ZAKHARIX 1:16 - Wa Common Language Translation

¹⁶ Mawh kheu nan, Siyiex ah nin “Aux sang deeh ing hoek ka veng Yerusaliem tau mai krax pa caux rhawm, nyiex bwan Aux tak sang mawh pa deeh sum tix ka daux veng an mai tak sang bluh maox tiag lih ka piang veng Yerusaliem heue. “Siyiex cao kru naing raoma ah nan heue.

ZAKHARIX 1:16 Iomraidhean Croise

YAWBAX 38:5

Mawh pui mawx pa pon tiag ka diag koe haktiex, phan maix tawng krai Aux mhong, phan ang mawh nan mawh pui mawx pa pawd ti deuh rhoi mee nawh piang an lie?

ISAYAX 12:1

Ka daux singaix an maix tak ah nin “Siyiex eue, aux tak sang yaog yaw ka Maix Cao, viang Maix Cao hoik song rhawm ka aux kawx krax pa song rhawm Maix Cao hoik veeh tix grai hu mai Maix Cao hoik kieh aux nyawm rhawm heue.

ISAYAX 34:11

Viang mawh nan klang mai goh tak rhim an mawh sinngao tix, pang plawh mai lak tak ot ka daux an mai Nawh Cao tak tuk maox yi mai kla maox tiag pa ang koe tid tix ka piang haktiex an.

YERAMIX 30:18

“Siyiex ah nin, jhak heue, Aux tak deeh viex nyiex gox ceu pui Yakop khankix hoek mai koe krax caux rhawm piang dee ot dee koe nawh khankix, mai tak deeh sum veng piang ton cao tix mai nyiex haw tak deeh awm grang pakpeung pa dawg koe tix heue.

YEZAKELAX 40:3

Nawh Cao viex aux hu tan, jhak heue, pui tix kaux hoek awm grang pakpeung tawng lheung hoek bleeh tan, tau mai pa giex gawng priem mai maox diag tiag tix nyaing ka daux taix tix mai cung ka diang siviex veng heue.

YEZAKELAX 47:3

Pui an lih hu ka plak lih singaix tau mai maox diag tiag tix nyaing ka daux taix tix, nawh tiag diag koe tix rheng sawk mai nawh kieh aux tiang rawm mai rawm an raux tom hoek pie mee ngai liag aux.

YEZAKELAX 48:35

Tiag ti yaox hawt vung viang an khawmuik, koe tix mheen daix rheng sawk mai jah daux singaix an ceu kaux veng tak mawh Yehowa Shama, pa koe dee bleeh Siyiex ot tan heue.

HAGIE 1:14

Siyiex hoik so rhawm rhi Zerubabelax, kawn simex Shelatilax cao kwang veng Yudax mai rhawm rhi Yawsux kawn simex Yehawzadax, cao kaing ting cao giex kaing li mai rhawm rhi pui pa kawn deuk khankix mai kix hoek ti yuh kaing ka daux nyiex bwan Siyiex cao kru naing raoma, pa mawh Siyiex kix heue.

ZAKHARIX 10:6

“Aux tak sang kieh nyiex ma ceu pui Yudax kaux cong mai Aux tak sang taoh nyiex ma Yosiep khankix heue. Aux tak sang deeh viex kix ing, kheu hoik koe krax caux rhawm Aux ka kix heue. Kix tak sang mawh pa awm pui ankix, pa ang nyang sax grheu ti tik heue. Grawh grawng nawh, Aux mawh Siyiex kix, pa mawh Siyiex leeing ju mai Aux tak sang nghiet lox kix heue.

ZAKHARIX 2:4

mai ah nin “Maix to hu krai ka pui awn ju in ka daux krax pa ah nin, veng Yerusaliem, tak mawh dee pa kawn ot pui khankix, awm veng khankix pa ang koe guh veng, mawh kheu kied hun pui mai tobrie khankix ka daux veng an heue.

ZAKHARIX 2:5

Siyiex ah nin “Aux tak sang mawh guh veng ngu ka hawt vung viang nawh mai mawh min pakngai ka daux sigreung nawh heue.

ZAKHARIX 2:6

“Kaoh heue, Kaoh heue, to ti lih hoek khaing haktiex plak blaong heue. “Siyiex ah nin heue. “Grawh grawng nawh, Aux hoik kieh pex prung prang awm bhaung pon plak daux raoma khankix heue. “Siyiex ah nan heue.

ZAKHARIX 4:9

“Taix Zerubabelax hoik sum ti deuh num riah nyiex bwan in, taix nawh tak sang yuh an heue. Khaix an maix tak tawng ka hoik ploi Siyiex cao kru naing raoma Aux hoek ka pex heue.

ZAKHARIX 8:3

“Siyiex ah nin, Aux deeh ing ka gawng Zion mai ot ka daux sigreung veng Yerusaliem heue. Veng Yerusaliem tak sang kok mawh veng pa kaux sijax, gawng Siyiex cao kru naing raoma tak kok mawh gawng pa singax heue.”