ZAKHARIX 1:9 - Wa Common Language Translation

⁹ Yam an aux chawk ah nin “Siyiex aux eue, inkix mawh patix lie? “Mawh kheu nan, kawncau Siyiex, pa hoik sikah tau mai aux, krai ah nin ka aux, “Aux tak sang jhi maix yaox ka mawh ceu inkix patix heue.

ZAKHARIX 1:9 Iomraidhean Croise

YAM JAH 31:11

Khaix an kawncau Siyiex ah nin ka aux daux camaox, Yakop eue mai aux deeh pawk ah nin, aux ot tin heue.

DANYELAX 7:16

“Aux hoek dex ka pui ankix tix kaux pa hoik cung ti ot hawt baoh an mai mhaing ti yaox krax pa mawh meh in khawmuik ka nawh heue. Mawh kheu nan, nawh hoik krai grawng ankix ka aux mai hoik kieh aux tawng ka dee bleeh grawng ceu inkix,

ZAKHARIX 1:13

Siyiex hoik deeh pawk lox ka kawncau Siyiex an, pa hoik sikah tau mai aux, ka gumlox pa mhawm mai pa koe krax pa nyhawm rhawm heue.

ZAKHARIX 1:19

Aux chawk ka kawncau Siyiex pa hoik sikah tau mai aux “Mawh inkix patix lie? “Nawh deeh pawk ka aux ah nin “Inkix mawh rung pa hoik prung prang ti tik haktiex Yudax, haktiex Isarelax mai veng Yerusaliem khankix heue.

ZAKHARIX 2:3

Yam lih hu kawncau Siyiex pa hoik sikah tau mai aux an mai kawncau Siyiex tang kaux hoik lih hoek ti rieb ka nawh,

ZAKHARIX 4:1

Kawncau Siyiex pa hoik sikah tau mai aux hoek so aux kaoh, awm pui pa hoik siduad ti kaoh khaing it tix heue.

ZAKHARIX 4:11

Aux baox chawk ah nin, Mawh khaox sanlun ra gaw pa koe ka plak dawm plak gwiex pang jawk ten an ceu patix lie?”

ZAKHARIX 5:5

Kawncau Siyiex, pa hoik sikah tau mai aux, lih hoek mai ah nin ka aux, “Yaog ngai maix jhak mawh ceu patix pa lih hoek lie?