ZAKHARIX 1:3 - Wa Common Language Translation

³ “Mawh kheu nan maix ah nin ka kix. “Siyiex cao kru naing raoma ah nin “Deeh ing hoek ka Aux awx! “Aux tak deeh hoek ka pex heue. “Siyiex cao kru naing raoma ah nan heue.

ZAKHARIX 1:3 Iomraidhean Croise

2 GRAWNG BEEN 15:2

Nawh hu pub ka Asa ah nin, “Asa mai pui Yudax pui Binyamin khankix eue, Nghiet lox aux heue. Phan pex sawg ka Nawh Cao, Nawh Cao tak kieh pex yaox tix; viang mawh nan, phan pex tik vud ka Nawh Cao, Nawh Cao tak tik vud ka pex heue.

2 GRAWNG BEEN 15:4

“Viang mawh nan, yam hoek kix ka daux krax pa kha rhawm khankix, kix deeh veeh ti ing ka Siyiex ceu pui Isarelax mai sawg ti yaox Nawh Cao mai Nawh Cao hoik kieh kix yaox tix heue.

NEHAMIX 9:28

Viang mawh nan khaix hoik laux lee kix tix mhawm mhawm kix hoik baox yuh pa caox caig ka plak sivoe ngai Maix Cao, mawh kheu nan Maix Cao dee ap kix ka daux tawm taix pui koeng kix, sonsang kwang piang kix, viang yuh nan kawx, yam deeh hoek kix mai hoik riag yo ka Maix Cao, Maix Cao hoik nghiet khaing daux raoma mai Maix Cao hoik taoh ka kix tom nie bawg ka daux krax caux rhawm Maix Cao heue.

YAWBAX 22:23

Phan maix deeh hoek ka cao pa ting sibrawm mai tik krax lud tix khankix luan dee singai khaing nyiex gox maix, maix tak sum tix mawh pa kaux cong heue.

ISAYAX 31:6

Pui Isarelax pa kin tieh feen eue, deeh hoek sawg ka Siyiex.

ISAYAX 44:22

Aux hoik preet krax lud pex awm paiawm mai preet phimap pex awm taox simawg, deeh lih hoek ka Aux, mawh kheu Aux hoik taoh lawd pex.

YERAMIX 12:15

Khaix hoik reeig Aux kix lih, Aux tak sang deeh hoek mai koe krax caux rhawm piang kix mai deeh veeh kix ku kaux ing ka haktiex sinngao cao kix mai khawm pui ku kaux ka daux haktiex cao kix heue.

YERAMIX 25:5

Kix ah nin, “Deeh veeh khaing pa caox mai kaing pa caox yuh pex ku kaux mai ot ka daux haktiex pa hoik tawx Siyiex ka pex mai ka keeing pex khankix leeing ju heue.”

YERAMIX 3:1

Kix ah nin, “Phan pui tix kaux tik moeng tix mai bun an lih hu khaing nawh mai mawh moeng pui tang kaux, mawh khaw nawh tix deeh teei ka bun an tix bawg lie? Haktiex pa yuh nan, tak mawh pa kied seeing ang mawh lie? Viang mawh nan maix hoik lud vao mai bun paox moh tix tom nie kaux, viang yuh nan, Siyiex kawn ah nin, deeh hoek ka aux heue.”

YERAMIX 3:22

“Kawn nyawm pa tieh feen khankix eue, deeh hoek mai Aux tak pai krax tieh feen pex heue. Jhak heue, deeh hoek ka Maix Cao tete heue. Grawh grawng nawh, Maix Cao mawh Siyiex pa mawh Siyiex ex heue.”

YERAMIX 35:15

Aux kaoh caocao mai baox ploi kawncau mau soi pa mawh cao jhai Aux khankix hoek ka pex ah nin, deeh veeh khaing krax pa caox yuh tix mai deeh cox jhawm tix mai paw lai hawt hu khaix siyiex tang kaux tang hak mai paw yuh kaing jhaw kix, khaix an pex tak yaox ti ot ka daux haktiex pa hoik tawx Aux ka pex mai ka keeing pex Viang mawh nan, pex ang lai daong yhaok tix mai ang cu nghiet ka Aux heue.

YERAMIX 4:1

Siyiex ah nin, “Ceu pui Isarelax eue, phan maix sang deeh hoek, deeh hoek ka Aux heue. Phan maix koe rhawm ti sang tik pa seeing brai tix khankix luan singai khaing daux ngai Aux, khaix an paw lai gah ti hu khaing Aux heue.

YEZAKELAX 18:19

Viang mawh nan maix kawn ah nin, kawn simex tak ang yaox ti kham phimap keeing tix, kheu jao patix lie? Mawh kheu kawn simex hoik hawt awm been pa phan pa deuh mai pa khaw caw mai hoik priex rien ti hawt ka lox lai beenli pa deuh Aux khankix,

YEZAKELAX 18:31

Tik ka can pa lud mai pa tieh feen ka Aux mai kieh pex koe rhawm rhi pa khraox mai ju pa khraox heue. Nyiex ma pui Isarelax eue, pex lai simie ti yum kheu jao patix?

YEZAKELAX 18:32

Mawh kheu Aux ang lai mawh pa nyawm rhawm ka yum pui tix kaux kaux, Siyiex ah nin, mawh kheu nan, doh keud mai im ju heue.”

YEZAKELAX 33:11

“Krai ka kix, Siyiex ah nin, awm im ju Aux, Aux ang nyawm rhawm ka yum pui caox caig, viang mawh nan, Aux koe rhawm ka veeh pui caox caig khaing daux krax pa yuh tix mai im ju, nyiex ma ceu pui Isarelax khankix eue, deeh veeh tix, deeh veeh khaing daux pa caox caig pa yuh pex, mawh kheu tix pex lai simie ti yum yuh ka mawx lie?”

HOSE 14:1

Isarelax eue, deeh ing ka Siyiex, pa mawh Siyiex maix heue. Mawh kheu maix hoik sideeing caong tix, kheu krax pa lud tix,

HOSE 14:4

Aux tak sang pai jhawm saux krax pa tieh feen kix mai moh ka kix awm krax pa koe rhawm aux, grawh grawng nawh, krax song rhawm Aux hoik veei ti luan khaing kix heue.

HOSE 6:1

Hoek mai kieh ex deeh ing ka Siyiex, mawh kheu Nawh Cao hoik puk paig ex kawx mai Nawh Cao tak sang pai ex moi, Nawh Cao hoik kieh ex mat kawx mai Nawh Cao tak sang gie dee mat ex heue.

YOLAX 2:12

Mawh kheu nan yam in Siyiex ah nin, “Deeh veeh ti ing ka Aux, khawm rhawm khawm rhi tix mai twah pa ih mai yiiem yo mai krax pa khi rhawm tix heue.

MALAKHIX 3:7

Jah khaing daux baux singaix keeing pex khankix, pex hoik via ti hu khaing beenli pa priex pa deuh Aux mai ang priex rien ti hawt ankix. Deeh ing hoek ka Aux mai Aux tak sang deeh ing hoek ka pex. Siyiex cao kru naing raoma ah nin. Viang mawh nan, pex kawn ah nin “Ex tak sang deeh ing hoek ka daux krax pa yuh ka mawx lie?