YONAX 4:2 - Wa Common Language Translation

² Nawh rawg bwan ka Siyiex ah nin, “Siyiex eue, yam ot aux daux haktiex, aux hoik ah yuh nan ang mawh lie? Aux tom nied ti to hu ka veng Tasux, mawh kheu hoik tawng aux Maix mawh Siyiex pa koe bwanson mai pa koe krax caux rhawm mai ang khran song rhawm, pa naog ka krax moh krax rhawm mai pa hoik tieh loh tix khaing pa hoik ah Maix ti sang ciyang heue.

YONAX 4:2 Iomraidhean Croise

1 SIMIANG 19:4

Viang mawh nan, nawh hu ka daux tiag been tix ngaix krax mai nawh hoek ngawm greem khaox gix ia khaox ratan mai nawh rawg bwan sonsang yum tix ah nin, “Ding heue, Simiang Siyiex eue teei ju aux yam in liak! Mawh kheu aux ang blon mhawm khaing keeing aux khankix heue.”

YAOGYAW 103:8

Siyiex hoik grum naog ka krax pa caux rhawm mai pa chix yuh bwanson mai pa lang gun lang yeung mai krax pa caux rhawm tom nie heue.

YAOGYAW 145:8

Siyiex hoik grum naog bwanson krax caux rhawm mai koe krax pa gun yeung mai krax caux rhawm Nawh kied ting heue.

YAOGYAW 78:38

Viang mawh nan, phan mawh Nawh Cao, caux rhawm ka kix mai ang tik ang vud ka kix mai pluat ploi phimap phighram kix heue. Nawh Cao gun yeung tom nie bawg, viang kied song rhawm kawx Nawh ang awt yuh kix laux.

YAOGYAW 86:15

Siyiex eue, Maix mawh Siyiex pa grum naog krax pa caux rhawm mai Cao pa chix yuh bwanson mai pa chix gun chix yeung mai krax pa caux rhawm pa kaux sijax tom haoh tom hun heue.

YAOGYAW 86:5

Siyiex eue, Maix hoik grum naog rhawm rhi pa mhawm mai rhawm pa gun pa yeung, can pui pa rawg bwan ka Maix pon krax caux rhawm Maix tom nie heue.

YAOGYAW 90:13

Siyiex eue, Maix deeh hoek liak, kawn sang ot miex grheung, doh keud ka son siliex Maix khankix liak.

LIH HU 32:14

Mawh kheu nan, Siyiex deeh doh keud tieh loh rhawm tix mai ang lai tawx krax kha rhawm pa hoik ah Nawh Cao tix sang yuh ka ceu pui Nawh khankix.

YERAMIX 18:8

Phan meung haktiex pa krai aux an, deeh veeh khaing pa caox caig yuh tix, Aux tak sang deeh tieh krax pa laux leeing pa keud aux tix sang viex piang kix mai ang lai kieh hoek piang kix heue.

YERAMIX 20:7

Siyiex eue, Maix Cao jeeh nyaw ka aux mai aux hawt khaix jeeh nyaw maix heue. Maix Cao mawh pa nie lheu ting riang rao khaing aux mai hoik pex ka aux. Aux hoik yaox ti kham lox sibriem ku singaix mai pui ku kaux nunai ka aux heue.

YERAMIX 26:13

Mawh kheu nan, yam in deeh tieh loh krax hu pex mai krax pa yuh pex khankix mai cu nghiet ka lox Siyiex pex heue. Khaix an Siyiex tak deeh doh keud grawng pa dex dawd mai pa hoik krai pao Nawh Cao tix sang ciyang ka pex heue.

YERAMIX 42:10

“Phan pex kawn ca ot ka daux haktiex in, Aux tak sang pang sang sum pex mai ang yieh pex laux mai Aux tak sang sum pex mai ang lai reeig ka pex heue. Mawh kheu Aux deeh doh keud ka grawng pa laux leeing, pa viex Aux hoek piang pex heue.

AMOT 7:3

Siyiex leeing ju hoik deeh tieh rhawm tix ka son grawng in “An tak ang lai pon ti koe heue. “Siyiex ah nan heue.

AMOT 7:6

Siyiex leeing ju hoik deeh tieh rhawm rhi tix ka son grawng in, “In tak baox deeh ang lai koe heue. “Siyiex leeing ju ah nan heue.

YONAX 1:3

Viang mawh nan Yonax keud ti sang to mai mox tix ka veng Tasux, khaing plak sivoe ngai Siyiex mai nawh lih hu ka veng Yawppax mai yaox reu ting pa sang hu ka veng Tasux. Nawh tawx ngawh brug tix reu, laig ka daux reu mai brug reu hu tau mai kix ka daux veng Tasux, khaing plak sivoe ngai Siyiex heue.

YONAX 3:10

Khaix an Siyiex hoik yaox kaing pa yuh kix mai hoik tieh loh kix tix khaing pa caox caig yuh tix mai Siyiex deeh tieh loh rhawm rhi tix khaing krax pa ah Nawh ti sang ciyang ka kix mai caux rhawm, Nawh ang lai ciyang heue.

YONAX 3:9

Pui mawx pa tawng ka pa sang deeh tieh Siyiex tix mai doh keud mai deeh veeh tix khaing pa song rhawm Nawh Cao mai ang lai kieh ex hoek krax laux leeing?”

MIKHA 7:18

Mawh Siyiex mawx pa awm Maix Cao, pa pon pluat ploi phimap mai pa pon kieh krax pa lud sinngao pa kawn deuk Maix Cao khankix luad luan lie? Nawh Cao ang lai een ti deuh krax pa song rhawm tix leeing ju heue. Nawh Cao koe krax gaux rhawm ka daux krax pa caux rhawm heue.

LUKAX 10:29

Viang mawh nan kaw an, simie ti yuh tokaux tix, awm pui rahsee pa ang koe dee lud, nawh tom chawk ah nin ka Yesux, “Paox plawg paox nyhawm aux mawh mawx?”

PINGNYAP 4:31

mawh kheu Simiang Siyiex pex, mawh Siyiex pa caux rhawm, Nawh Cao ang tik vud pex mai ang kieh pex laux leeing mai ang piawm sijax mukheu pa tiextu tix ka keeing pex khankix.