ZAKHARIX 1:14 - Wa Common Language Translation

¹⁴ Kawncau Siyiex pa sikah mai aux ah nin, “Siyiex cao kru naing raoma ah nin, Aux kied koe krax pa caux rhawm ka son veng Yerusaliem mai ka son veng Zion, tau mai krax pa kied koe rhawmrhi tix heue.

ZAKHARIX 1:14 Iomraidhean Croise

ISAYAX 37:32

pui pa kawn deuk tak lih khaing veng Yerusaliem mai pui pa glawd tak lih khaing gawng Zion, mawh kheu Siyiex cao kru naing raoma koe rhawm ti yuh in.

ISAYAX 38:22

Hezakix chawk ah nin, “Mawh koe mhai rug patix, ka sang haok aux ka nyiex bwan Siyiex lie?

ISAYAX 40:1

Siyiex pex ah nin, tawx pa nyawm rhawm, tawx pa nyawm rhawm ka pui aux khankix.

ISAYAX 40:2

Krai lox nyawm rhawm ka veng Yerusaliem mai krai ka meung an, naing ang lai koe son maix mai phimap phighram maix kawx hoik pluat ploi ka mai nawh hoik rieb ti kham phimap khaing Siyiex, mawh phimap ra son khaing maix.

ISAYAX 40:6

Lox lih hoek ah nin, “Yiiem heue, “Mai aux ah nin “Aux sang yiiem yuh ka mawx?” Kawn pui kuceu awm rib riem mai krax mhawm grang awm tai ka daux tiag.

ISAYAX 42:13

Siyiex tak lih awm pui naing pa ting riang mai so rhawm rhi tix, awm pui naing, Nawh Cao tak kok yo mai kok yo lox ting lhaong, Nawh Cao tak pex ka pui pa koeng Nawh Cao heue.

ISAYAX 59:17

Nawh Cao hoik ceep krax pa rahsee, mawh son kraung naing pa tieb tie naok mai ceep krax taoh mawh son mhok khri ka piang kaing. Nawh Cao hoik ceep pa pawk bix, mawh son kraung ceep mai hoik ceep krax pa koe rhawm ti mawh son sibex dhah heue.

ISAYAX 63:15

Jhak ti yaox khaing daux raoma mai kok puan khaing dee pa singax singeh mai dee koe min pakngai Maix heue. Krax pa kied koe rhawm Maix mai krax pa ting sibrawm Maix, koe dee mawx lie? Krax pa kied moh Maix mai krax pa caux rhawm Maix ka aux koe dee mawx lie?

ISAYAX 9:7

Krax pa haok hwan ting lhaong sibrawm Nawh mai krax pa nhim Nawh, tak ang koe dee sidah, ka piang dang ngeung simiang Davit mai ka piang meung haktiex Nawh, sonsang khre ti deuh mai pang ti deuh an kaux cong mai prawng ca ka daux krax pa rahsee, jah yam in hu sivoe ngai, tom hoek leeing ju heue. Krax pa kied koe rhawm koe rhi Siyiex Cao kru naing raoma tak yuh tix tawx in heue.

YEZAKELAX 36:5

Siyiex ah nin, “Aux hoik krai grawng in ka daux pa kied song rhawm tix ka ceu pui pa kawn deuk khankix mai ka ceu pui Edom, khawmuik, pa hoik tud rhim ti teei haktiex Aux ka son cao kix sonsang mawh sinngao tix tau mai krax gaux rhawm, tau mai rhawm rhi pa caox caig tix, sonsang pon tud rhim kraung can pa koe daux haktiex nawh heue.”

HOSE 11:8

Epharem eue, Aux tak sang pon tik maix yuh ka mawx lie? Isarelax eue, aux tak sang pon ap ti tawx maix yuh ka mawx lie? Aux tak sang kieh maix awm veng Adama yuh ka mawx lie? Aux tak sang pon deuh maix awm veng Zeboim yuh ka mawx lie? Rhawm rhi Aux hoik tieh loh tix, krax caux rhawm Aux hoik so tix kaoh heue.

YOLAX 2:18

Khaix an Siyiex tak sang deeh koe rhawm ka son haktiex Cao Nawh mai koe krax caux rhawm ka pui Nawh heue.

NAHUM 1:2

Siyiex mawh pa ci krax pa caox mai Simiang Siyiex yuh krax pa pawk bix heue. Siyiex yuh krax pa pawk bix mai koe krax pa kied ting song rhawm songrhi heue. Siyiex tak sang pawk bix ka pui koeng Nawh khankix mai Nawh deuh krax pa song rhawm songrhi ka son pui koeng Nawh khankix heue.

ZAKHARIX 1:13

Siyiex hoik deeh pawk lox ka kawncau Siyiex an, pa hoik sikah tau mai aux, ka gumlox pa mhawm mai pa koe krax pa nyhawm rhawm heue.

ZAKHARIX 1:17

Siyiex cao kru naing raoma ah nin “Veng Aux khankix, tak sang baox grum naog ka daux krax pa haok hwan heue. Siyiex tak sang baox tawm krax nyawm rhawm ka grawng Zion mai tak sang baox laug ti teei veng Yerusaliem heue.”

ZAKHARIX 1:9

Yam an aux chawk ah nin “Siyiex aux eue, inkix mawh patix lie? “Mawh kheu nan, kawncau Siyiex, pa hoik sikah tau mai aux, krai ah nin ka aux, “Aux tak sang jhi maix yaox ka mawh ceu inkix patix heue.

ZAKHARIX 4:1

Kawncau Siyiex pa hoik sikah tau mai aux hoek so aux kaoh, awm pui pa hoik siduad ti kaoh khaing it tix heue.