ZAKHARIX 1:8 - Wa Common Language Translation

⁸ Ka daux plak ponsawm aux jhak mai yaox pui tix kaux pa brug brung raoh hoek mai cung ka daux sinax pang khaox kui daux ngawd tan mai ka plak khaix nawh koe brung pa raoh, pa pau mai pa paing khankix heue.

ZAKHARIX 1:8 Iomraidhean Croise

YAM JAH 20:3

Viang mawh nan, Siyiex hoek ka Abimaliet daux camaox ponsawm ah nin ka nawh, “Maix mawh pui pa yum tix kaux tete heue. Grawh grawng nawh, bun pa hoik teei maix an, mawh moeng pui tix kaux heue.”

YAM JAH 46:2

Siyiex sikah tau mai Isarelax, ka daux riang susai ponsawm ah nin, “Yakop, Yakop!” nawh ah nin, “Aux ot tin”

1 SIMIANG 3:5

Simiang Siyiex lih bleeh ka Sawlamon daux veng Gibun, ka daux camaox ponsawm ah nin, “Simie maix Aux tawx ceu patix ka maix leh.”

NEHAMIX 8:15

Kix krai pao jah ka veng Yerusaliem mai veng kudah dee ah nin, “Lih hu piang gawng lua mai teei ti viex lhax khaox Sanlun, kak khaox gix, kak khaox grix kak khaox jhie yaong mai kak khaox pa nie lhax khankix, sonsang yuh nyiex gox, awm pa hoik tiiem ti deuh heue.”

YAWBAX 4:13

Ka daux krax keud ce khaing susai ponsawm yam hoik laig it laig tom pui,

SAWLAMUN 2:16

Paox moh dud aux, mawh cie aux mai aux mawh cie nawh heue. Nawh liang cub yung tix ka daux sinax pruh tai siyak heue.

SAWLAMUN 6:2

Paox moh dud aux hoik lih hu ka daux sipeem cao nawh, ka dee koe tiag khaox pa sioe bhawng khankix, sonsang liang nawh cub phung yung tix ka daux sipeem mai sonsang khrawm ti tai siyak heue.

ISAYAX 41:19

Ka daux tiag Aux tak sum khaox Arit mai khaox Akashax, khaox Muratu, khaox Sanlun, ka daux tiag mhaik Aux tak priex khaox gix, khaox Taderax mai khaox Tashurax tau,

ISAYAX 55:13

Dee koe pang kat lawm khankix, khaox gix tak kwah, dee koe pang kat heeit khaox Muratu tak deeh kwah ti ot, an tak mawh son dee pa doh keud ka ceu kaux Siyiex mai son mhai rug leeing ju, pa tak ang lai mawh pa tat ti tik heue.”

ISAYAX 57:15

Grawh grawng nawh, cao dee lhaong mai cao pa kied lhaong, pa koe leeing ju, pa ceu kaux mawh pa singax singeh, ah nin, “Aux ot ka dah dee lhaong mai dee pa singax, ot tau mai pui pa koe krax pa kied laux rhawm mai pa koe rhawm awn rhawm tiiem, sonsang kieh khwan pa koe krax pa awn rhawm khankix deeh im ju mai sonsang kieh rhawm pui pa laux rhawm khankix deeh im ju heue.

DANYELAX 2:19

Grawng pa raux mox in, hoik plak jhi kieh Danyelax yaox riang susai ka daux pon sawm heue. Mawh kheu nan, Danyelax hoik yaogyaw bwanson ka Siyiex piang raoma heue.

DANYELAX 7:13

“Ka daux riang susai ponsawm, aux jhak mai hoik yaox ka pui tix kaux pa awm kawn kawn pui mai brug paiawm raoma lih hoek mai viex Nawh hoek dee dex ka plak sivoe ngai pui riex ju an heue.

DANYELAX 7:2

Danyelax krai ah nin, “Aux yaox riang susai ka daux pon sawm mai yaox ka kaoh sijaox bhaung pon plak ka raoma, phlu piang rawm sigrit sigra ting heue.

ZAKHARIX 1:10

Pui pa hoik cung ka sinax khaox kui an, hoik deeh pawk lox ah nin “Inkix mawh pa hoik ploi Siyiex lai ling ti hu jee hu blaong ka piang haktiex heue.”

ZAKHARIX 1:11

Kix deeh pawk lox kawncau Siyiex, pa hoik cung ka sinax khaox Muratu, ah nin “Yix hoik lai ling ti hu jee hu blaong ka piang haktiex mai jhak heue, Haktiex laux lee tix ot yiien yawg khawmuik heue.”

ZAKHARIX 1:7

Ka daux num kwang simiang Darix ra num tix num, khix kao tix pa mawh Khishebat tixnga pon ngaix, gumlox Siyiex hoik hoek ka cao jhai Zakharix, pa mawh kawn simex Berekhix, kawn simex Idaw,

ZAKHARIX 13:7

Siyiex cao kru naing raoma ah nin, “Vaid eue, siduad ti kaoh puing ka cao liang yung Aux mai ka paox pie Aux heue. Tawk cao liang yung yum mai yung khankix tak sang prung prang heue. Khaix an Aux tak sang baox deeh veeh taix tix ka piang kawn yung iak khankix heue.

SIMIN 12:6

Nawh Cao ah nin, “Nghiet ka lox Aux, phan cao jhai koe ka daux sinax pex, Aux Simiang Siyiex tak plak jhi tokaux tix ka nawh ka daux riang susai, Aux tak sikah mai nawh ka daux camaox.

YAWSUX 5:13

Khaix hoik ceu an khankix, yam ot Yawsux hawt veng Yerikho, nawh yaog ngai cao tix mai jhak simi ti yaox heue. Jhak heue, Pui tix kaux jung ka plak sivoe see nawh, tau mai vaig lawm pa lawd tix ka daux taix nawh heue. Yawsux hu ka nawh ah nin, “Mawh maix pa ot plak yix, phan ang mawh nan, pa ot plak pui koeng yix khankix lie?”

PLAK JHI 2:1

“Tiiem ka kawncau Siyiex ceucao pa koe ka daux veng Efesux yuh nin, ceu in khankix mawh pa ah kaw pa giex simuing aliah mu ka daux taix khawn dawm Nawh mai pa hu lailing ka sigreung jawk ten khri aliah mu.

PLAK JHI 6:2

Aux jhak mai yaox brung paing tix mu mai kaw pa ngawm ka piang brung an giex ak poh tix mu mai teei ti tawx mhok khri ka nawh mai nawh pex mai lih hu ti pex heue.

PLAK JHI 6:4

Brung tang mu tix mu, pa mawh brung raoh lih hu mai ka kaw pa ngawm ka piang brung an hoik tawx ti kieh nawh teei krax nhim khaing haktiex, yuh ka mawx sonsang pah pui yum ka paox tix mai teei ti tawx vaig ting tix kre ka nawh heue.