ZAKHARIX 10:1 - Wa Common Language Translation

¹ Mhaing rawm lhiex ka Siyiex, ka daux bawg yam lhiex lha heue. Siyiex mawh pa kieh pluk plak praix lih, Nawh Cao tak sang tawx rawm lhiex pa poe ti lih tom nie ka kix, son rib riem pa koe ka daux tong kaung mai ka son pui ku kaux heue.

ZAKHARIX 10:1 Iomraidhean Croise

1 SIMIANG 17:1

Eliyax pui veng Tishabix pa ot meung Gilat ah nin ka Ahap, “Awm im ju Simiang Siyiex, Siyiex pui Isarelax pa krub aux kah, phan ang mawh khaing gumlox Aux, rawm ciex mai rawm lhiex tak ang koe ka daux num in heue.”

YAWBAX 29:23

Kix hoik pau ka aux, awm pau kix lhiex mai kix ang jheeh tix tom vieh, awm pau kix rawm lhiex lha praix heue.

YAOGYAW 104:13

Maix ot ka daux lawg plak piang mai tawx rawm ka gawng lua mai haktiex mai kix hoik nyawm rhawm ka bwanson pa yuh Maix heue.

YAOGYAW 135:7

Nawh Cao kieh bhawm rawm haok ka dee sidah haktiex heue. Nawh Cao yuh pukplak praix pa viex lhiex mai Nawh Cao teei bhaung lih khaing daux teug kraung Nawh heue.

YAOGYAW 65:9

Maix hoek ti jhak ka haktiex mai kieh lhiex lih mai kieh haktiex koe phon mai mhawm heue. Siyiex kieh rawm klawng naog mai cox haktiex mai chix kieh plix nghox plix koi lih koe plix son kawn pui heue.

YAOGYAW 72:6

Nawh Cao tak sang lih hoek awm lhiex, pa lih piang rib pa hoik vawg mai awm lhiex pa kieh haktiex caux heue.

LOX KAB 16:15

Kheu mhawm pakngai simiang, pon ju pa nyawm rhawm heue. Bwanson nawh kawx, awm rawm lhiex lha heue.

ISAYAX 30:23

Nawh Cao tak tawx lhiex son simie nghox pa rhuat maix piang tiex mai tawx plix nghox pa pon khaing tiex mai nghox koi tak plix mhawm mhawm, singaix an to brie maix tak sawm ka dah dee siva haoh rib.

ISAYAX 44:3

Mawh kheu Aux tak hieh rawm ka piang pui pa simie ti nyaux rawm mai kieh rawm lan ka piang tiex kroh, Aux tak lhaok khwan tix ka piang doeh ru maix mai lhaok bwanson tix ka piang kawn saux kawn sex maix.

ISAYAX 5:6

Aux tak deuh nawh mawh daux tiagtu; tak ang lai paog lai kaong, viang mawh nan, pang yeem mai pang kat khankix tak deeh kuah daux an heue. Aux tak baox deeh tawx gumlox ka paiawm khankix, sonsang ang kix lai ploi rawm lih ka piang an heue.

YERAMIX 10:13

Yam ploi Nawh Cao lox tix lih, rawm pa kied haoh hun lih ti koe ka daux raoma, Nawh kieh rawm simawg khankix lih tah tom sidah sidu haktiex heue. Nawh Cao phan pluk plak praix koe son rawm lhiex heue, Nawh Cao viex bhaung lih khaing daux nyiex krao sinngao Nawh khankix heue.

YERAMIX 14:22

Mawh koe siyiex riang grang pa krub pui tang ceu tix kaux kaux pa pon kieh lhiex lih lie? Phan ang mawh nan, mawh sang pon tang tawx raoma khankix lhiex lih lie? Siyiex pa mawh Siyiex ex eue, ang mawh Maix Cao pa pon yuh inkix khaing lie? Mawh kheu nan, yix sang krox jun ka Maix Cao, mawh kheu Maix Cao hoik phan ka ceu in khawmuik heue.

YERAMIX 5:24

Kix ang sax ah nin ka daux rhawm tix, “Kieh ex lhat graung ka Siyiex pa mawh Siyiex ex, pa tawx rawm lhiex cao mai rawm lhiex lha tau mai bawg yam praix klawng heue. Nawh Cao pon ti deuh bawg yam vang twah vawg nghox khankix son ex heue.”

YERAMIX 51:16

Yam ploi Nawh Cao lox tix, lox sinum rawm lhiex khankix lih ti koe ka daux raoma, Nawh Cao yuh bhawm rawm haok ka dee sidah haktiex heue. Nawh Cao yuh puk plak praix pa viex lhiex mai Nawh Cao teei bhaung lih khaing daux teug kraung khrai Nawh heue.

YEZAKELAX 34:26

“Aux tak kieh kix ot rawb rim gawng Aux mai pon bwanson pa nawb Aux, mai tak kieh lhiex lih ka daux bawg yam kix mai lhiex bwanson tak sang lih tan heue.”

YEZAKELAX 36:37

“Siyiex ah nin, Aux tak kieh nyiex ma ceu pui Isarelax chawk cheng sonsang yuh ceu pa sang yuh son kix, sonsang haoh hun kix awm phung yung khankix,

HOSE 10:12

Ruat simie pa rahsee ka son tokaux pex, vawg ka daux krax pa caux rhawm, thai ma dee pa ang pex sax yuh, mawh kheu bawg yam in mawh bawg yam sawg ka Siyiex, krox tom bawg yam hoek Nawh Cao mai yam kieh Nawh rawm lhiex pa rahsee khankix lih piang pex heue.

HOSE 6:3

Kieh ex tawng kieh ex hawt sawg ti tawng ka Siyiex heue. Yam lih bleeh Nawh, mawh pa hoik blang awm plak ponngawb, Nawh Cao tak sang bleeh ti hoek ka ex awm rawm lhiex cao mai awm rawm lhiex lha mai caux piang tiex heue.

AMOT 4:7

Aux tak sang tieb tie rawm lhiex khaing pex, yam kawn koe loe khix sivoe ang bawg yam vawg nghox nyang hoek heue. Aux hoik kieh rawm lhiex lih ka piang veng tix veng mai Aux hoik tieb tie rawm lhiex khaing veng an tang veng haktiex an tix dah, mawh pa pon lih rawm lhiex ka piang mai ka haktiex an tang dah mawh pa ang lhiex lih mai ka piang an mawh pa kroh heue.

MIKHA 5:7

Ceu pui Yakop pa kawn deuk khankix, tak ot ka daux sinax pui khankix tom nie, awm rawm ciex pa lih hoek khaing Siyiex, awm rawm lhiex poe ka piang rib, pa ang lo ti pau riang rao pui mai pa ang lo ti krox jun krax teem kawn pui khankix heue.

YOHAN 16:23

Ka daux singaix an pex tak ang chawk Aux ka lox tix ceu kawx. Aux krai lox tete ka pex, pex rawg ceu patix ang ah ka daux ceu kaux Aux ka Keeing Cao, Nawh tak tawx ka pex heue.

1 KAWRINTHUX 3:6

Aux mawh cao pa sum, Apawlux mawh cao pa see rawm, viang mawh nan Siyiex mawh cao pa kieh haok huan heue.

PINGNYAP 28:23

Mai raoma piang kaing maix, tak lih ti mawh tawng lheung mai tiex ka greem caong maix tak lih ti mawh rhiem,

YAKOP 5:7

Mawh kheu in puxaik khankix eue, gun yeung tom deeh hoek Simiang heue. Jhak ka pui yuh ma kaung pa krox jun son plix haktiex pa ngawh, pa chix gun yeung son plix an, tom hoik pon rawm lhiex cao mai lhiex lha heue.