YUDAX 1:3 - Wa Common Language Translation

³ Pui pa moh aux khankix eue, yam nied aux ti coca ti tiiem lai ka pex grawh grawng krax taoh pa hoik pon ex awm paox tix, hoik kieh aux tiiem ka pex, sonsang gau pex nied ti yuh, nied puing, son krax yum rhawm pa hoik tawx tix bawg son ku jheung jheung ka pui pa singax singeh khankix heue.

YUDAX 1:3 Iomraidhean Croise

NEHAMIX 13:25

Aux ne raw kix, jhax lawg ka kix, sivied kix tiblah, reeig hauk kix mai hoik kieh kix tiextu tix ka Siyiex ah nin, “Pex tak ang pon tawx kawn bun tix mex kawn simex kix mai pex tak ang pon ti teei kawn bun kix mawh moeng kawn simex pex khawm cao pex heue.”

ISAYAX 45:17

Pui Isarelax hoik lawd luan tau mai krax taoh Siyiex, leeing ju, pex tak ang lai kaig mai ang lai laux min pakngai, leeing ju.

ISAYAX 45:22

“Pex pa ot ku sidah haktiex eue, deeh hoek ka Aux pex tak pon krax taoh, mawh kheu Aux mawh Siyiex mai ang lai koe siyiex tang kaux.

YERAMIX 9:3

Kix buk dak tix vawk awm ak puh, sonsang pie lhen. Kix ang mawh pui pa kaux sijax mai mawh tix pui ting piang haktiex heue. Mawh kheu kix hoik nied ti yuh pa caox ka piang pa caox hu sivoe ngai mai kix ang lai tawng ka Aux, Siyiex ah in,

KAWNCAU 17:3

mai plak jhi grawng Cao Khrit tak lai kham geu mai deeh kaoh khaing krax yum mai nawh ah, “Yesux in pa sidiex aux ka pex mawh Khrit heue.”

KAWNCAU 18:28

Mawh kheu nawh pon ti thiang pui Yudax ka daux sibrawm mai nawh teei phuk lai sigang khri mai plak jhi pui yaox sidawng grawng Yesux mawh Khrit heue.

KAWNCAU 20:27

Grawh grawng nawh, ang aux sax lhat krai lox tawm jhawm krai Siyiex khawmuik ka pex heue.

KAWNCAU 28:28

Mawh kheu nan kieh pex een ti tawng, grawng krax pa taoh Siyiex in, hoik ploi ti tawx hu ka pui tang ceu khankix mai kix tak sang nghiet heue.”

KAWNCAU 4:12

Ang koe ceu pa taoh ka daux tang kaux tix kaux kawx, mawh kheu ang koe ceu kaux tang kaux greem raoma, pa hoik tawx ka sinax kawn pui, ka daux dee sang hoek ex krax taoh heue.”

KAWNCAU 6:7

Gumlox bwan Siyiex baox nie tah hu mai kawncau mau soi baox nie haoh hun ka daux veng Yerusaliem mai cub cao giex kaing li tom nie koe krax cu nghiet ka krax yum rhawm in heue.

KAWNCAU 9:13

Viang mawh nan Ananix deeh pawk lox ah nin, “Simiang Yesux eue, aux hoik mhong grawng pui in khaing pui tom nie, grawng pa hoik yuh nawh pa caox tom nie, ka pui singax singeh pa ot ka veng Yerusaliem.

KAWNCAU 9:22

Sawlux nie baox ting riang mai kieh pui Yudax pa ot ka daux veng Damase khankix daox deng ka mhai rug grawng Yesux mawh Cao Khrit heue.

1 KAWRINTHUX 15:3

Grawh grawng nawh ka sivoe paox tix khawmuik, aux hoik tawx pong ka pex, pa mawh ceu pa hoik pon aux, grawng pa hoik yum Cao Khrit son phimap ex, awm pa khaw mai lox phuk lai sigang khri,

KALATIX 2:5

Ex ang doh cu ka kix, pie tix nari kawx, ceu pa mawh meh, pa dex mai lox bwan gaux rhawm, tak sang kaux cong ka sinax pex heue.

KALATIX 3:28

Ang doh lai pon koe pui Yudax phan ang mawh nan, pui Helasax, ang doh lai pon koe siliex, phan ang mawh nan pui ploi, ang doh lai pon koe simex, phan ang mawh nan bun, mawh kheu pex khawmuik mawh ngie tix kaux khaing ka daux Yesux Khrit heue.

KALATIX 6:11

Pex yaox grawng aux hoik tiiem ngai lai pa ting miex ding ka pex, ka khaix taix tokaux aux heue.

EFESUX 1:1

Pawlux pa mawh kawncau pa ting Yesux Khrit kheu alo Siyiex, tawx ka pui pa singax pa ot ka daux veng Efesux mai ka pui pa kaux sijax ka daux Yesux Khrit heue.

PINGNYAP 21:9

Mawh kheu nan, pex tak teei ti tik phimap nham pa ang koe krax lud khaing daux sinax tix, yam yuh pex pa khaw caw, ka plak sivoe ngai Simiang Siyiex.

PINGNYAP 9:10

Simiang Siyiex ap khlawp simaox ra khlawp ka aux, pa hoik tiiem ka giien taix tix mai piang an hoik mawh gumlox pa sikah Simiang Siyiex ka pex, piang gawng khaing sigreung ngu, singaix khrawm pex paox tix.

PHILIPPIX 1:1

Pawlux mai Timose, pa mawh siliex Yesux Khrit tawx lai hu ka pui singax singeh ka daux Yesux Khrit, pa ot ka veng Philippix khawmuik mai ka cao giex kaing ceu cao mai ka pui bung kaing ceu cao khankix.

PHILIPPIX 1:27

Kieh ngie pa yuh pex keung mai been lox bwan gaux rhawm gaux rhi Cao Khrit, yuh ka mawx phan aux hoek ka pex ang ah, siyang ot ang ah, aux tak pon ti mhong grawng kaux cong pex mai viex khuan tix mu mai rhawm tix mu khaing, mai niet ti yuh son krax yum rhawm pa dex dawt mai lox bwan gaux rhawm gauxrhi,

KAWLAWSIE 1:2

tawx ka puxaik pa singax mai pa kaux sijax daux Yesux Khrit pa ot ka daux veng Kawlawsie khankix heue. Kieh pex koe bwanson mai pa nhim pa kaoh khaing Keeing ex Siyiex liak.

1 THESALONIX 2:2

Awm pa hoik tawng pex, viang ex hoik yaox ti kham geu mai viang hoik yuh pa ang cee ang cak ka ex ka daux veng Philippix kawx, ex viex rhawm kwa ka daux Siyiex ex ti sidiex gau lox bwan gaux rhawm Siyiex ka pex, ka daux pa kied nie ngah paox tix heue.

1 TIMOSE 1:18

Kawn aux Timose eue, lox tawm in aux tawx pong ka maix, awm pa khaw mai pa hoik dawg grux keud grawh grawng maix, yuh ka mawx kheu an kix maix tak pon yuh naing, pa mawh naing pa mhawm heue.

1 TIMOSE 6:12

Yuh naing, naing pa mhawm pa dex dawd mai pa yum rhawm awx. Jhawp ka ju leeing ju, pa hoik kok ti teei maix kah, pa hoik kham maix ti teei, yam kham maix mhai ruk pa mhawm ka sivoe pui pa kham mhai ruk tom nie heue.

2 TIMOSE 1:13

Giex tom sied ka gumlox pa mawh pa meh, ceu pa hoik mhong maix khaing aux, ka daux pa yum rhawm mai pa moh rhawm pa koe ka daux Yesux Khrit heue.

TITUX 1:4

tawx ka Titux pa mawh kawn aux tete kheu krax yum rhawm pa neuex ax, mawh tix ceu khaing heue. Kieh koe bwanson mai pa nhim pa kaoh khaing Siyiex Keeing Cao mai Yesux Khrit Cao Taoh ex liak.

HEBRIE 13:22

Puxaik khankix eue, aux khyox khaw sonsang yeung pex ka lox pa sidiex gau in, mawh kheu hoik tiiem aux lox ka pex ceeix ceeix khaing.

HEBRIE 6:9

Viang ex ah nan kawx, pa moh aux khankix eue, ex tom yum rhawm grawng ceu pa nie lheu mhawm ka grawh grawng pex, pa mawh ceu pa dex pa neuex mai krax taoh khankix heue.

1 PETRUX 5:12

Aux hoik tiiem lai ka pex ceeix mai sipaox ka Silwanux, pa een aux mawh puxaik ex pa kaux sijax, sonsang sidiex gau mai kham mhai rug grawh grawng in mawh bwanson Siyiex pa mawh meh heue. Pex cung tom kaux ka daux an heue.

2 PETRUX 1:1

Simon Petrux, pa mawh siliex mai kawncau pa ting Yesux Khrit, tawx ka kix, pa hoik pon krax yum rhawm pa awm paox tix, pa mhawm pa ngawh, tau mai ex, ka daux pa rahsee Siyiex ex mai Yesux Khrit Cao Taoh heue.

2 PETRUX 2:21

Phan kix ang sax tawng krax pa rahsee lheu mhawm khaing pa hoik tawng ka krax an mai deeh tieh khaing lox tawm jhawm krai pa singax singeh pa hoik tawx ka kix heue.

YUDAX 1:1

Yudax, pa mawh siliex Yesux Khrit mai pux Yakop tiiem ti tawx ka kix pa hoik kok kah, pa moh Keeing Siyiex kah mai pa hoik priex ka daux Yesux Khrit heue.

YUDAX 1:17

Viang mawh nan pui pa moh aux khankix eue, pex doh keud ka lox pa hoik grux krai kawncau pa ting Simiang ex Yesux Khrit khankix,

YUDAX 1:20

Viang mawh nan pui pa moh aux khankix eue, pex yuh pex sum tokaux tix ka piang krax yum rhawm pex pa lang teung singax singeh mai rawg bwan ka daux Khuan Singax Singeh heue.

PLAK JHI 12:11

Kix hoik pex ka nawh kheu nham kawn yung mai kheu lox pa kham sakse kix heue. Kix ang lhawk ka ju tix, viang sidah yaox ti yum kawx heue.

PLAK JHI 2:10

Paw vi lhat ka ceu pa dex sang yaox maix ti kham geu khankix. Jhak heue, phicaox dex teei ti sau pex tiblah ka daux thawng, sonsang cheu ti yaox pex, mai pex tak sang koe krax kha rhawm been kao ngaix heue. Kieh maix kaux sijax tom yum, mai Aux tak sang tawx mhok khri pa im ju ka maix heue.