ZAKHARIX 1:17 - Wa Common Language Translation

¹⁷ Siyiex cao kru naing raoma ah nin “Veng Aux khankix, tak sang baox grum naog ka daux krax pa haok hwan heue. Siyiex tak sang baox tawm krax nyawm rhawm ka grawng Zion mai tak sang baox laug ti teei veng Yerusaliem heue.”

ZAKHARIX 1:17 Iomraidhean Croise

2 GRAWNG BEEN 6:6

Viang mawh kawx nan, Aux hoik laug veng Yerusaliem sonsang pon hu ceu kaux Aux tix ot tan mai Aux hoik laug Davit mawh cao pa kwang piang ceu pui Aux Isarelax heue.

NEHAMIX 11:20

Can pui Isarelax pa kawn deuk pa mawh cao giex kaing pui Lewix khankix, pa ot ka daux veng nyiex yaong haktiex Yudax khankix mai pui ku kaux hoik tang ot ka daux haktiex sinngao cie tix heue.

NEHAMIX 11:3

In mawh cao kaing khankix khaing kien haktiex an pa hoek ka daux veng Yerusaliem heue. Viang mawh nan, pui pa hoik tang ot ka veng ka nyiex yaong cao tix ka daux haktiex Yudax mawh pui Isarelax mai cao giex kaing li, pui Lewix, pui kham ti yuh kaing jhaw nyiex bwan Siyiex mai khawm doeh ru kawncau simiang Sawlamon khankix heue.

YAOGYAW 69:35

Siyiex taoh ka veng Zion mai deeh cox veng Yudax, kix ot tan mai giex kaing heue.

ISAYAX 14:1

Siyiex koe krax caux rhawm ka ceu pui Yakop mai tak sang laug ti teei ceu pui Isarelax khankix mai deuh kix ot ka daux haktiex cao kix, mai pui tang meung tak hoek ti yuh paox pie mai kix, kix tak kap ti ot tau mai ceu pui Yakop heue.

ISAYAX 44:26

Pui kham ka gumlox siliex Nawh Cao mai yuh awm pa gau awm kawncau Nawh Cao, cao pa ah nin ka Yerusaliem maix tak mawh dee pa ot pui kah, pa ah nin ka veng meung Yudax, pex tak sum kah, Aux tak deeh yaog ka can pa hoik laux leeing.

ISAYAX 49:13

Raoma eue, ah lai rhax, kheu pa gaux rhawm, haktiex eue, gaux rhawm heue, gawng khankix eue, gaux rhawm ah lai rhax, mawh kheu Siyiex tawx riang rao ka pui Nawh Cao mai caux rhawm ka pui tix pa kha rhawm tix khankix.

ISAYAX 51:12

“Mawh Aux khaing, pa mawh cao pa tawx krax nyawm rhawm pex. Mawh maix pui mawx pa koe krax lhat graung, ka pui pa tak sang yum mai ka kawn pui pa tak sang awm rib riem lie?

ISAYAX 51:3

Grawh grawng nawh, Siyiex tak tawx krax nyawm rhawm ka veng Zion Nawh Cao tak tawx krax nyawm rhawm ka can dee pa yiien nawh khankix heue. Nawh Cao tak yuh daux tiagtu nawh awm Eden mai daux tiang mhaik nawh awm sipeem Siyiex heue. Krax gaux rhawm mai krax pa nyawm rhawm, tak sang mawh pa yaog tix ka daux veng Zion, khawm krax pa yaog yaw bwanson mai lox rhax pa nyawm ti nghiet khankix heue.

ISAYAX 52:9

Ka dee pa hoik laux leeing veng Yerusaliem khankix eue, yo lox tix lih ka daux krax pa gaux rhawm mai ah lai rhax tau heue. Grawh grawng nawh, Siyiex hoik tawx krax pa nyawm rhawm ka pui nawh khankix, Nawh Cao hoik deeh taoh ti teei ka veng Yerusaliem heue.

ISAYAX 54:8

Ka daux krax pa kied song rhawm song rhi, Aux mox plakngai khaing maix tivud ticu, viang mawh nan, ka daux krax moh krax rhawm leeing ju, Aux tak koe krax caux rhawm ka piang maix heue.” Siyiex, cao pa taoh maix ah nin heue.

ISAYAX 66:13

Awm glaw miex ka kawn tix koe krax nyawm rhawm, awm an Aux tak kieh pex koe krax pa nyawm rhawm mai pa tak sang koe krax pa nyawm rhawm nyawm rhi ka daux veng Yerusaliem heue.

YERAMIX 31:13

“Khaix an bun gaux rhawm mai graoh tix tau mai pui awn ju mai kuad heue. Grawh grawng nawh, Aux tak sang tieh krax khi rhawm kix mawh krax pa gaux rhawm mai sang kieh kix koe krax nyawm rhawm mai yuh kix koe krax gaux rhawm, nie lheu khaing pa laux rhawm heue.

YERAMIX 33:13

Ka daux veng pa koe piang gawng lua, ka daux veng pa koe ka daux lung, ka daux veng pa koe haktiex plak seh, ka daux haktiex Benyamin, ka haktiex pa koe rawb veng Yerusaliem mai ka daux veng greem tawm taix cao pa simin yung khankix, Siyiex ah nin heue.

YERAMIX 33:9

Khaix an Aux tak sang kieh veng an lih ti koe pa gaux rhawm pa yaogyaw mai krax pa koe min plakngai ka plak sivoe ceu pui pa koe piang haktiex khawmuik mai pui tak sang mhong can ceu pa mhawm pa yuh Aux ka kix khawmuik, lhat graung mai sikua rhawm, ka pa mhawm mai krax haok hwan ting lhaong pa hoik tawx Aux ka kix heue.

YEZAKELAX 36:33

Siyiex ah nin “Ka daux ngaix kieh Aux pex singax khaing pa seeing brai yuh tix khawmuik, Aux tak kieh pex ot ka daux veng mai deeh cox sum can pa laux leeing khawmuik heue.

AMOT 9:14

Aux tak sang deeh viex pui pa giex laung ceu pui Aux Isarelax khankix hoek, kix tak sang deeh cox sum veng pa laux leeing an mai deeh pang ti ot ka daux veng an kix, kix tak sang sum ti cie sipeem plix siiet mai nyaux rawm plix siiet pa kaoh khaing ankix heue. Kix tak sang baox deeh yuh sipeem mai ih plix khaox plix ox khaing daux ankix heue.

AWBADIX 1:20

Ceu pui Isarelax pa giex laung tix khankix pa ot ka daux haktiex ceu pui Khananix tak sang pon ti cie haktiex tom hoek dee singai ka veng Zariepat heue. Pui pa giex laung khaing daux veng Yerusaliem khankix pa ot ka daux haktiex Siepharat tak sang pon ti cie veng khankix pa koe ka daux haktiex plak seh heue.

ZAKHARIX 1:14

Kawncau Siyiex pa sikah mai aux ah nin, “Siyiex cao kru naing raoma ah nin, Aux kied koe krax pa caux rhawm ka son veng Yerusaliem mai ka son veng Zion, tau mai krax pa kied koe rhawmrhi tix heue.

ZAKHARIX 1:18

Khaix an, aux yaog ngai tix jhak mai yaox rung khankix pon mu heue.

ZAKHARIX 2:12

“Siyiex tak sang teei kraung cie haktiex Yudax mawh sinngao ka daux haktiex pa singax Nawh Cao mai tak sang baox deeh laug ti teei veng Yerusaliem heue.

ZAKHARIX 2:4

mai ah nin “Maix to hu krai ka pui awn ju in ka daux krax pa ah nin, veng Yerusaliem, tak mawh dee pa kawn ot pui khankix, awm veng khankix pa ang koe guh veng, mawh kheu kied hun pui mai tobrie khankix ka daux veng an heue.

ZAKHARIX 3:2

Siyiex ah nin ka satan an, “Satan eue, Siyiex sidiex ka maix! pa mawh Siyiex pa hoik laug ti teei veng Yerusaliem sidiex ka maix heue. Ang in mawh nge khix pa hoik yoi khaing daux ngu tix nge lie?”

EFESUX 1:4

awm hoik laug Nawh Cao ti teei ex daux Cao Khrit, tom ka sang jah ti kaw haktiex, sonsang mawh ex pa singax, pa ang koe dee cha pa loig sivoe Nawh ka daux krax moh,