ZAKHARIX 10:10 - Wa Common Language Translation

¹⁰ Aux tak sang deeh baox viex kix ing khaing daux meung Ejiptux mai kraix khrawm kix lih khaing haktiex Asurix, Aux tak sang viex kix laig ka daux haktiex Gilat mai haktiex Lebanon, tom ang dee ot dee koe lai kub ka son kix heue.

ZAKHARIX 10:10 Iomraidhean Croise

ISAYAX 60:22

Kawn nyawm iak tix kaux tak pon ti mawh pui tix rheng kaux mai pa iak riang rao tix kaux tak mawh ceu pui pa kied ting riang tix cub heue. Aux pa mawh Siyiex, tak nied ti yuh grawng an ka daux bawg yam nawh heue.

YERAMIX 22:6

Mawh kheu nan, “Siyiex ah nin ka grawng nyiex haw simiang meung Yudax, viang mawh haktiex Gilat mai choek gawng Lebanon ka son Aux kawx; Aux tak sang kieh maix mawh daux tiagtu mai veng pa ang pui lai ot ka heue.

YERAMIX 50:19

Viang mawh nan, Aux tak viex pui Isarelax khankix deeh hoek ka dee ot kix mai kix tak deeh yaox ti ih piang gawng Kharamelax mai gawng Bashan khankix, khwan ju nawh, tak yaox ti sak piang gawng Epharem mai gawng Gilat khankix heue.”

HOSE 11:10

Kix tak hawt ti hu khaix Siyiex heue. Nawh Cao tak graox awm sivai sangsi heue. Yam graox Nawh Cao, kawn praix Nawh khankix tak nied ti lih khaing ka plak glip singaix heue.

HOSE 11:11

Kix tak nied ti hoek, awm sim sai khaing meung Ejiptux, awm sikaux pa hoek khaig haktiex Asurix heue. Aux tak kieh kix ot ka daux nyiex kix heue. Siyiex ah nin heue.

AWBADIX 1:20

Ceu pui Isarelax pa giex laung tix khankix pa ot ka daux haktiex ceu pui Khananix tak sang pon ti cie haktiex tom hoek dee singai ka veng Zariepat heue. Pui pa giex laung khaing daux veng Yerusaliem khankix pa ot ka daux haktiex Siepharat tak sang pon ti cie veng khankix pa koe ka daux haktiex plak seh heue.

MIKHA 7:14

Liang pui Maix ka khaox gix maix, pa mawh cub phung yung sinngao Maix Cao, pa ot nong nong ka daux nong tiag khaox sinax gawng Kharamelax heue. Liang kix ka daux haktiex Bashan mai haktiex Gilat, awm ka daux baux singaix pa prim dix liak.

ZAKHARIX 8:7

“Siyiex cao kru naing raoma ah nin, “Jhak heue, Aux tak sang taoh pui Aux, khaing daux haktiex plak lih singaix mai khaing daux haktiex plak klip singaix,

ZAKHARIX 8:8

Aux tak sang deeh viex kix hoek mai kix tak sang yaox ti ot ka daux sigreung veng Yerusaliem heue. Kix tak sang mawh pui Aux mai Aux tak sang mawh Siyiex kix, ka daux krax pa kaux sijax mai ka daux krax pa rahsee heue.”