ZAKHARIX 1:6 - Wa Common Language Translation

⁶ Viang mawh nan, gumlox beenli pa deuh Aux khankix, ka pa hoik tawm Aux ti deuh ka kawncau Aux pa mawh cao jhai khankix, mawh ang hoek ka keeing pex lie? “Kix hoik deeh ing hoek mai ah nin awm hoik tat Siyiex cao kru naing raoma rhawm rhi tix ti sang yuh ka piang ex, awm koe krax grawng pa yuh ex mai awm koe kaing pa yuh ex, mawh kheu nan, Nawh Cao hoik yuh ka ex heue.”

ZAKHARIX 1:6 Iomraidhean Croise

2 SIMIANG 15:12

In mawh gumlox Siyiex, pa hoik krai Nawh Cao ka Yehu ah nin, “Kawn simex maix khankix tak yaox ti ngawm ka piang dang ngeung pui Isarelax tom hoek pon ju heue.”

YAWBAX 6:29

Yam in deeh keud ti yaox mhawm mhawm, paw yuh pa ang rahsee, yam in baox deeh keud ti yaox mhawm mhawm aux kawn cung sijung ka daux pa rahsee heue.

ISAYAX 21:17

mai pui naing ak pa kawn deuk an mai pui pa kied ting riang ting rao ceu pui Keda khankix tak mawh pa tux hu heue. Grawh grawng nawh, Siyiex ceu pui Isarelax hoik ah ti deuh yuh nan heue.

ISAYAX 44:26

Pui kham ka gumlox siliex Nawh Cao mai yuh awm pa gau awm kawncau Nawh Cao, cao pa ah nin ka Yerusaliem maix tak mawh dee pa ot pui kah, pa ah nin ka veng meung Yudax, pex tak sum kah, Aux tak deeh yaog ka can pa hoik laux leeing.

ISAYAX 55:1

Can pui pa sang nyaux nie rawm khankix eue, Hoek ka dee koe rawm. Pex pa ang koe mau khankix eue, hoek liag maix ih nyaux heue. Mawh heue, hoek liag rawm plix siiet mai rawm teeih ka daux pa ang tix viex mau mai ka pa ang tix tawx ngawh heue.

ISAYAX 55:11

awm an gumlox Aux tak mawh pa lih khaing daux jheeh Aux heue. An tak ang lai deeh ing ka Aux ka daux krax pa giex going, viang mawh nan, tak grum naog yuh ceu pa khaw rhawm Aux mai an tak koe krax haok hwan ka daux ceu pa hoik ploi Aux an hu heue.

YERAMIX 23:20

Krax song rhawm Siyiex lai veet tix plak khaix, tom hoek bawg yam ang Nawh nyang bax ciyang awm pa hoik keud Nawh Cao daux rhawm tix heue. Ka daux singaix khaix khankix, pex tak sang tawng ka grawng an heue.

YERAMIX 26:15

Viang mawh nan, priex tix tawng tom kriem, phan pex hoik pah aux yum, pex tak kieh nham pui pa ang koe map grham hoek piang tokaux cao tix tete mai ka veng in khawm pui pa ot ka daux veng khankix, mawh kheu Siyiex hoik ploi Aux hoek ka pex tete mai krai gumlox in kix khawmuik sonsang mhong pex nawh ka yhaok tix heue.

YERAMIX 28:17

Mawh kheu nan, cao jhai Hananix hoik yum daux num an ka daux khix aliah heue.

YERAMIX 32:24

Jhak ti yaox ka tab pau dee lhaong rawb rim guh veng khankix, kix hoik hoek sonsang rhim ka veng mai hoik ap veng an sonsang hoek krax kha rhawm ka lawm vaig mai sibhawm praix mai ka jhawm saux preng, ka ceu pui Khaladie pa sang puing ka kix heue. Maix Cao hoik yaox grum naog awm gumlox pa krai tix heue.

YERAMIX 36:28

“Baox teei bua lai tang mu mai tiiem ka daux an, awm gumlox pa hoik koe ka daux bua lai phao ka khawmuik, pa hoik gleeing Yehoyakim simiang Yudax heue.

YERAMIX 39:16

“Hu krai ka Ebedameliet pui Ethiopia, ah nin, Siyiex Cao kru naing raoma, pa mawh Siyiex ceu pui Isarelax ah nin, jhak heue, Aux tak sang viex gumlox ceu pa caox grum naog piang veng in mai ang mawh lox koe bwanson mai pa mhawm mai an tak sang mawh pa grum naog ka plak sivoe ngai maix ka daux singaix an heue.

YERAMIX 4:4

Pex pa mawh pui haktiex meung Yudax mai pui ot ka daux veng Yerusaliem khankix eue, pat doeh hak cao maix son Siyiex mai pat ti tik toeh hak rhawm pex heue. Phan ang yuh nan, krax pa song rhawm Aux tak lih hoek awm ngu mai gleeing tom ang pui tix kaux kawx pon preet ka, mawh kheu ceu pa caox caig yuh pex khankix heue.”

YERAMIX 44:2

“Siyiex Cao kru naing raoma, pa mawh Siyiex ceu pui Isarelax ah nin, pex hoik yaox ka krax kha rhawm pa viex Aux hoek piang veng Yerusaliem mai piang meung Yudax khankix, mai jhak heue, daux singaix baoh dee in hoik yiien yawg mai ang lai koe pui pa ot ka tix kaux kawx,

YERAMIX 44:28

Viang mawh nan, pui pa glawd khaing lawm vaig pa deeh ing khaing meung Ejiptux mai hoek ka haktiex meung Yudax mawh pa tux, pui lih hu ka meung Ejiptux, sonsang bang tan, tak tawng ka gumlox pa kaux cong mawh gumlox Aux pa kaux cong lie? Phan ang mawh nan, gumlox kix lie?

YERAMIX 44:29

Siyiex ah nin, in tak sang mawh mhai rug ka son pex mai Aux tak sang ciyang ka pex, ka dee in sonsang tawng pex kaux cong gumlox Aux tete yam hoek krax kha rhawm piang pex heue.

YERAMIX 44:6

Mawh kheu nan, krax meet rhawm meet rhi Aux mai krax song rhawm aux hoik klup lih mai hoik gleeing veng pa koe daux haktiex Yudax mai pa koe piang krax veng Yerusaliem khankix mai an khankix laux leeing mai mawh dee yiien pui awm pa hoik lih ti mawh ka daux in singaix heue.

YERAMIX 5:14

Mawh kheu nan, Siyiex Cao kru naing raoma ah nin, mawh kheu jao sikah kix lox in, jhak heue, Aux tak kieh gumlox sikah Aux khankix awm ngu ka daux jheeh pex mai ceu pui in tak mawh khix mai an tak gleeing ka kix heue.

YIIEM DOE 1:18

Siyiex mawh pa rahsee heue. Grawh grawng nawh, aux hoik lheu ka gumlox pingnyap Nawh heue. Pui khawmuik eue, nghiet heue. Mai jhak ka krax pa kha aux rhawm tix, bunkrih aux mai pui awn ju aux khankix hoik kham ka krax pa giex laung tix hu heue.

YIIEM DOE 2:17

Siyiex hoik yuh ceu pa tat Nawh Cao ti deuh, Nawh Cao hoik grum naog yuh gumlox pa hoik tawm Nawh Cao ti deuh ka daux singaix pa prim dix heue. Nawh Cao hoik yieh ti tik mai ang lai koe krax lhawk ka mai Nawh Cao hoik kieh pui koeng maix koe krax gaux rhawm ka hoik pex tix maix mai hoik yaog ti deuh rung pui koeng maix lhaong heue.

YIIEM DOE 3:42

Ex hoik lud mai hoik tieh feen, Maix Cao ang nyang koe krax pa pluat ploi heue.

YEZAKELAX 20:43

Pex tak dee doh keud ka krax hu tix mai ceu pa seeing yuh tix khankix mai pex tak koeng ka tokaux tix kheu pa seeing tix.

YEZAKELAX 37:11

Nawh Cao ah nin ka aux, “Kawn pui eue, si-ang inkix mawh cub nyiex ma pui Isarelax khankix, jhak heue, kix ah nin, si-ang yix hoik mawh pa kroh mai krax keud pot jun pot yix hoik grai, mai tokaux yix hoik laux leeing heue.”

DANYELAX 4:28

Grawng in khawmuik hoik bleeh ti hoek piang simiang Nebukhaneza heue.

HOSE 5:9

Epharem tak sang mawh pa laux leeing, ka daux singaix pa ne raw heue. Ka daux sinax doeh ceu pui Isarelax khankix Aux tak jhi ceu pa tak sang hoek ti mawh heue.

HOSE 9:15

“Krax pa caox yuh kix khawmuik koe ka daux veng Gilagalax, Aux hoik koeng ka kix tan heue. Mawh kheu krax pa caox kaing yuh kix, Aux grheu kix luan khaing daux nyiex aux, aux tak ang lai mox ka kix khaix in heue. Cub simiang kix mawh pui pa deeh tieh feen khawmuik heue.

AMOT 9:10

Pui pa koe phimap khankix khaing daux pui aux pa ah nin, “Krax kha rhawm tak ang pon krup ka yix mai ang pon ti sipub yix, kix tak yum ka lawm vaid heue.”

ZAKHARIX 1:7

Ka daux num kwang simiang Darix ra num tix num, khix kao tix pa mawh Khishebat tixnga pon ngaix, gumlox Siyiex hoik hoek ka cao jhai Zakharix, pa mawh kawn simex Berekhix, kawn simex Idaw,

MALAKHIX 3:18

Yam an pex tak sang deeh tawng ti gwieh sinax pui pa rahsee mai pui pa caox caig, sinax pui pa yuh kaing krub ka Siyiex mai pui pa ang yuh kaing krub ka Siyiex heue.

SIMIN 23:19

“Siyiex ang mawh kawn pui pa sang pie lhen mai ang mawh kawn pui pa sang doh keud, ang Nawh Cao yuh awm pa hoik ah ti lie? Awm koe sijax mukheu Nawh mai Nawh Cao ang yuh awm pa hoik krai tix lie?

SIMIN 32:23

Phan pex ang yuh nin, pex tak tawng ka hoik lud tix ka Simiang Siyiex mai phimap pex tak mawh pa hawt ka tokaux pex.

SIMIN 33:56

Lheu khaing an awm pa keud Aux ti sang yuh ka piang kix, tak lih ti yuh ka piang pex heue.”

MATHIEX 24:35

Raoma mai haktiex tak sang grai, viang mawh nan gumlox Aux, tak ang grai heue.”

PINGNYAP 28:15

Viang mawh nan, phan maix ang cu ang nghiet ka lox Simiang Siyiex tix mai ang hawt ti yuh awm gumlox pingnyap Nawh Cao mai been pa deuh Nawh Cao, ka pa tawm aux ka maix, daux in singaix khawmuik, krax pa jhax lawg tak hawt maix mai hoek piang maix.

PINGNYAP 28:2

Phan maix cu nghiet ka lox Simiang Siyiex maix, bwanson inkix khawmuik tak lih hoek piang maix mai hawt khaix maix,

PINGNYAP 28:20

Simiang Siyiex tak kieh pa jhax lawg mai pa tuktiak mai pa map nai hoek piang maix, daux kaing jhaw pa yuh maix ka taix ti tak pon pa laux leeing mai tom hoik khran grai grup maix, kheu jao pa caox caig yuh maix ka pa hoik tik vud maix Nawh Cao,

PINGNYAP 28:45

krax pa jhax lawg inkix khawmuik, tak hoek piang maix mai hawt khaix maix mai krup maix, tom hoek maix krax laux leeing, kheu jao ang maix cu nghiet ka lox Simiang Siyiex maix, ang priex rien tix hawt yuh awm gumlox pingnyap Nawh Cao mai ka beenli pa deuh Nawh Cao khankix, ka pa hoik tawm Nawh Cao ka maix.

1 THESALONIX 5:4

Puxaik khankix eue, pex ang ot ka daux pa faik, singaix an sang krup pex awm pui briex,