YONAX 2:2 - Wa Common Language Translation

² “Yam yaox aux krax kha rhawm aux kok yo ka Siyiex mai Nawh Cao pawk lox aux heue. Yam ot aux daux meung yum mai riag yo, Maix mhong ka lox aux heue.

YONAX 2:2 Iomraidhean Croise

2 GRAWNG BEEN 33:12

Yam yaox nawh tix kham krax pa kha rhawm, nawh deeh khyox khaw ka Siyiex Cao nawh mai kied yuh tokaux cao tix tiiem ka plak sivoe Siyiex keeing nawh khankix,

YAOGYAW 116:3

Maox krax yum khankix, hoik rob ka aux mai meung yum hoik giex ka aux mai aux yaox krax pa kha rhawm heue.

YAOGYAW 120:1

Aux kok yo ka Siyiex yam yaox aux krax kha rhawm mai Nawh nghiet ka lox aux heue.

YAOGYAW 16:10

Grawh grawng nawh, Maix ang tik grham ju aux ka daux meung yum mai Maix ang kieh pui pa singax singeh cie Maix hoek krax cux sium.

YAOGYAW 22:24

Grawh grawng nawh, Nawh Cao ang nieb yuh pa ang cee ang cak ka pui pa hot sibhawm mai pa kha rhawm, Nawh ang veeh ngai khaing kix mai Nawh Cao nghiet ka lox pa rawg mhaing kix heue.

YAOGYAW 34:6

Lox kok yo pui pa hot pa sibhawm, Siyiex nghiet lox nawh mai taoh nawh lih khaing ka daux pa kha rhawm kuceu khawmuik heue.

YAOGYAW 4:1

Siyiex pa rahsee cao pa priex aux eue, deeh pawk ka lox pa kok yo aux liak. Yam koe krax pa khi rhawm aux, Maix mawh Cao pa teem aux heue. Yam in kawx, caux rhawm ka aux mai nghiet ka lox pa rawg aux bwan liak.

YAOGYAW 61:2

Aux kok yo ka Maix jah tom sidah haktiex, yam iak rhawm rhi aux, Maix viex aux hu ka rang ting pa nie lheu lhaong khaing aux liak.

YAOGYAW 65:2

Siyiex Cao pa nghiet ka lox pa rawg aux bwan eue, kawn pui khawmuik, tak sang greed ti hoek ka Maix heue.

YAOGYAW 86:13

Krax pa caux rhawm Maix, kied ting ka piang aux heue. Maix hoik taoh ju aux lih khaing tawm taix ka greem meung yum heue.

ISAYAX 14:9

Meung yum plak greem hoik yaox rhawm rhi maix, ka grawng maix, sonsang sipub ti yaox maix ka bawg yam bleeh maix tix hoek, kheu maix hoik so cao kaing meung yum haktiex an khankix, can pa mawh simiang haktiex khawmuik hoik yaog ti kaoh khaing dang ngeung pa ngawm tix heue.

YIIEM DOE 3:55

Siyiex eue, khaing ka daux tiex pa kied raux, aux kok yo ceu kaux Maix Cao heue.

YEZAKELAX 26:20

Aux tak sang viex maix lih hu daux meung yum tau mai pui dawg yum didix mai Aux tak kieh maix ot ka daux meung yum greem haktiex, ka dee pa yiien pui ka dee ot pui dawg yum di dix, pui son ang maix lai yaox ti im ju tau mai pui pa ot ka piang haktiex, mawh kheu nan, Aux tak kieh min sibrawm ot ka haktiex pui im ju heue.

YEZAKELAX 31:14

son ang num khaox pa koe hawt rawm pon yaw rangdi ka pa kied ting lhaong tix mai ang pon yaogyaw rao nyoig tix ka sinax kak mai son ang num khaox pa nyaux rawm khankix, tak ang lai pon tiag pa lhaong tix sigreung ankix, mawh kheu kix hoik dawg mawh pa ap tix ka krax yum, ka greem tiex sinax kawn pui, pa lih hu ka daux tiex heue.

MATHIEX 12:40

Mawh kheu awm hoik ot Yonax ka daux vaig kax ting loe singaix loe sawm, Kawn kawn pui kawx, tak ot ka daux tiex loe singaix loe sawm heue.

LUKAX 11:10

Grawh grawng nawh, kaw pa rawg tak pon, mai kaw pa sawg tak yaox mai ka kaw pa gleuh siviex tak paoh son nawh heue.

LUKAX 22:44

Nawh Cao kha rhawm kied sigrien sigre mai baox nied ti rawg bwan mai rawm lah Nawh lih mawh awm jah nham mai cod piang tiex heue.

KAWNCAU 2:27

Mawh kheu Maix tak ang grham ju aux ka daux meung yum. Lheu khaing an Kaw Pa Singax Singeh cie Maix kawx, tak ang kieh pon cux pon sium heue.

HEBRIE 5:7

Ka daux bawg yam singaix pa ot Cao Khrit ka daux nex nham, Nawh kok yo lox ting mai roik rawm ngai, rawg bwan mai khyox khaw ka Kaw pa chix taoh Nawh khaing krax yum, hoik nghiet ka lox Nawh an kheu chix nab yam Nawh

1 SAMOELAX 1:16

“Paw doh keud siliex bun maix, mawh bun pa caox, aux krai ka daux pa laux rhawm mai pa khi rhawm tix tom nie.”

1 SAMOELAX 30:6

Davit kied koe krax khi rhawm, kheu jao ah pui khankix tix sang dheem nawh ka simaox, mawh kheu pui khawmuik hoik koe krax khi rhawm mai kied voi rhawm, son kawn simex kawn bun tix khankix, viang mawh nan, Davit teei riang rao tix ka Simiang Siyiex Cao nawh.