kix ang lai koe bwanson, kix kham sakse pa ang ti yaox mai pa ang tix tawng, kix tak pon krax kaig tua.

ISAYAX 46:5

“Pex sang tiag Aux sidu mai pui mawx mai tiag Aux awm pui mawx mai tiag Aux ah awm paox tix.”

YERAMIX 10:8

Viang mawh nan, kix khawmuik mawh pa daox aw mai pa vao pa caox awm totiag heue. Krax gau krax gaux riang rao pa yuh tix ka khaox an mawh pa giex going heue.

YERAMIX 14:13

Khaix an aux ah nin, “Siyiex pa mawh Siyiex eue, jhak heue, cao jhai khankix ah nin ka kix, pex tak ang pon ti yaox krax kha rhawm ka lawm vaig mai ang lai yaox krax sibhawm praix, viang mawh nan, aux tak sang tawx pa nhim pa kriem ka pex ka dee in heue.

YERAMIX 14:22

Mawh koe siyiex riang grang pa krub pui tang ceu tix kaux kaux pa pon kieh lhiex lih lie? Phan ang mawh nan, mawh sang pon tang tawx raoma khankix lhiex lih lie? Siyiex pa mawh Siyiex ex eue, ang mawh Maix Cao pa pon yuh inkix khaing lie? Mawh kheu nan, yix sang krox jun ka Maix Cao, mawh kheu Maix Cao hoik phan ka ceu in khawmuik heue.

YERAMIX 23:17

Kix ah nin ka pui pa nunai ka aux jheung jheung, Siyiex ah nin, “pex tak sang koe krax pa nhim, mai baox ah nin ka pui ku kaux pa tang hoek hu awm alo rhawm cao tix, ceu pa caox tak ang lai hoek piang pex heue.”

YERAMIX 23:32

Siyiex ah nin, jhak heue, Aux tak tieh feen ka cao jhai pa krai lox jhai pie lhen grawng camaox khankix, pa krai pa kieh pui Aux khankix lud loe ka ceu pie lhen kix mai pa tang yaw kix tix heue. Viang mawh nan, aux ang ploi kix mai ang tie tawm lox ka kix heue. Mawh kheu nan, kix krai lox pa ang tie koe bwanson ka ceu pui in khawmuik, Siyiex ah nan heue.

YERAMIX 27:10

Grawh grawng nawh, kix ah lox jhai pie lhen ka pex, sonsang gah pex hu singai khaing haktiex tix mai sonsang grheu pex lih mai tak laux leeing heue.

YERAMIX 27:14

Mawh kheu nan, paw nghiet ka lox krai cao jhai khankix pa krai lox pa pie ah nin, pex tak ang yaox ti yuh kaing jhaw son simiang veng Babulon, mawh kheu kix gruh krai lox jhai pie lhen ka pex heue.

YERAMIX 27:9

Mawh kheu nan, paw nghiet ka cao jhai pex khankix, sara cao pa gruh krai, cao pa chix yaox ka camaox, cao pa sibawk mai cao pa chix simeed, pa chix ploi simiang kix pa ah nin, “Pex ang doh yaox ti yuh kaing jhaw simiang veng Babulon heue.

YERAMIX 28:15

Khaix an cao jhai Yeramix ah nin ka cao jhai Hananix, “Hananix eue, nghiet yam in heue, Siyiex ang tie ploi maix hoek, viang mawh nan maix hoik kieh ceu pui in khankix een rhawm tix ka daux pie kheem heue.

YERAMIX 29:8

Grawh grawng nawh, Siyiex Cao kru naing raoma, pa mawh Siyiex ceu pui Isarelax ah nin, paw doh kieh cao jhai pex mai cao sibawk pa ot ka daux sigreung pex khankix pon pie lhen ka pex mai paw doh nghiet paw yum rhawm ka grawng camaox pex pa kieh pex camaox khankix.

YERAMIX 37:19

Cao jhai pex khankix, pa hoik gruh krai lox jhai ka maix pa ah nin simiang Babulon ang lai hoek tix puing ka pex mai ka haktiex in, ot dee mawx yam in lie?

YERAMIX 50:17

Ceu pui Isarelax awm yung pa hoik prung prang rairuat ku sidah, pa hoik pheet sivai sangsi hu dee singai heue. Simiang Asurix, hoik kiied ti ih nawh phao voe, dee ghoik Nebukhaneza simiang Babulon hoik raig si-ang kix pot heue.”

YERAMIX 51:23

Aux tak shiao maix mai yieh cao liang yung mai phung yung khankix phawng vid, Aux tak shiao maix mai yieh ka pui yuh ma kaung mai iak moi khankix phawng vid, Aux tak shiao maix mai yieh ka cao kaing mai cao kwang haktiex khankix phawng vid heue.

YERAMIX 6:14

Kix hoik pai dee saux kawn bun ceu pui Aux khankix ceeix khaing ah nin, ‘Yam ang lai koe pa nhim, kix ah pa nhim, pa nhim,’

YERAMIX 8:11

Kix hoik pai dee saux kawn bun ceu pui Aux khankix ceeix khaing mai ah nin yam ang lai koe pa nhim, kix ah pa nhim, pa nhim.”

YIIEM DOE 2:14

Cao jhai maix khankix hoik yaox krax plak jhi ceu pie lhen ka son maix, kix ang nyang plak jhi krax pa lud maix, sonsang deeh viex tix pui pa giex laung maix khankix ing heue. Viang mawh nan, kix hoik yaox krax pa plak jhi ka son maix, pa mawh gumlox jhai pie lhen mai pa koe krax lud krax loe khankix heue.

YEZAKELAX 21:21

Mawh kheu simiang Babulon cung ka gah krax ting ra nyaing, sonsang tawx sibawk chawk jai, nawh rang reuh ti yaox ka te ak, nawh chawk ka riang grang Terat mai jhak ti yaox ka tawm totiag.

YEZAKELAX 21:29

riang susai pa yaox pex mawh pa lud mai lox jhai pa krai pex mawh pie lhien, pex mawh pa seeing brai mai mawh pui pa caox caig, bawg yam singaix ghoik pa sang ciyang ka maix hoik hoek mai vaig tak sang hoek ka piang ngawg pui caox heue.

YEZAKELAX 34:5

“Mawh kheu nan, kix hoik prung prang kheu ang cao liang yung lai koe, mai kix lih ti mawh ceu pa ih son totiag, yam hoik prung prang rairuat kix heue.”

YEZAKELAX 34:8

“Siyiex ah nin, awm im ju Aux, kheu jao hoik lih mawh cub yung Aux pa tud rhim mai lih ti mawh priex pa ih totiag kheu ang cao liang yung lai koe, mai ang cao liang yung hawt sawg ka cub yung Aux khankix, viang mawh nan, cao liang yung khankix priex tokaux cao khaing mai ang tawx priex ih cub yung Aux khankix,

HOSE 3:4

Grawh grawng nawh ceu pui Isarelax khankix, tak sang ot nong tix tom nie singaix ang lai koe simiang mai cao kaing mai ang lai koe krax tan pa appong mai rong simaox pa laoh lie mai ang lai koe sibex sikag mai riang grang Terap khankix heue.

MIKHA 2:12

“Yakop eue, Aux tak sang deeh kraix khrawm pex hoek khawmuik tete heue. Aux tak sang kraix khrawm Isarelax pa kawn deuk khankix, Aux tak sang deuh kix ot tau tidah, awm yung ot ka daux kawg yung, awm cub phung yung ka daux sinax biang dee klai rib, lox kix tak sinum siaox kheu kied nie hun pui kix heue.

HABAKUK 2:18

Riang grang pa hoik saik pui ti yuh koe khankix koe bwanson patix? Riang rao pa hoik raug ti mawh cao gau krax pie lhen, cao pa raug ti yuh een, rhawm tix ka riang grang pa ang chix sikah an, koe bwanson patix lie?

ZAKHARIX 11:17

Kieh krax kha rhwm koe ka cao liang yung pa ang koe dee bleeh pa tik ka cub phung yung khankix! vaig lawm tak sang hoek ka piang plawng taix nawh mai ka ngai khawn dawm nawh heue. Plawng taix nawh tak sang fit ti kroh khawmuik mai ngai plak khawn dawm nawh tak sang faik khawmuik heue.

SIMIN 27:17

pui pa sang pon hu laig ka plak sivoe kix mai pui pa pon thung kix lih mai pa pon viex kix laig, sonsang ang pui Simiang Siyiex khankix awm yung pa ang koe cao liang.”

MATHIEX 9:36

Yam yaox Nawh Cao cub pui hun, Nawh koe krax caux rhawm son kix, kheu kix koe krax kha rhawm mai prung prang awm yung pa ang koe cao liang cao kia heue.

MAKUX 6:34

Yam lih Nawh Cao Nawh yaox cub pui hun mai Nawh Cao caux rhawm ka kix, mawh kheu awm kix yung pa ang koe cao liang cao kia mai Nawh Cao sidiex gau ka kix tom nie ceu heue.

PINGNYAP 13:2

mhai rug mai mhai pa daox deng pa krai nawh ka pex khankix mawh pa hoik grum naog kawx, nawh ah nin, kieh ex hawt khaix siyiex tang kaux pa ang pex nyang sax tawng mai yuh kaing jhaw kix.

CAO PRAWNG 18:14

Yam an pui phwan kaux pa hu jiang haktiex Lesha krai ah nin ka puxaik tix, “Ang pex tawng koe sibex dhah mai riang grang Asherax siyiex khawm riang grang Asherax pa saik mai riang grang Asherax pa raug, ka daux nyiex inkix lie? sang caw ti yuh ka mawx keud ti yaox yam in heue.”