ZAKHARIX 1:2 - Wa Common Language Translation

² “Siyiex hoik dawg kied song rhawm ka keeing pex khankix heue.”

ZAKHARIX 1:2 Iomraidhean Croise

2 SIMIANG 22:19

“Mawh kheu hoik mhong maix ka lox ghlat Aux ka dee in mai ka pui pa ot baoh tin khankix tak sang lih mawh pa prah ti riem mai pa jhax lawg mai tom koe pa awn rhawm awn rhi mai pa tiiem rhawm mai riah kraung ceep tix yiiem yo ka plak sivoe Aux, mawh kheu nan, Aux tom nghiet ka lox maix, ” In mawh lox ah Siyiex heue.

2 SIMIANG 23:26

Viang yuh ka mawx kawx Siyiex ang nyang veeh tix khaing pa kied song rhawm Nawh Cao, tau mai pa song rhawm ka pui Yudax khankix kheu pa lud pa hoik yuh Manashe so rhawm Nawh Cao meet heue.

EZARAX 9:13

Mawh kheu kaing pa caox caig mai pa lud ting yuh ex, ex tom yaox ti kham geu yuh nin, viang Siyiex ciyang ka ex kawx, kawn lheu iak khaing phimap pa caw ex tix kham geu mai hoik tawx ex pon krax pa taoh awm in,

YAOGYAW 60:1

Siyiex eue, ka daux pa song rhawm Maix, Maix hoik tik ka ex mai ex hoik prung prang rai ruat heue. Viang mawh nan, deeh kieh ex im ju liak.

YERAMIX 32:23

Kix hoik laig ka daux mai teei ti cie haktiex an, viang mawh nan, kix ang cu nghiet ka lox Maix Cao mai ang lawng hu ka daux lox tat jhawm prawng Maix Cao heue. Kix ang yuh awm pa hoik tawm Maix kix yuh tix ceu kawx heue. Mawh kheu nan, Maix Cao hoik kieh krax pa kha rhawm in khawmuik hoek piang kix heue.

YERAMIX 44:6

Mawh kheu nan, krax meet rhawm meet rhi Aux mai krax song rhawm aux hoik klup lih mai hoik gleeing veng pa koe daux haktiex Yudax mai pa koe piang krax veng Yerusaliem khankix mai an khankix laux leeing mai mawh dee yiien pui awm pa hoik lih ti mawh ka daux in singaix heue.

YIIEM DOE 5:7

Keeing yix khankix hoik lud mai kix ang lai koe heue. Yix yaox ti kham geu krax pa lud kix heue.

YEZAKELAX 22:31

Mawh kheu nan, Siyiex ah nin, Aux klup krax song rhawm tix ka piang kix, Aux tak gleeing kix ka ngu pa meet rhawm tix, aux deeh kieh phimap kix hoek ka piang kaing kix heue.

YEZAKELAX 8:18

Mawh kheu nan, Aux tak sang baox kieh krax pa song rhawm tix lih, ngai Aux ang lai lhawk mai ang lai koe krax caux rhawm, viang kix riag yo lox ting hoek ka daux yhaok Aux kawx, Aux tak ang lai nghiet ka lox kix heue.”

ZAKHARIX 1:15

Aux kied song rhawm songrhi ka ceu pui tang ceu pa ot yiien yawg tix khankix, grawh grawng nawh, Aux song rhawm ceeix ngie ka veng Yerusaliem mai kix hoik chax nie luan yuh ceu pa kha rhawm ka veng an heue.

ZAKHARIX 7:12

Kix hoik kieh rhawm tix kiien awm siang simaox mai ang nghiet ka gumlox beenli mai ka gumlox pa hoik ploi Siyiex cao kru naing raoma hoek khaing khuan ka cao jhai khankix phao voe heue. Mawh kheu nan, krax pa kied song rhawm hoik hoek khaing Siyiex cao kru naing raoma heue.

ZAKHARIX 8:14

“Siyiex cao kru naing raoma ah nin, awm hoik tat Aux rhawm rhi tix, sonsang tawx krax kham geu ka pex, yam hoik so keeing pex Aux koe krax pa song rhawm mai Aux tak ang lai koe krax pa deeh doh keud kah heue. “Siyiex cao kru naing raoma ah nin heue.

KAWNCAU 7:52

Hoik koe cao jhai kaw pa yuh ka mawx, pa ang tax du pex tuktiak kah? Kix pah kix yum pa jhi sivoe ka sang hoek. Kaw pa rahsee heue. Kaw pa pex hoik lih mawh pui pa tik vud mai pui pa teei yum heue.